تقييمي لبعض سيارات هونداي وعيب بارز في الالنترا

23 14

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2822
قبل 9 سنه

السلام عليكم ورحمة الله وبركاته

اليوم بتكلم عن تجربة لهذي السيارات وكانت كلها جديده
اكسنت 2013 فل كامل ماشيه 89 الف   1.6
توسكان 2013 نص فل ماشية 96 الف  2.0 
سيارتي النترا 2015 فل كامل ماشيه 81 الف 2.0

ملاحظاتي التي تشمل جميع السيارات وراح اذكر السلبيات والايجابيات

هربدة الديكور بعد فترة بسيطة وليس الطبلون فقط 
بل جميع اجزاء الديكور الداخلية
عند استلامك للسيارة الجديدة سوف تشعر بهدوء كبير في صوت التشغيل وصوت المحرك وعدم ظهرو اصوات ديكورات
بعد فتره
تدريجيا تبداء تزيد الاصوات وصوت المحرك راح تحس بفرق وكئنه المكينة كل شوي تزيد الاحتكاك مدري هل هو طبيعي او لا

الاكسنت والالنترا 
بعد 20 الف كيلو تقريبا ظهور صوت طقطقه بداية التشغيل في المكينة لمدة ثواني ثم يختفي
ويطهر بشكل مستمر وواضح في فصل الشتاء
(( يقولون نظام تسريع تحمية المكينة )) وما ادري لكن التوسكان ماظهر فيه هذا الشي

الكهرب حساسة مره لاحظت مرتين ظهر عندي فجئه التماس كهرب يعني رمشت الانوار وراحت من بعدها اختفت
(( احد الشباب كلمني فالخاص وقال انها واجهته ))

فتحت السقف تعطلت عند اخوي فالاكسنت 
وحاليا عندي اذا قفلتها الاحظ انها بارز عن سقف السيارة وتوقعت انها راح تهرب الموية علي
لكن الحمدلله مافي اي تهريب 
عندي حافظة النظارة في في السقف مدري وش صابها !! مع اي هزه تنفك
بعض الاوقات احس الهواء يدخل مع ازرار يد الباب حقت القزاز اذا كان فيه هواء قوي جدا

نجي الان في العيب الكبير اللي ظهر عندي ووجدت اثنين في اليوتيوب نزلو عنه مقطع
ووجدت احد الشباب في المنتديات اشتكو منه
واحد الاعضاء راسلني عالخاص وطلع عنه وسيارته ماشيه 21 الف
المشكلة ظهرت في هذي المديلات 
2012 
2015  سيارتي وسيارة واحد من الشباب 
^^
وايضا وجدت في اليوتويب ناس يشتكون من هذي الطقة
المشكلة تكون في ظهور صوت طقطقه اذا جلست تلف الطارة يمين ويسار وانت واقف
تحس انه فيه شي مكسور يمين ويسار مثل كراسي مساعدات 

بعد البحث عنه
اللي قال دودة 
اللي قال دينمو دركسون

رحت فحصت فافكثر من مكان
فالاخير قلي عندك الاذرعة هي السبب
نزلت عشان اتاكد بنفسي مسكت الذراع وهو جلس يلعب فالطارة وفعلا حسيت الطقة فالذراع واضحة
الذراع شديت عليه فوق تحت يمين يسار حسيت فيه فضاوة

رجعت الوزالة سئلت عن القطع التاليه
اذرعة داخلية خارجية يمين ويسار بعد التخفيض ب 310 
الدودة بعد التخفيض ب 1050
دينمو الدركسون قلي قبل التخفيض 9870  !!!  اجل بعد التخفيض كم ؟ قال نقدر نخليه 5700
قلي انت ليه تبي تسئل عن سعرها
قلت له اللي صار كله معاي قلي ياخي ماافتكر انه احد اشترا الدينمو او سمعت انه احد غيره فمن الصعب انه يخرب
ممكن الدودة ممكن الاذرعة وارجع تاكد منها وروح اسئل الصيانة عشان تتاكد من كلامي

حاليا انا اشك في الاذرعة وليس الدودة لان صوت الطقة في اقصى اليمين تحت 
واقصى اليسار تحت في نفس مكان الاذرعة اي ان مصدر الصوت في الاذرعة
لحد الان ما اشتريت ولا غيرت ولاسويت شي فهذي المشكلة لحد ما اتاكد منها اكثر

بخصوص التكييف ممتاز سواء ليل او نهار
الرساوة سيئه لكن مقارنة بالاكسنت فاكيد انها افضل الاكسنت
رساوة التوسكان افضل من الالنرتا ومافي مقارنة
العزل الارضي فيهم جميعا سيئ
لكن لاحظت بعد فتره ان التكييف تغير في وقت النهار هو يبرد ماعليه خلاف
لكن ماهو مثل تبريد الليل

هناك مشكلة تكلمو فيها الشباب فالقير وهي اذا جيت توقف تحس القير ينتع
هذي ماكانت عندي وبعد فترة لاحظتها يوم وصلت الامارات وبعد خط طويل

من الرياض للامارات دعسه وحده وصلت الامارات فالظهر فكل ما اجي اوقف تظهر النتعه فالقير طلعت
اليوم الثاني جربتها اختفت النتعه 
(( اتوقع حرارة القير ترتفع اذ جلدت السيارة ))

باقي الايجابيات
عزل الهواء اشوفه ممتاز بس غيري اشتكى منه 
المساعدات والركب والمقصات وكراسي المساعدات بصراحه اشهد لها بالقوة
ياما اكلت حفر ومطبات لحد ماضرب الكفر مره وحبل مرتين وبعد الفحص ماوجدت فيها اي مشكلة
السيارة لحد الان مافيها اي حذفيه رغم اني كنت متوقع بتروح الوزنية بعد الشوارع المكسرة 
البطارية بعد سنة خربت وغيرتها

اما باقي الاشياء فامورها طيبة ماقد واجهني فيها اي مشكلة
اعطونا ارائكم
ومن اللي عنده نفس السيارات ياريت يطرح الايجابيات والسلبيات

فالنهاية
انا مانزلت هالموضوع عشان اقول كل هونداي سيئة
لكن حبيت اكتب كل شي صار ووثقت المشكلة الكبيرة بمقطع فيديو
ممكن يجي احد يقول انا معاي النترا مافيها اي شي وهذا صحيح

وسلامتكم

https://www.youtube.com/watch?v=gtVUKGCQ4gA&list=PLg5HRRdG9iWKusgvIxIr6_ZX9GR55gwP5&index=1

https://www.youtube.com/watch?v=wNmsz9vRPhI&index=3&list=PLg5HRRdG9iWKusgvIxIr6_ZX9GR55gwP5

إبلاغ

الردود