أضف سؤال أو موضوع جديد          

طريقة اصلاح فتحة سقف الالنترا في حال عدم اغلاقها

up 29 down 15



السلام عليكم ورحمة الله وبركاته :

ذكرت لكم سابقا تقرير عن السيارة وقلت انه عندي فتحة السقف كانت تقفل لكن تكون بارزة عن التنده
قبل فترة غسلت ودخلت الموية 
رغم انه قبل كانت الموية ماتخش وهذا اللي خلاني اطنشها ما اصحلها ولا عاد استخدمتها وقلت خلاص شكلها على وشك خراب والضمان عندي منتهي
فطلعت الصناعية
ادور على الورش وكل واحد يطلع لي مشكلة
الي يقول يبيلها تنظيف التراب والثاني الدينمو عطلان 
فجلست ابحث فالنت عن حل ولقيت واحد معاه 2016 يعاني من مشكلة ثانيه في الفتحة
بعد مراجعة الردود وجدت احد الشباب ذكر انه تعرض لنفس المشكلة وراح الوكالة وصلحوها في خلال دقيقة عن طريق برمجتها
فقلت دام الموضوع فيه برمجة خلني اشوف الكتلوج وفعلا وجدت الطريقة مشروحة بالتفصيل
واسباب حدوث مثل هذي الاعطال هي
فصل البطارية 
اطفاء السيارة وفتحت السقف مفتوحة 
كل هذي الامور تسبب لخبطة في برمجة الفتحة 

بعد عمل البرمجة رجعت الفتحة مثل اول وضبطت الوزنية

الطريقة كالتالي تكون السيارة شغالة
اضغط زر الاغلاق ل 10 ثواني ( تفتحت الفتحة على فوق )
ارفع اصبعك واضغط مره ثانيه 5 ثواني نفس الطريقة ( تفتح الفتحة للخلف بشكل كامل وترجع تقفل )
في جميع الخطوات خلك ضاغط على زر الاغلاق لحد ماتنتهي العملية


اصحاب الورش ماعندهم خلفية بهذي الامور فتجده يقولك مشكلة ميكانيكية لازم فك  وتركيب وهي فالنهاية مشكلة كهربائية تحتاج الى اعادة برمجة وتزين الامور
والطريقة نزلتها لكم على فيديو
https://www.youtube.com/watch?v=Pj9tIPExL_Y











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يجزاك خير ياشاقح مجهود تشكر عليه الحقيقة


up 2 down 0
a.ibrahem 3169
قبل 6 سنه



مشكور معلومة مهمة ****


up 2 down 0
hosam200 1742
قبل 6 سنه



الله يجزاكم خير جميعا واتمنى تنشر للجميع ليستفيد الجميع



بجربها ان شاء الله انا عندي الاوتوماتيك مايشتغل تعلق واذا ارفعها او اقفلها تتأخر
ومن اول ما طلعتها وكاله للحين كذا نظفت التراب وحطيت تشحيم وصارت احسن 


موضوع حلوو ومفيد 

شاقح 
بصراحة لا تزعل 
لو كان عضو ثاني غيرك عادي 
بس انت والله قوية بحقك 
عار عليك اذا فعلت عظيم
اول حل لك انك رح للسباكين قبل تبحث عن الحلول 
هذا وانت ما شاء الله عليك راعي حلول وابداعات 
اكررها لا تزعل على ردي 

ولا عاد تكررها 

اخر حل اني اروح للسباكين 
كان طرحت الموضوع وشفت راي سباكين المنتدى قبل سباكين الصناعية 


دمت بود +١


up 2 down 6



الله يجزاك خير 
انا عندي مشكله ان احيانا لمن افتحها وارجع اقفلها ما تتقفل وترجع تفتح ويبغالي اسويها كم مره عشان تتقفل 
غير كذا لمن اضغط الزر وابغا افتحها في بطء في الاستجابه 
يعطيك العافيه ما قصرت 


up 2 down 1
loody_23 363
قبل 6 سنه



عبدالله الغامدي
مدري عن الاوبتيما بس جرب هالطريقة وشوف الكتلوج عندك هل فيه تعليمات او لا
واذا طلعت بحل خبرنا وش يصير معاك

تواوت
اللي خلاني اشك انه عطل ميكانيكي هو ان مجرى الفتحة مليان تراب ونظفته
بعدها زادت المشكلة قلت اكيد الدينمو تعرض لاوساخ 
فماخطر عبالي انها شغلت برمجة 

وشكرا على مرورك


الله يعافيك ومشكور



up 1 down 0
باترول 2020 2624
قبل 6 سنه



و عليكم السلام و رحمة الله و بركاته
وش هالتعقيد
برمجة لفتحة السقف؟؟؟؟؟؟؟؟؟؟؟؟؟؟؟؟؟؟؟؟؟
المفروض ما تكون موصلة للكمبيوتر نهائيا سلك موجب و سالب موصلة لظفيرة و خلاص
هذي و هي النترا


up 1 down 4



بإذن الله اجرب طريقتك واشوف وبالنسبه لسيارتي ريو يعني تقريبا نفس برمجة سيارتك 



اخوي شاقح  انا عندي ماترجع الا اذا عرفت الزر ومثله الرجعه
مع ان هذي مالها شهر كيف ازينها؟


up 0 down 0
saeed-ksa 217
قبل 6 سنه



عرفت =علقت على الزر


up 0 down 0
saeed-ksa 217
قبل 6 سنه



مخاوي الطرقة
الله يعين بس اذا السيارات الجديده كلها كمبيوترات والله محد بعرف يصلحها وهاتك انواع المشاكل

saeed-ksa
مدري وش نوع سيارتك ومديلها
لكن جرب هذي هالطريقة واذا مانفع ارجع للكتلوج شوف هل سيارتك فيها برمجة او لا


شاقح
شفت الديسلاك على ردي 


تراه من سباكين المنتدى 



ردي خاص فيك ولك شخصي 


خخخخخخخخ


بانتظار تجاربك الجديده 


up 1 down 0



الله يجزاك خير يا شاقح فعلاً جربت الطريقه اللي قلت وضبطت ١٠٠٪‏ 
ولقيتها في الكتالوج زي ما قلت 


شاقح مشكور طبقت اللي انت راسله وزانت سيارتي النترا مثلك


up 1 down 0
saeed-ksa 217
قبل 6 سنه



شكراً لكم والله يعطيكم العافية
انا سيارتي BM  الفتحة شغالة لكل الأوضاع تمام ، بس تهرب مويه من الزاويتين الأمامية !
الله يعطيكم العافية لو احد حصل معه نفس الموقف يقولي الحل  


up 0 down 1
اخو عادل -1
قبل 3 سنه و 3 شهر



وإذا ممكن يالشباب اللي جرب طريقة الأخ الفاضل 
كيف تكون البداية لإعادة البرمجة ، نشغل السيارة أول ، ونضغط زر تشيغل الفتحة للأمام طيب وهي مسكوه ولا نفتحها ثم نسكرها ونكون ضاغطين الزر10 ثواني 
ياليت أحد يفيدني مشكوووووورين


up 0 down 0
اخو عادل -1
قبل 3 سنه و 3 شهر