الازيرا الجديدة 2016

سيارة اكثر من رائعه الازيرا
عن تجربة مميزه جدا هذي السياره 
يعيبها الرساوة بس 

هذاها معي من سنه ونص والحمد لله 

اول نصيحه غير كفرات الوكاله الهانكوك لانها بتتعبك بالتحبيل ، واشوف ان كفرات النيكسين الكوريه افضل شي لها

وثاني حاجه ركب كفر اعلى ارتفاع مثل 245-45-19 عشان ترتاح مع المطبات والحفر وللمعلوميه كفر الوكاله ارتفاعه 40

الموتر يقبل بنزين 91 و 95 << انا جربت 95 اكثر من 5 مرات ومافرق معي بالعزم عشان كذا رجعت للاخضر  

اي حادث تنقسم نصين عاد انت  اختار اي نص يعجبك ههههههههههههههههههههههههههههههههههههههههه  
منت مصدق فك اليوتيوب 

اذا ملزم خذ كادينزا افضل منها ومكينه اكبر وسعر ارخص 

السياره قمه في الروعه خصوصا ال6 سلندر لكن مع الاسف ماتمسكك قيمه سنتين تصلها ب40 وتطلع بثمن غالي

اي موديل كابرس كان معك

بخصوص البنزين الازيرا تصرف بنزين مقارنه بالكابرس ولاهو ذاك الفرق...

برضوا ماخذه تقيم سيء في استهلاك الوقود

الاستكر حق استهلاك
اي سيارة ست او ثمان سلندر معطيها تقييم سئ
و الهدف منه تحذير الناس عشان رفع سعر البنزين قريب

بالنسبة للازيرا سيارة عملية و منتشرة بقوة
انصحك تجرب وحدة ايجار تعبيها فل و تمسك خط 
و تفرفر يوم او يومين تشوف كيف الصرفية
لان ممكن ما يكون في فرق كبير بالصرفية
 بين محركات  V8و V8
الكابرس حجم المكينة 6000 و الموديلات اللي قبل 5700
و الازيرا 3000 لكن ممكن حجم التانكي باللتر
نفس او قريب من الكابرس
اذا تفرق معك بالصرفية شوف سوناتا او كامري خليجية
و قير CVT اللي على الاكورد و الالتيما جدا" موفر اذا منت متخوف منه

الازيرا موتر ممتاز ورساوته رائعه جدا لكن ترى عزم الموتر لك عليه

اذا ماهمك فهو موتر جيد ومواصفاته حلوه 

اذا معك كابرس فبتحس بتطور هائل وتحس ان ركبت بي ام من كثر التقنيات 

واذا تبي تصيحتي مر محل تاجير واستاجر ازيرا منهم وشف بنفسك

وعليكم السلام ..
من كابرس لازيرا العزم ماراح يعجبك اذا كنت تهتم بالعزم لاني على كلام ملاكها اضعف موتر 6 سلندر هي للاسف

انصحك عن تجربه موديل 2012 ماشي 144 الف ماشتكيت منه ولله الحمد وناوي اخليه يكمل 10 سنين قدام اذا الله احيانا واذا الموتر طيّب ..

لكن موديل 2016 عيبه شيء واحد قد مايمك ويهم غيرك
وهو بعد سنه راح يتغير شكل الازيرا كليًا .. احتمال في 2016 شهر 7 او
 1/1/2017
لكن السيارة بشكل عام تحتاج عناية خفيفه مو كداد .. وقطع غيارها متوسط ليست غالية وليست رخيصه .. يعني مقبوله بالنسبه لفئتها مثل الافالون ..
ولو تلاحظ السيارة منتشره  اكثر من الافالون والكادينزا عشان كذا خذ المنتشر  عشان يمسك سعره وموديل 2012 سعره 55 الف كذاب اللي يقولك بعد سنتين يصير 40 الف 
سلمات اجل 40 الف تشليح ابوك ههههههههههههههههه
والسلام ختام
الله يعطيك خيرها مقدما

خذ ماكسيما الشكل القديم 
اقوى وارسى واجود ونفس السعر
للعلم انا ما سقت اي واحدة منهم بس على حسب الفيديوهات على اليوتيوب

والله من يوم اشوف الازيرااااا. 


يفز فلبي.  فزه.   خفوقاااااا شاااف حبيبه

اذا بتشتريها انصح انك ماتشتري فل جنط 19 لأنها بتراضخ معك وبتكون اقل راحة من جنط 18


خوينا توه مطلع 2016 بصمة وجلد وبانوراما بس جنط 18 ومبطها حليو بس ال19 اتوقع بتعاني معه شوي



بالتوفيق

مسوين عليها عرض حاليا" ب85 الف
عند الوعلان
فئة استاندر جنوط 17 بدون بانوراما
لكن فيها مثبت سرعة و الشاشة ممكن تركيبها برا
اما الفل غثيثه الجنوط الكبيرة و البانوراما ما منها فايدة
و السعر مبالغ فيه على مكينة اقل قوة من المنافسات

تجربتي معها فل اوبشن 2016 مواصفات المجدوعي 

سيارة من أجمل السيارات في فئتها رساوة ممتازة سافرت من الشرقيو للجنوب 4 مرات و كانت مريحة و ما حسيت بتعب السفر مثل الالنترا خخخخ و تصلح للراكدين الهادئين مثلي قوتها مناسبة لي لكن الحق يقال ركب معاي 4 اشخاص و انا السائق يعني 5
و رحنا رحلة للسوده و في الطريق كانت صدمة ان عزمها يقل مع الطلوع بشكل زعلني صراحه كانت اقل من المتوقع طبعا وزن السيارة الفل مرتفع اعتقد يصل 1700 كيلو و مع عدد 5 اشخاص و الشنطة فيها اغراض 
اعتقد طبيعي اللي صار لكن اجزم لو ان المحرك 3.3 اللي قريب ينزل او 3.5 مثل الكادينزا كانت فرقت اعطي الاداء 8 من 10 و صرفية البنزين حسب الاستخدام الفل يمشيني 650 كم الان .. 
اما بالنسبة للجودة الداخلية اعطيها 9 من 10 السبب صوت مع المطبات و الحفر عجزت احدد مصدره هذا غير صوت الهوا من بعد 100 يكون واضح احيانا جهة الباب توقعت انه من ضرب الهواء للمرايا لكن حتى مع الصفط باقي نفس الصوت و ملاحظة ان الصوت احيانا و ليس دائما ,
 الفتحة فيه صوت خفيف جدا ظهر لي قريب بعد 10 الاف و قالوا لي بيسوون صيانه لها ع الضمان الصيانة الجاية بس هذه الملاحظات اللي لاحظتها خلال فترة 6 شهور 14 الف كيلو

طبعا لو رجع بي الزمن رجعت اختار ازيرا لانها تناسبني وفخمه .. الملاحظات اللي ذكرتها ما قللت من قيمتها عندي تضل السيارات كلها حتى الالماني غير كاملة و من صنع البشر و ما الكامل الا الله سبحانه ..

انصحك بالماكسيما الجديدة سعر الستاندرد اتوقع اذا ما كنت ناسي
101 الف ، مواصفاته رهييبة وشكلها ماشاءالله تبارك الله ، والسيارة توها مالها
شهر مغيرين شكلها يعني لا تخاف بتقعد 6 سنين عبال ما تتغير ويابانية ، هي صح ما تمسك
سعرها ، زيها زي الازيرا ، ولا تنسى انه القير CVT  يعني صرفية البنزين بتكون ممتازة مع نظام 
الايكو ،