طريقة تغيير زيت القير كاملا
9
2
إضغط هنا للإخفاء
السلام عليكم ورحمه الله و بركاته
بعد دوران علی الورش ما حصلت احد عنده علم صح بالقير و طرق تغيير الزيت .
فيه 3 طرق لتغيير الزيت :
1. تغيير الزيت فقط ( السيارات اللي ما يتغير الفلتر ).
2. تغيير الزيت مع الفلتر .
3. تغيير الزيت كامل من القير و الطنجرة و المبرد .
الطريقة 1و 2 تغيير بنسبة تقريبا 50%
الطريقة 3 تغيير 100%.
و بحكم ان الطريقة 1 و 2 معروفة راح اتكلم عن 3 .
الطريقة كتالي :
1.تشغل السيارة الی ان توصل درجة التشغيل العادية .
2. طف السيارة .
3. فك صرة التفريغ و حط تحته سطل ( اي شي يجمع الزيت ) ضروري .
4. فك الكرتير ( للسيارات اللي يتغير فيها الفلتر ) و فك الفلتر ( راح ينزل زيت منه لازم تحط سطل عشان تعرف كم نزل من الفلتر و الكرتير اذا فكيته راح يكون فيه زيت لازم تصبه بالسطل .
5. غير الفلتر و نظف المغناطيس و نظف الكرتير و ركب الكرتير و لا تنسی الوجه حقه و اذا ما له وجه بالوكالة خذ معجون منهم .
6. رح للكبوت و شف وين مبرد القير و افصل لياته الاثنين .
7. شغل السيارة 3 ثواني و طف و في نفس الوقت واحد يكون واقف يشوف الليات اي واحد منهم صب الزيت منه و جب منفاخ مثل حق البناشر و انفخ بالمبرد من احد الجهات عشان يطلع الزيت اللي فيه و تحط سطل عشان تجمع الزيت اللي يطلع منه .
8. خذ خرطوش نفس حجم الخرطوش اللي طلع منه الزيت و اشبكهه في مكانه صح و حطه بالسطل و الخرطوش الثاني رجعه لمكانه انتبه تعكسهم .
9. عب زيت جديد بنفس الكمية اللي طلعت من القير و المبرد .
10. شغل السيارة و لا تدعس ولا تعشق و راقب الزيت اللي يطلع لما يتغير لونه الی لون جديد و طف علی طول .
11. الان احسب كم لتر طلع و عب مثله بجديد . الزيت اللي طلع هذا حق الطنجرة .
12. رجع كل شي مثل ما كان و ركب صح .
13. و بعدها شغل السيارة و خلها شوي و عشق كل التعشيقات علی الاقل مرتين كل نمرة اجلس فيها 3-5 ثواني .
ملاحظات /
- استخدم الزيت المكتوب بالكتالوج و خذه من الوكيل .
- اذ بتحط معجون للكرتير لازم تنتظره علی الاقل نص ساعة ينشف عشان ينشف المعجون و يضبط عشان ما يهرب .
- اذا ما عندك منفاخ فك الخرطوش الراجع و اشبك فيه اللي مثل الخطوة رقم 8 لان الزيت راح يطلع من القير و يدخل المبرد و يطلع من المبرد و مشبوك فيه الخرطوش اللي انت شبكته فيه و يروح للسطل .
- فك الخراطيش من جهه القير و ليس المبرد في حاله ما عندك منفاخ و اذا عندك تقدر تفكه من المبرد .
-ضروري تعاير الزيت حسب ما مكتوب عندك بالكتالوج عشان تضمن ان القراءة صحيحة لا زيادة ولا نقص .
- الطريقة رقم 3 تسويها بترومين بالجهاز بس عبيهم يستخدمون زيت قير ما تنفع لسيارة .
- طريقة حساب اللترات تصب الزيت اللي بسطل في علب معروفه مثل علب زيت المكينة او في جالون = 4 لتر هذي امثلة لطريقة الحساب
https://youtu.be/9Ly6cbbKa9A
https://youtu.be/vhksapxDPA0
https://youtu.be/usgiBQRq5q8
https://youtu.be/XQRBONXlEIE
و هذي مقاطع للطريقة .
ان شاء الله اكون وقفت في طرح الموضوع و اعتذر علی الاخطاء الاملائية ان وجدت و الاطالة ...
اخوكم / خالد الفوزان .
إبلاغ
سيارات للبيع
الردود
اللي قد غير قبل يعلمني وين اروح غير الوكاله واسف اني اطلت عليكم
وجزاكم الله خير
0
0
0
0
1. تغيير الزيت فقط ( السيارات اللي ما يتغير الفلتر ).
مافي سيارة بدون فلتر ياخوي كل السيارات يوجد فيها فلتر قير انت يمكن تقصد السيارات اللي زيتها طويل الامد زي ال بي ام تغير الفلتر بس
1
2
فيه سيارات يجي الفلتر داخلي ومايتغير.... زي سيارتي لازم اغير وجه الكارتير اذا بغير الفلتر لانه مدمج فيه benz lover
1
0
وبعض القيور يجي في المخ صفاية منخلية حديد و بعض السيارات داخل الطرمبة منخل بلاستيك صغير طوه 5 سم تقريبا .
مكانه صعب عشان كذا ما يتغير الا بفك القير . و لو دققت بكلامي انا قلت ما يتغير يعني موجود بس ما يتغير انا ما قلت ما فيها فلتر لان القير بدون فلتر راح يخرب قبل ما يمشي الموتر 100 الف كلم .
و ما فيه زيت ما يتغير . .. طويل الامد يعيش فترة و يحتاج تغيير
1
0
1
0
0
0
مثل ما قلت اخ khalidoo في بعض السيارات فلتر القير يتم تغيره من خلال فك القير وغالبا عند التوضيب
وهذه من تجربه مع سيارتي كيا اوبتيما 2006 وقديما هوندا اكوردا 94
وسمعت ان الكثير من سيارات الدفع الامامي نفس النظام
0
0
0
0
0
0
ثم توقف السيارة و تعشق كل التعشيقات مرتين في كل نمرة تجلس 3-5 ثواني ثم حط السيارة اما p او n و شرط تكون علی ارض مستوية و لا تطفي السيارة و ثم اسحب العيار و امسحه و رجعه و طلعه مرة ثانية لازم يكون بين نقاط الهوت اذا اكثر يعني في زيادة
اذا سيارتك اكسنت او ريو قبل 2015 ( القير الجديد ) القير ياخذ 3.5 لتر مع الفلتر
0
0
0
0
قبل 9 سنه و شهر