أضف سؤال أو موضوع جديد          

وش الحل مع التريلات

up 9 down 5
الالنتراوي 5153
قبل 6 سنه و 6 شهر



السلام عليكم ورحمة الله وبركاته
ياجماعه بخصوص موضوع التريلات وبعدين وش هالتسيب اللي حاصل المرور والله العظيم مامنهم فاايده وجودهم مثل عدهم جيدين على مخالفة التضاليل ابي اعرف منهو السئول عن مهزلة التريلات داخل المدينه ؟ امس خريص الساعه 9 ونص كله تريلات اللي اعرفه وسمعناه ان لهم وقت مخصص من الساعه 11 الليل الى 5 فجر وغير كذا مخالفه للي يدخل والله لاشفنا مخالفه ولا شيء المرور كذابين بنص عينهم انا صار لي حادث الساعه 10 ونص الصباح من تريلا والمرور حط الخطأ 50% طبعآ رفض يقولي العسكري الا لما رحت للمرور هناك وقالوا لي النسبه 50% عليك وعليه وهو اللي صادمني من جنب قلت بقدم اعتراض قالي قدر سيارتك وتعال قدم اعتراض والله شيء يغبن عمومآ ليش المرور يكذبون لما تتصل عليهم وتبلغ عن وجود شاحنه وصارت لي اكثر من الف مره ابلغ ولا ينفع يقولي ابشر راح نرسل فرقه والصحيح خرطي كذب عيني عينك والله العظيم صرت اللحين كلما اشوف شاحنه ابلغ + ارميه بعلبة قزاز كولا  ارميه بقزاز ارميه بعلبة عطر والله اي شيء عندي احذفه فيه ولو عندي سكتون اني لأ ارميه انا عارف انه مو حضاري ومو .... الخ لمتى هالتسيب والله شيء يرفع الضغط داخل المدنيه ويمشي 80 ويشطفه المرور ولا يقوله شيء ؟؟ تكفون ياجماعه ابي اي واحد يشوف تريلا يبلغ عليه برقم اللوحه عارف ان المرور مامنهم فاايده بس الشكوى لله اهم نبلغ وانا عن نفسي والله مرح اخليهم وحسبي الله ونعم الوكيل

http://alweeam.com/wp-content/uploads/2012/07/33311.jpg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا الحين صارو يسابقون بعضهم تحسله في المسار اليسر ويمشي 100 _ 120

الله يعين بس المرور نايمين


up 3 down 1
نواف 2000 n -94
قبل 6 سنه و 6 شهر



الشكوي لله 

بأخي انت تبي مصالح التجار تتعطل 

عشان انت تمشي براحتك ههههههه

احنا ماذبحنا الا كلمه مشي حالك شعب طيب 


up 1 down 1
مستشار ابوي 404
قبل 6 سنه و 6 شهر



هم سبت زحمه التريلات   ولا سبايك الي   انت  تكبس ماسك اليسار ولا يفتح الخط لين تلحم فيه ويفتح لك واذا ناظرت فيه مسوي 

  يرفع جوال ويكلم  


up 1 down 0
سكودر 14893
قبل 6 سنه و 6 شهر



والله انا ارى عكس كذا
اليوم الساعه ٩:٤٠ تقريبا بطريق الملك فهد قبل نفق المعجل وانت متجه ل لمطار
موقف حصل امامي ، شاحنه بالطريق وقفها رجل مرور على دباب وعطاه مخالفه وطلع الشاحنه مع دوريه لخارج المدينه
لكن اذا انت تعتبر الطرق السريعه الخارجه\الداخله للمدينه جزء من المدينه فيمكن سوء فهم منك


up 2 down 5
osama.amg 376
قبل 6 سنه و 6 شهر



المرور همه اشي معينه يسلمون العسكري بوك ويقلون لابد تخلصه عاد تعال شوف اكبر اهتماماتهم زنن تضليل رخصه استماره حزام طمس لوحه والشي الاخر السيارات الاجار بالتمليك اما الشاحنات فهم حموهم بالتأمين لنه صاحب الشركه عارف انه ابو هنوده براتهب 1000 ريال ولا بيقدر يسدد فيمن تأمين شامل والهندي اذا صدمك قالك ماعليش فيه تأمين انت ياخذ فلوس وانا قد صارت علي صاحب تريله قطع الخط السريع باليل وهو شايف اني جاي مسرع واشر له المهم قفلت واوقفه ومعي سياره ثانيه واحد من اصحابي وسوينا نفسنا مانعرف بعض ودقينا على امن الطرق وجا وعلمنها بالموضوع وانها لو لا ارادة الله كان سو حادث شنيع المهم تعرفون وش سوا اعطاه مخالف فقط وقال هاذا الي عندي شي يقهر منتضر ساعه واخرتها مخالفه المفروض يتوقف 5 ايام الي مايتقديد بالنضام خاصة المعدات الكبيره والمره الثانيه دبل ولا النضام بس علينا احنا تعرفو الامارات السيارات الكبيره لو يغلط كذا مره يتسفر على طول مو احنا انت تتجاوز مع خط اصفر لو ماشي 100 والي قدامك مو راضي يفك الخط يكلم بالجوال الاخ تاخذ مخالفه تجاوز والشاحنه تشوفه ماسك المسار الاوصط ويتعدا من عند المرور ولا يكلمه 


