استفسار عن الاكسنت

نعم الأكسنت الحراره تكون على النص إذا زاد على النص ولو بشيء بسيط هنا لازم تشوف الوضع خاصة لو بالشتاء 
و الموية الوكاله تمشيك 200 ألف كيلو إذا نقصت زودها موية مقطره و أنتبه تزود موية عاديه نهائياً لكن عموما 
الأكسنت غير الفورد ما تطلع حرارتها الا بسبب واضح إما المويه ناقصه أو روس المكينه خربانه 

الصيانه أنصحك تسوي صيانة الـ 5 و الـ 10 آلاف كيلو بس عشان تتأكد أن السياره ما فيها عيب مصنعي و بعدها 
سوي الصيانه خارج الوكاله أرخص بكثير و غالباً ما راح يجي لسيارتك شيء إذا هي سليمه من أول 10 آلاف كيلو 

أنا أنصحك كمان تغير الزيت و فلتر الزيت أول ألف كيلو من غير الصيانه اللي هي بعد راح تغير الزيت لأنه يكون
 في رايش كثير بسبب تمرين الميكنه و مبروك على السياره 




 

الله يعطيك خيرها و يكفيك شرها 
صيانة الاكسنت حسب الوكيل لان زيوتهم تختلف مثلا الوعلان يستخدم زيت 20w50 و هذا غلط . 
سوي صيانة 5 و 10 و لو يفضل 15 ثم اسحب عليهم عيار زيت الاكسنت 5w30 و اذا ما حصلت تقدر تستخدم 10w30 السيفون تغيره كل 10000 او 5000 براحتك 

المكاين ما فيها رايش بعد التمرين 

حرارة الهونداي والكيا الطبيعيه قبل النص بشرطه ،، وعسى الله يعطيك خيره ويكفيك شره .

الحراره طبيعي 5 آلاف وديها الوكاله صيانه 

بعدها غير زيت موتر كرافت 10w30
صوت المكينه هادي وصرفيه بنزين ممتازه

عن تجربه معي اكسنت 

تسال عن حرارة السيارة وهي باقي جديدة!!
دوبك مطلعها اكيد بتكون حرارتها طبيعية مافي سيارة اصفار
حرارتها اتش هههههههههههه
بالنسبة للصيانة زي مافادوك الاخوان

مبروك ع السياره والله يعطيك خيرها ويكفيك شرها 
نصيحه يا اخوي اسحب عليهم ولا تجيهم هي بس تغيير
زيت وبعدها يجيك يقولك صيانه دوريه ويبدلك شغلات ما لها
داعي تتبدل وهي سليمه اللهم سحب فلوس من جيبك انا اخوي
دخل سيارته صيانه علي حسب الكتالوج بدلوا له قماشات وهوبات 
ومساحات وشغلات استهلاكيه ودفعوه خمس الالاف ريال ولما اخذ القماشات
والهوبات القديمه ولا جدد وفيهن روح والمصيبه والمضحك ان صاحب
اخوي ضرب رصيف علي سيارتة وتاثرت الهوبات عنده وعطاه اخوي
الهوبات اللي غيروهن الوكاله وليومك هذا الرجال مركبهن علي سيارته واخوي
مبدلهن قبل ٣سنين يعني الرجال استعملهن ٣سنين وبالوكاله تعتبرهن تالفات  نصيحه
لوجه الله اسحب عليهم وفلوس الصيانه انت اولي فيها وعلي فكره ٥ الالاف ريال اللي تاخذها
الوكاله بصيانه وحده انت تقدر بالمبلغ هذا تسوي صيانه لسيارتك مدة سنتين برا 

بس اهم شي تسوي لك جدول صيانه والسيفون اشتره اصلي من الوكاله
حقه يمكن ١٥ او ٢٠ ريال وحط لك احسن زيت بالسوق
وعند ٦٠ او ٧٠ الف بدل زنجيل الصدر وحافظ علي المويه المقطره
مع باقي الزيوت ولا تلعب بالسياره وتركب زنون او جنوط زينه 
لان الزنون فيه تجريح للاسلاك وجنوط الزينه تعدم الهئيه والعفشه اللي تحت
وباذن الله راح تستمر وتعيش معاك السياره ٥ سنين بدون مشاكل والله يوفق

اهم شي اشتر السيفون من الوكالة او من محل قطاع غير معروف وانتبة تاخذ سيفون من البنشري  

مثل ما قال التاجر الكبير..افضل الزيوت الموصيه عليه هيونداي هو سوبر شل الألماني للأسف مو موجود في أسواقنا بعده موتر كرافت 10 على 30 في نوع sn وبعده كاسترول.. الوكاله نصابين أبعد عنهم جدول الصيانة معروف عندي جدول واسويه بنفسي

اسحب عليهم في الصيانه 

بس وديها لهم على 5 الاف و 10 الاف بس وبعدها اسحب عليهم 
بس لمن توصل 40 اسألهم ايش الي يسوونو للسياره وروح سويه برا