للفائده لاصحاب الهونداي جدول الصيانه والتكلفه

لو الواحد ياخذ الجدول ويعمل الصيانه بنفسه في مراكز معتمده
راح يوفر كثير جدا 

الله يعطيك العافيه

مع احترامي الي يروح يسوي الصيانه هذا مريض نفسي تخسر مبالغ غير طبيعيه 

تسوي صيانه في خارج الوكاله افضل منهم 

الوكاله دايم نسمع عنهم نصابين وفوق هذا يصدمون سيارات خلق الله 

جزاك الله خير راعي الاعلان تستاهل لايك 

سويت حسبة بسيطه للصيانه للاكسنت وهي تعتبر فئة صغيرة

من الصفر حتى 100 الف بدون ما احسب قيمة تغيير الزيت بالجدول

طلع اجمالي المبلغ 9223 ريال بدون الزيت فقط صيانات 

وهي اكسنت 

بحسبة اخرى

اللومينا 2008 اخذتها وهي مستخدمة و حاليا ماشيه 320 الف ماشاء الله بدون مشاكل

اجمالي الصيانات اللي سويتها فيها خلال 3 سنوات و على مشي عالي و هي امريكي و 6 سلندر

كان حوالي 900 ريال 

سلامات فرق كبير و الناس مبسوطه بالصيانه

سيارة اطلعها جديدة يشوفوني على صيانه 10 الاف فقط غير كذا ما يشوفون وجهي الا بحالة عطل تحت الضمان

يصلحونه فقط 

واللي يقول تحافظ على السياره ترى الجدول اعلاه ماله دخل بتغيير جلد او مساعدات و اشياء استهلاكية

فقط زيت و فلاتر فقط

يعني لا تجي تقول ادفع المبلغ حق الصيانه بمقابل اني ارتاح لا ما ترتاح وراك اصلاحات اخرى

اكسنت اخذها من الصفر حتى 100 الف ما اغير الا زيت و فلتر فقط

لو نحسبها كل 10 الاف كل تغيير يكلفك برى الوكالة حوالي 100 ريال زيت و فلتر

يطلع الاجمالي 1000 ريال على مدى 100 الف يعني شغل نصب

تخيل تغير زيت وفلاتر بألف الله عطاك عقل عشان تفكر و تميز و أنت حر

لو الصيانه في الوكاله لصالح صاحب السياره كان خلو الضمان لحد 300 الف
مو 100 الف فقط لانهم عارفين قليل ماتخرب او يتعطل في السياره شي خلال هذي الفتره والغالبيه العظمى من الملتزمين بالصيانه يتعدون 100الف مااستفادو من الضمان
ومايستفيد من الضمان


لو تفكر فيها شوي فرضا انت ماتسوي صيانه بس انت محافظ على زيوت المكينه والقير وهي اهم شي لو خربت هي الي قيمه اصلاحها عالي وقليل تخرب الا اذا فيها خلل مصنعي وهو قليل او اهمال من الشخص او عدم درايه في التعامل معها وباقي القطع لو خربت تصلحها على حسابك وعتبرها انك دفعتها على الصيانه في الوكاله اذا خربت وهو اقل سعر من الي بتدفعه في الصيانه الدوريه في الوكاله من اصلان

يا رجال صيانه الـ 40 الف رحت لعندهم وقالولي 2000 ريال 
وسألت الموظف ايش حيسوون بالضبط ورحت لورشه ابو صاحبي وما كلفتني 600 ريال مع القطع وشغل اليد والحمد لله ما شاء الله 
الضمان هنا للاسف سرقه وليس ضمان 

انا سويت اول صيانة ابو 5 الف كم بالسوناتا واخذوا مني 320 ريال وياليتهم سووا شيء مجرد تغيير زيت وتشييك وسحبت عليهم بعدها ما رحت لهم نهائيا ووقت ما وصلت سيارتي ممشى 70 الف قلت ارجع لهم اغير زيت القير وقالوا مبلغ خرافي طلع حدود 2000 ريال لدرجة اني قلت لهم انا ابغا اغير زيت مو اوظب قير قالوا هذا سعرنا واسحب عليهم واطلع اخذ زيت هونداي الاصلي واقرب ورشة كلفني كل حاجة 350 ريال والحمدلله السيارة ماشية الان 170 الف وربي زي الحلاوة

معي سيارة هونداي سوناتا 98 ممكن يتم صيانتها بالوكالة استفسار من اصحاب الخبرة 

مع احترامي للي يغير الزيت برا عند بنشري وباكر اذا خبط موترك عيبت في الشركه
 اغلى صيانه للسوناتا هي ١١٠٠ ريال مع شغل اليد والقطع زيت وسيفون وفلاتر وتشييك وطرمبة بنزين وغيرها كثير 
وتبقا السياره تحت الضمان بدال اذا خبطت اصلحها ب ٣٠ الف