زيت بترومين A1 لاكسنت 2012 ماشية 25000

الافضل زيت a-1  وسعر الكرتون الجملة ب250 ريال 

12 علبة تطلع العلبه ب 21 ريال 

ومحلات الجملة حي الخالدية طريق الصحابي علي بن ابي طالب

هو ينفع اشترى مثلا 4 علب ولا لازم 12 

بعض المحلات يبيعون بالعلبه والبعض بالجملة 

بس بالنسبة للزيت انه تخليقى كامل وكده وبترومين ممتاز لماكينة الاكستت
لانى كنت حاطط كاسترول ماجنتيك نصف تخليقى 10/40
فهل ححس بفرق احسن 
وحياك الله اخوى

هل الافضل بترومين A1 ام شيل هيلكس والاتنين تخليقي كامل 5/30

افضل زيت للكسنت عن تجربه موتر كارفت

انصحك ب شل هيلكس ممتاز لسيارات هونداي وكيا وموصى به من الشركة 

إنت اختار الزيت اللي مواصفاته SN وماعليك من الشركة الصانعة
مكائن كيا وهيونداي نفسها بالظبط لكن هيونداي تنصح بزيت شيل هيلوكس وكيا تنصح بزيت توتال
يعني نصيحة الشركة بناء على اتفاقات بينهم

اهم شيء خذ 5/30 تخليقي بالكامل
اما الشركات فهي ما تفرق مره

وانا اخذ الزيت في الرياض من صناعية العاصمه مخرج 28
عند محلات القطع في محلات تبيع زيوت بالجمله وبالحبه

مثل ماقال أخوي سلطان  أهم شي تركز على أحدث تصنيف  اللي هو SN

ويكون تخليقي كامل لأنه مو كل زيت بلزوجة 5W30  وبتصنيف SN  صار تخليقي 

وأنا مجرب زيت اي سي ديلكو  بنفس هاللزوجة والتصنيف لكنه زيت عادي  ولا حتى نصف تخليقي

ومكتوب عليه سيليكت 

فالمهم يكون بهذا التصنيف إضافة أن يكون تخليقي بالكامل (فل ساينثك)
_____________________________________________

واختلف مع أخوي سلطان من ناحية كون الزيوت  لاتختلف  إذا كانت بنفس اللزوجة

صحيح لما تكون بنفس اللزوجة وتخليقية وتصنيفها SN  وكلها ممتازة عموماً وما بينها اختلاف كبير 

مثل الإختلاف بينها وبين الزيوت العادية وذات اللزوجة الثقيلة خصوصاً

لكن  الإختلاف حاصل حاصل بكل الأحوال  وأفضل زيت بهذي اللزوجة على الإطلاق  هو زيت شل هيليكس مصنع من الغاز  

بعده زيت موبيل 1  ولأنه سعره غالي جدًّا مستثنى  من المقارنة  ويأتي بعده زيت كاسترول ثم زيت بترومين 

لكن مثل ماذكرت كلهم ممتازين والإختلافات بينهم بسيطة

انا حتوكل ع الله يا اخوان وحشترى كرتون A1 تخليقي كامل 5/30

مع انى كنت محتار بينه وبين شيل هيلكس الترا الجديد التخليقي 

توكل على الله وخذه  زيت ممتاز 

مع انه الأفضل زيت شل هيليكس  لكن كل واحد وقناعاته 

صعب اقنعك هنا عن الفرق بينهم  ،، لا نزلت موضوع وقت مااتفرغ راح تفهم اكثر إن شاء الله

وبعدين تراها كسرة اكسنت هههه لاتدور على احسن زيت دور على أرخص زيت وبس

ههههههه
هى عشان بس السيارة ممشاها قليل ابغي افضل شئ

ههههه لا تخاف  اعرف ناس  وصلوا ممشى  سياراتهم  إلى 300 الف وحوله ومن أحسن مايكون وهم على زيت بترومين A1

وعندك العضو سلطان 4040  استخدم هالزيت من ممشى 50 الف إلى 155الف
ومااشتكى منه حتى راحت سيارته بحادث الله يعوض عليه

وازيدك من الشعر بيت زيت بترومين A1  عليه عرض من الشركة  بكل علبة فيها قصدير تحت الغطا
تفكه وتطلع لك كتابة بالإنجليزي تحته  مثلاً  5POINTS  يعني 5 نقاط تستبدلها ب5 ريال من المحل اللي شريت منه الزيت

وعلى كلام الشركة انت وحظك ممكن يطلع لك  كتابة تحت القصدير  بنص ريال أو 50 ريال 
لكن أنا شريت كرتون وفكيت 5 علب وطلع بكل علبة 5ريال يعني لوتطلع بباقي العلب نفس الشي 5ريال

على كذا وفرت 60 ريال من قيمة الكرتون ،، يعني لو شريت الكرتون ب250 ريال يصير قيمته الصافية 190 ريال
وبكذا يكون الزيت سعره مناسب على اكسنت وبنفس الوقت الزيت ممتاز والناس تحطه على جموس وممتاز فما بالك اكسنت

حبيبي يا استاذ نادر الله يعطيك الف عااافية