up 4 down 0
princ 18863
قبل 6 سنه و 6 شهر



اي مرور سلمك الله 
تريلات تجوب جميع الشوارع في وقت الذروة كان عندنا مرور سابقا الحين جيبين شاص على كامري مريحين عند الاشاره 


up 1 down 0
Ahmad356 505
قبل 6 سنه و 6 شهر



ياعمي يشهد علي الله اني امس شايف خلاط اسمنت ماشي فوق ال 120 .....


من امن العقوبه ومعه تأمين ماهمه الشعب واساء الادب


تلاحظون اني خربت المثل ؟ خخخخخ



up 2 down 0
YASSER505 4154
قبل 6 سنه و 6 شهر



الأخ osama.amg

انا مااكذبك عزيزي لكن بعد مااكذب عيوني انا اقولك صار علي حادث ولي موضوع هنا فالمنتدى وسبب الحادث التريلا جاي الساعه 10 ونص وماهو على طريق سريع دخل الحي بعد وشرايك ؟! مهب معقوله كل الشباب اللي ردوا في الموضوع عندهم سوء فهم ! بالنسبه للطرق الداخله / الخارجه للمدينه( وانت اظنك تقصد خريص لأني ذكرته بالموضوع ) بعد ممنوع تمشي فيها التريلا بالوقت اللي مهب مخصص لها  تدري ولا لا .. دق على المرور عشان تتأكد .. التريلات قسم بالله لعبو فينا لعب واصحاب التريلات السعوديين اكيد عاجبهم الوضع عشان كذا تحصل في مثل هالمواضيع يلقى له تصريفه يقول فيها لا والله المرور حازمين مع التريلات خرطي شيء يدبل التسبد


up 3 down 2
الالنتراوي 5153
قبل 6 سنه و 6 شهر



كلامك عين الصواب
وانا ما اخالفك في جميع كلامك وسبق حصل لي حادث مع شاحنه داخل منطقه سكنيه في وقت منع والخطا وضع علي ١٠٠٪
فيه تسيب ، وتقدر تشوف قصه الحادث كامل لو ترجع لاخر ردودي
لكن اخالفك في التعميم على جميع افراد المرور ، بعضهم مثل العسل وبعضهم اكرمك الله ما يسوى الي في رجله


up 2 down 0
osama.amg 376
قبل 6 سنه و 6 شهر



ههههههه واللله أنك صادق مو فالحين إلا بالتضليل  
في نقطة المجاردة التابعة للمنطقة الجنوبية  أمس الليل وقفني العسكري   دور مالقا غير التظليل قلت ولا 
يهمك أشيله الآن  قال  لااا  تعرفون وش قال جايب  مخالفة من راسه قال تشيل التظليل عند 
النقطة يعتبر مخالفة  قلت له كم مرة انمسك على التظليل ويشيلوه ولا أشيله قال لا مخالفة
ناس توهم متوظفين والله ماهم دارين وييييش المخالفة من غير المخالفة  احكموا  هل هي مخالفة
ولا لا  تقشع التظليل عند النقطة؟؟!!


















up 0 down 0
صديق اليتامى 536
قبل 6 سنه و 6 شهر



توني البارحه في الدايري الجنوبي كنت ماشي يمكن حدود 100 وماسك المسار الاوسط وما ادري الا براعي شاحنة تجاوزني وقام يخيط بين السيارات ودز راح الله لا يرده


up 0 down 0
العامري دوت كوم 125
قبل 6 سنه و 4 شهر



رح للنظيم والله تحسهم .. مركبين مكينة فراري يجيك ماسك المسار الايسر وداق اشارة يمين 


up 0 down 0
yousef456 161
قبل 6 سنه



وش رايكم نقترح إلغاء التريلات من السعودية نهائيا ؟؟؟

الدول المتطورة مثل الولايات المتحده وأوروبا على كثرة السكك الحديدة عندهم وكثرة نقل البضائع عن طريق قطارات البضائع لم يستنغوا ولن يستغنوا عن الشاحنات ,,, و أتعجب من بعض الناس يقول التريلات والتريلات يجب الإستغناء عنها ,, أنا لا أعلم هو وين عايش ؟؟؟ أنا معكم بأنه يجب تقنين أوقات دخول وخروج الشاحنات للمدن وعدم التهاون في هذا الشيء أما تصل لرمي أملاك خلق الله بالزجاج ,,, هذا والله لا أحد يرضاه وسلامتكم


up 0 down 1
أبو حيّان 78
قبل 5 سنه و 7 شهر