أضف سؤال أو موضوع جديد          

اكبر مصيبة تحصل لي بالسيارة وتتكرر دايم

up 5 down 8
hamad2008 1552
قبل سنه و 10 شهر



السلام عليكم يااخوان انا عندي مشكلة ماادري هل هي من طريقتي بالقيادة او تحصل مع  الكل 

اللي هي حساس الهوا او منظم الهوا كل سيارة تجي معي لازم تكون نفس المشكلة والعداد اول ماتشغل السيارة 

ينزل ويرقى ابي اعرف هل هو من طريقة سواقتي مع اني اشوفها عادية او فيه مشكلة ثانية 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام 
هل العداد عندك اول ماتشغلة والموتر بارد
يلعب ينزل ويطلع اذا نعم عندك مشكلة في منضومة البوابة
اذا نضفت البوابة وحساساتها وما فاد مالها الا تغيير كاملة بحساساتها
الوضع الطبيعي 
يكون اول ماتشغل الموتر العداد يجي على واحد ونص
مع ارتفاع عداد الحرارة ينزل عداد الضغط تدريجي
كل مارتفعت الحرارة ينزل العداد حبة حبة الى تحت الواحد بشرطتين



up 9 down 0
الرفاعي33 13325
قبل سنه و 10 شهر



فلتر الهوا تقدر تقول سبب رئيسي في خراب الحساس والحل لازم تنظفه لما تغير الزيت وتغيره كل 40 الف كيلو او اذا تعرف تفحصه وشفت امه معدوم


up 2 down 1
x-bariq 122
قبل سنه و 10 شهر



شكلك ما تهتم في الفلتر حق الهواء تنظفه مع كل تغييرت زيت وتغيره في حال انه بدأ يتوسخ ، لاحظ بدأ مهب تخليه لين يتقطع ويتلف ثمن تغيره


ترى هذا من اهم الاسباب


up 0 down 1
a.ibrahem 2792
قبل سنه و 10 شهر



فيه ناس ماتغير الفلتر الا بعد فترات طويلة

انا اغيره كل 10 الف مع تغيرت الزيت والوكالة يقولون مايحتاج وانا اقول يحتاج
اجوائنا مغبره خصوصا اللي يمسكون خطوط يتعرضون للسافي خلاص الفلتر ينعدم على طول 

لو انك في اوروبا او امريكا ماعندك مشكله خل الفلتر فترة طويلة


up 1 down 1
شويخ من أرض مكناس 2739
قبل سنه و 10 شهر



شاقح والله من الفسقة هههههه

أمس تقول الشعب جاحد للنعمة عشان تذمر على ارتفاع سعر البنزين  
وفاسق لأنه يلعب بالفلوس ويصرفها بأشياء مايحتاجها  وانت الحين طلعت منهم ههههه

أجل أغير فلتر الهواء كل 10 آلاف كيلو !

ياخوي انت وأهلك أولى بالفلوس من السيارة  ، أنا أغير الفلتر كل 40 الف كيلو وأحياناً 35 الف إذا شفته معدوم مرة

وإذا انت مرة موسوس نظفه مرة وحدة وامش عليه 10 آلاف كيلو ثانية وغيره 

واذكر انك تغير فلتر البنزين كل 30 الف كيلو !  ياولد اركد ،، الوسوسة الزايدة بتكلفك قيمة سيارة ثانية 

خايف على السيارة وعلى المكينة تقل معه BMW  :)


up 1 down 1
nader2002 1438
قبل سنه و 10 شهر



نادر 
دايم ماسك من الرياض للغربيه واذا مر علي سافي اشيك على الفلتر القاه معدوم 
وتغييره يعتبر محافظة فمثل هذي الحالات 

تقيسون اجوائنا على اجواء اوروبا 

اما فلتر البنزين فتغييره كان عليه صيانة مجانيه على للانترا وشي ببلاش وغيرته 
ردك ذكرني بواحد من الاعضاء القداما ههههههههه

وقال نفس كلامك الي قلته لي عن فلتر الالنترا وسوا ازعاج

مدري انت هو ولا نسخه كربونية مزيفه مثله 


up 0 down 0
شويخ من أرض مكناس 2739
قبل سنه و 10 شهر



اذكره اذكره خخخخخ  لا تطمن مهو أنا

 قد شفتني غيرت زيت المكينة على ال20 الف كيلو وكسور  ولا يقولك المكينة شد بلد ووصلت 600 الف خخخخخ

الله يستر عليه وعلى جميع المسلمين
_______________________________________________

مادام فلتر البنزين ببلاش مهو مشكلة خلنا الحين بفلتر الهواء  

تقول أجواء أوروبا على أساس إني ماني عايش معكم عايش بالسويد مثلاً 

ياخوي أنا هنا واغير الفلتر مابين ال35 الف إلى 40 الف كيلو 


طيب خلك على تعليمات  كتالوج السيارة  مثلاً عندي كتالوج الأكورد مكتوب فيه انه يتم تغيير مرشح الهواء كل 20 الف

