أضف سؤال أو موضوع جديد          

طريقة تغيير زيت القير كاملا

up 9 down 2
khalidoo 1167
قبل 5 سنه و 11 شهر



السلام عليكم ورحمه الله و بركاته 
بعد دوران علی الورش ما حصلت احد عنده علم صح بالقير و طرق تغيير الزيت .
فيه 3 طرق لتغيير الزيت :
1. تغيير الزيت فقط ( السيارات اللي ما يتغير الفلتر ).
2. تغيير الزيت مع الفلتر .
3. تغيير الزيت كامل من القير و الطنجرة و المبرد .
الطريقة 1و 2 تغيير بنسبة تقريبا 50%
الطريقة 3 تغيير 100%.

و بحكم ان الطريقة 1 و 2 معروفة راح اتكلم عن 3 .
الطريقة كتالي :
1.تشغل السيارة الی ان توصل درجة التشغيل العادية .
2. طف السيارة .
3. فك صرة التفريغ و حط تحته سطل ( اي شي يجمع الزيت ) ضروري .
4. فك الكرتير ( للسيارات اللي يتغير فيها الفلتر ) و فك الفلتر ( راح ينزل زيت منه لازم تحط سطل عشان تعرف كم نزل من الفلتر و الكرتير اذا فكيته راح يكون فيه زيت لازم تصبه بالسطل .
5. غير الفلتر و نظف المغناطيس و نظف الكرتير و ركب الكرتير و لا تنسی الوجه حقه و اذا ما له وجه بالوكالة خذ معجون منهم .
6. رح للكبوت و شف وين مبرد القير و افصل لياته الاثنين .
7. شغل السيارة 3 ثواني و طف و في نفس الوقت واحد يكون واقف يشوف الليات اي واحد منهم صب الزيت منه و جب منفاخ مثل حق البناشر و انفخ بالمبرد من احد الجهات عشان يطلع الزيت اللي فيه و تحط سطل عشان تجمع الزيت اللي يطلع منه .
8. خذ خرطوش نفس حجم الخرطوش اللي طلع منه الزيت و اشبكهه في مكانه صح و حطه بالسطل و الخرطوش الثاني رجعه لمكانه انتبه تعكسهم .
9. عب زيت جديد بنفس الكمية اللي طلعت من القير و المبرد .
10. شغل السيارة و لا تدعس ولا تعشق و راقب الزيت اللي يطلع لما يتغير لونه الی لون جديد و طف علی طول .
11. الان احسب كم لتر طلع و عب مثله بجديد . الزيت اللي طلع هذا حق الطنجرة .
12. رجع كل شي مثل ما كان و ركب صح .
13. و بعدها شغل السيارة و خلها شوي و عشق كل التعشيقات علی الاقل مرتين كل نمرة اجلس فيها 3-5 ثواني .

ملاحظات /
- استخدم الزيت المكتوب بالكتالوج و خذه من الوكيل .
- اذ بتحط معجون للكرتير لازم تنتظره علی الاقل نص ساعة ينشف عشان ينشف المعجون و يضبط عشان ما يهرب .
- اذا ما عندك منفاخ فك الخرطوش الراجع و اشبك فيه اللي مثل الخطوة رقم 8 لان الزيت راح يطلع من القير و يدخل المبرد و يطلع من المبرد و مشبوك فيه الخرطوش اللي انت شبكته فيه و يروح للسطل . 
- فك الخراطيش من جهه القير و ليس المبرد في حاله ما عندك منفاخ و اذا عندك تقدر تفكه من المبرد . 
-ضروري تعاير الزيت حسب ما مكتوب عندك بالكتالوج عشان تضمن ان القراءة صحيحة لا زيادة ولا نقص . 
- الطريقة رقم 3 تسويها بترومين بالجهاز بس عبيهم يستخدمون زيت قير ما تنفع لسيارة .
- طريقة حساب اللترات تصب الزيت اللي بسطل في علب معروفه مثل علب زيت المكينة او في جالون = 4 لتر   هذي امثلة لطريقة الحساب 

https://youtu.be/9Ly6cbbKa9A

https://youtu.be/vhksapxDPA0

https://youtu.be/usgiBQRq5q8

https://youtu.be/XQRBONXlEIE
و هذي مقاطع للطريقة . 

