مشكلة صارت لصاحبي وبغيت آرائكم وردودكم .. نستفيد جميعا

4 4

لايمكنك التصويت حتى الحصول على 20 نقطة على الأقل
إضغط هنا للإخفاء

عبدالرحمن912 70
قبل 9 سنه

أولاً : السلام عليكم ورحمة الله وبركاته 




مساكم / صبحكم الله بالخير جميعاً ..




والله ماطرحت الموضوع هذا إلا أشوف آرائكم واقتراحاتكم وأبغى أنبهكم على خطوة مهمة جداً جداً بأذكرها آخر شي .. 




عموماً  اللي حصل سلمكم الله سافرت أنا وصاحبي إلى قطر قبل أربعة أيام كل واحد بسيارته




ويوم جينا راجعين تونا طالعين من الدوحة مامشينا حتى 20 كيلو إلا وتطفي سيارة خوي ويوقف على جنب (سوناتا 2013)




وننزل نشوف إلا يقول لي السيارة طفت فجأة طبعاً كان داعس تقريباً 120 وضغط على البنزين بيزيد السرعة وكتمت وطفت على طول 




المهم حاولنا نشغل عيت فقط تدق سلف والمكينة ماعاد تدور نهائياً ، ولمبة الزيت والمكينة اشتغلت وحاولنا بإشتراك مافي فايدة 




مالكم بالطويلة على طول ع الصناعية سطحة وعلى وكالة هونداي سوولها فحص كمبيوتر الكهرباء سليمة وطلع المشكلة في المكينة (جَيَّمت) يعني صلبت








والحل ماكان قدامنا إلا نشحنها بسطحة للسعودية (الرياض) ، المهم شحناها للرياض ويوم وصلت وداها خويي لوكالة هونداي اللي في خريص




لأنها مازالت تحت الضمان ماتعدت 100 ألف كيلو ولا ثلاث سنوات ولله الحمد 




أول شي سألو عنه **** وين تغير الزيت وجب الفواتير << بالعربي شي يثبت أنك تغير زيت وسيفون باستمرار>> الحمد لله طلع الرجال محافظ 




على تغييرات الزيت وفي الوكالة أيضاً ، ولكن قالو طيب وين تصلح الصيانة الدورية ((اللي ماأدري أصلا وش يقصدون فيها؟؟)) 




وحاجوه بالشي هذا لأنه ماكان يسوي الصيانة الدورية عندهم أو عند غيرهم كان إذا خرب شي يصلح في الصناعية طبعاً زي حال أغلب الناس كذا يصلح في الصناعية ويمشي ,, وبكذا قالوا الضمان مايشملها .. وطلعت تكلفتها لو بيصلحها عندهم تقريباً 16000 ألف ريال..




معليش طولت عليكم .. طبعاً خوينا استفزع بوزارة التجارة وطلع كلامهم نفس كلام الوكالة .. لازم تكون منتظم في تغييرات الزيت والسيفون 




والصيانة الدورية (طبعاً في الوكالة أو برا عادي بس أهم شي معك شي يثبت إنك محافظ على التغييرات والصيانة)




والآن صاحبنا يخبط يمين بشمال وقاعد يدور في دهاليز الصناعيات على أمل أنه يلقى له حل أو توضيب أو مكينة أو أو أو ..








كانت هذه هي السالفة اللي غبنتني وحبيت اشاركها معكم حتى ننتبه جميعاً للشي هذا وكذب الوكالات وسرقتهم وغشهم لنا بأسباب وأعذار غبية












فنصيحتي لكم احتفظوا بالفواتير اللي تثبت إنك تغير الزيوت باستمرار وتسوي الصيانة الدورية باستمرار ..








وآسف جداً على الإطالة .. والسلام عليكم ورحمة الله وبركاته ،،








نشوف ردودكم وأرائكم واقتراحاتكم هنا..................................

إبلاغ

الردود