ومعروف كاتالوج السيارة كله وسوسة زايدة  وخصوصاً اللي بيطبق هالنصايح في أوروبا  ولا اليابان

لكن نقولك خلك على نصايحهم  وامشي فيه بالعشرين الف لا تصير مثل وتمشي فيه 40 عشان أجوائنا السيئة

لأنه دائماً الكاتلوج يعطيك النصايح على افتراض انك تسوق السيارة بأسوأ الظروف 

لكن انت  صرت حريص اكثر من كاتلوج السيارة !



up 0 down 0
nader2002 1438
قبل سنه و 10 شهر



هههههههههههههههههههههههههه كلكم مجرمين 
شاقح يغيره كل 10 الاف كانه ببلاش جاي
ونادر يصفق امها لل40 ليييين مايبقى بالفلتر غير الايطار حقه@@
ماشاء الله تبارك الله

انا شخصيا اغيره كل20الف


up 1 down 0
klire 193
قبل سنه و 10 شهر



نادر الحين كاتب رد طويل عريض ومتذكر الملفات القديمة كله عشان الا تبيني اغيره بعد 20 الف 
بعدين يوم تقول لو انها بي ام دبليو 
ترا سيارتي ماجات الا من تعب فطبيعي اهتم فيها 


بخصوص موضوع البنزين وغضب الناس منه 
لاحظت عليك تربط مواضيع فبعض مالها علاقه

موضوع الناس عندنا وعلى قولتك فسقه 
الفسقه ماتطلع الا من واحد راتبه على قد حاله ويقترض عشان يسافر ولا يشتري ساعة بالالاف عشان المظاهر 
وانا اغير فلتر محافظة وليس فسقه
فلذلك مافي وجه مقارنه بين واحد يتدين فلوس عشان كماليات ويزعل عشان 30 هلله 

وواحد مطلع سيارته من تعب جبينه ويصرف عليها للمحافظة 
فمافيه وجه مقارنه ولا ربط بينهم 


up 2 down 0
شويخ من أرض مكناس 2739
قبل سنه و 10 شهر



أخوي  klire  صدقت كلنا مجرمين ههههه بس تراك بالغت قلت مايبقى بالفلتر غير الاطار حقه !! مو للدرجة هذي
__________________________________________________________________

أخوي شاقح ماقصدت بالفسقة حرفياً مثل مايسوون  الفسقانين فعلاً كانت على سبيل الدعابة والمبالغة  وآسف إذا جرحتك

تقول  السيارة من عرق جبينك  مااختلفنا فهذي  
لكن ترا مو كل من تعب بفلوس سيارة اهتم فيها 

خذ عندك مثال : الوالد عنده سيارة ميتسوبيشي مطلعها سنة 86 وكالة  بعد شقا وتعب 

لكن أقصى اهتمام يسويه فيها انه يسخنها 7 دقايق أو يغير الزيت على ممشى 3 آلاف كيلو !!
 وساحب على الفلاتر  وموية الرديتر 

لين وصلت 200 الف كيلو بدت المشاكل ارتفاع حرارة تغيير راس مكينة  واستغرب كيف تحملت كل هالمسافة واكثر 
وكانت عايشة حتى قضوا المهندسين على آخر عرق حي  فيها وشلحوا قطعها وبدلوها بقطع ثانية 

سيارتي الحين بفلوس الوالد لكن يشهد الله علي اني اهتم فيها اكثر منه والسبب للأسف عدم الثقافة بطريقة المحافظة 
فاللي حاب  اوصله لك ان الإهمال خطأ وكذلك المبالغة  خطأ 

خير الأمور أوسطها  خليك مثل العضو klire غير الفلتر كل 20 الف كيلو مو اكثر ولا أقل 

ومن قالك  انك لا مسكت خط  يعني استخدام شاق  بالعكس السيارة تكون مرتاحة اكثر 
مكتوب بالكتالوج عندي إن التشغيل والسير والوقوف المتكرر يجهد السيارة ويعد من الإستخدام الشاق

وفعلاً ملا حظ ان فلتر الهواء  وانا اسوق داخل جدة  طول الوقت يصير لونه اسود اتوقع لأنه جدة كل أبوها دخنة وكربون
وإذا مسكت خطوط  صار بعد فترة  لونه بيج مايل للبني شوي  

والظاهر إني راح اغير الفلتر على ممشى أقل  وخصوصاً انه يؤثر على استهلاك الوقود والبنزين تدبل سعره

ماراح اغيره على ممشى 10 أو 20 الف لا امعصي خخخخخ راح اغيره على ممشى 30 أو 35 الف اعتقد كذا كفاية


up 0 down 0
nader2002 1438
قبل سنه و 10 شهر