ان شاء الله اكون وقفت في طرح الموضوع و اعتذر علی الاخطاء الاملائية ان وجدت و الاطالة ... 
اخوكم / خالد الفوزان . 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حبيبي الكيا السيراتو فيها فلتر داخلي


up 1 down 0
الاسطورةة 2
قبل 5 سنه و 11 شهر



معاي سياره سيراتو 2013 الشكل القديم ابغيرلها زيت القير 
اللي قد غير قبل يعلمني وين اروح غير الوكاله واسف اني اطلت عليكم 
وجزاكم الله خير



up 0 down 0
الاسطورةة 2
قبل 5 سنه و 11 شهر



طبعا فيه طريقة رابعة ما ذكرتها لانها مكلفة مرة و هي انك تسحب مثلا نص الكمية و تضيف مثلها م تسحب و تضيف لما يتغر لون الزيت الى لون الزيت الجديد و تغير الفلتر اذا كان له فلتر


up 0 down 0
khalidoo 1167
قبل 5 سنه و 11 شهر



اختلف معك في هذي النقطة :

1. تغيير الزيت فقط ( السيارات اللي ما يتغير الفلتر ).

مافي سيارة بدون فلتر ياخوي كل السيارات يوجد فيها فلتر قير انت يمكن تقصد السيارات اللي زيتها طويل الامد زي ال بي ام تغير الفلتر بس 



up 1 down 2
benz lover -77
قبل 5 سنه و 11 شهر





فيه سيارات يجي الفلتر داخلي ومايتغير.... زي سيارتي لازم اغير وجه الكارتير اذا بغير الفلتر لانه مدمج فيه benz lover


up 1 down 0
icew92 21
قبل 5 سنه و 11 شهر



فيه سيارات ما تقدر تغير الفلتر الا بفك القير و حاولت اني ادور طريقة اني اوصل له بس لازم تفك القير من المكينة و تفك جرم القير و تحصله مباشرة يكون في الواجهة.
وبعض القيور يجي في المخ صفاية منخلية حديد و بعض السيارات داخل الطرمبة منخل بلاستيك صغير طوه 5 سم تقريبا .

مكانه صعب عشان كذا ما يتغير الا بفك القير . و لو دققت بكلامي انا قلت ما يتغير يعني موجود بس ما يتغير انا ما قلت ما فيها فلتر لان القير بدون فلتر راح يخرب قبل ما يمشي الموتر 100 الف كلم .
و ما فيه زيت ما يتغير . .. طويل الامد يعيش فترة و يحتاج تغيير 


up 1 down 0
khalidoo 1167
قبل 5 سنه و 11 شهر



الفورد تورس مالها  كرتير قير  ويتغير زيتها عن طريق الشفط 


up 1 down 0
سكودر 14927
قبل 5 سنه و 11 شهر



اشكركم علی تفاعلكم و مداخلاتكم +1


up 0 down 0
khalidoo 1167
قبل 5 سنه و 11 شهر



السلام عليكم
مثل ما قلت اخ khalidoo في بعض السيارات فلتر القير يتم تغيره من خلال فك القير وغالبا عند التوضيب
وهذه من تجربه مع سيارتي كيا اوبتيما 2006 وقديما هوندا اكوردا 94
وسمعت ان الكثير من سيارات الدفع الامامي نفس النظام


up 0 down 0
dub_r-50 439
قبل 5 سنه و 11 شهر



طيب اللي عنده قير عادي؟


up 0 down 0
فيصل الرماح 37
قبل 5 سنه و 11 شهر



تفك الصرة و تفرغ الزيت و تقفل و تفك الصرة العلوية و تعبي لما يطلع و تقفل بس تحتاج زي الطرمبة عشان تصب الزيت 


up 0 down 0
khalidoo 1167
قبل 5 سنه و 11 شهر



اولا اذا كانت السيارة باردة تشغل و تاخذ مشوار لا يقل عن 15 او 20 دقيقة .
ثم توقف السيارة و تعشق كل التعشيقات مرتين في كل نمرة تجلس 3-5 ثواني ثم حط السيارة اما p او n و شرط تكون علی ارض مستوية و لا تطفي السيارة و ثم اسحب العيار و امسحه و رجعه و طلعه مرة ثانية لازم يكون بين نقاط الهوت اذا اكثر يعني في زيادة 

اذا سيارتك اكسنت او ريو قبل 2015 ( القير الجديد )  القير ياخذ 3.5 لتر مع الفلتر 


up 0 down 0
khalidoo 1167
قبل 5 سنه و 11 شهر



مع الفلتر يعني 2 



up 0 down 0
khalidoo 1167
قبل 5 سنه و 11 شهر