استفسار بخصوص صيانة 70 الف

افحص سيور المكينة أتوقع أنها استهلكت بعد هالمدة 

سير التامين في حياتي ماغيرته
سير المكينة اعتقد والله اعلم انه استهلك افحصه بنفسك
ولو شفت فيه تقطعات وشفته ناشف غيره وغير كذا لاتغيره
وغير فلتر الهواء لأنه رخيص ومشاكله كثيره لو ماغيرته

وعليكم السلام ورحمة الله وبركاته
أهم شيء شيك على زيت المكينه لا يكون ناقص او اسود
وحبذا اذا غيرته ان تحط نوع خفيف

الفحمات شيك عليها يمكن انتهى عمرها (امامي خلفي)
البواجي حبذا لو تغيرها او شيك عليها

الكفرات شيك عليها ولا تهمك النقشه شيك على تاريخها اهم شيء لانه يمكن ماقد غيرها من الوكاله

فلتر المكيف نظفه او غيره

شيك على سيور المكينه 

هذا اللي يحضرني ولو ما تسوي شيء ما يضر ان شاء الله لكن احتياط فقط

والله يعطيك خيرها ويكفيك شرها

كان معي جيب مازدا ولا طلب مني شيء نهائيا ولا سويت له شيء لانه ماطلب مني شيء

يوم وصل 150 غيرت له بواجي فقط

ويوم وصل 170 بعته لقريبي و وصله 200 الف وغير سير التايمين 

طبعا هذي الاشياء اللي غيرته بما يخص المكانيكا

اما الزيت يتغير كل 5 الاف حق المكينه مع السيفون وكل 50 الف اغير زيت قير و غيرت الفحمات مرتين

ونسيت اقولك بعد ممشى 200 الف مع قريبي

غير فلتر المكيف وطلع لونه اسود مو بني من الغبار ههههههه بس ما شاء الله كان المكيف يكسر عظامك ما شاء الله

وغير زيت الدركسون بعد ممشى 200 الف كيلو 

فدامها ماطلبت شيء لا تسوي فيها شيء

لانك احيانا تجي تبغا تكحلها , تعميها , بسبب العماله يتعلمون على سيارتنا

واقوى سياره في هونداي هي النترا من 2007 الى 2011

شفها لا زالت عايشه في شوارعنا

وقبل فتره نزل اعلان للبيع تكاسي اقل ممشى 600 واعلا ممشى 900 الف وكلها النترا 2007 الى 2011

يعني ما عليها خلاف لو ماتسوي لها صيانه 

موفق

يعطيكم العافية على هالنصائح ما قصرتو شكرآ لكم جميعاً