أضف سؤال أو موضوع جديد          

اشتريت سياره وش الصيانه والقطع المطلوبه . ساعدوني فضلا

up 2 down 1
فـهـــــد الفهد 449
قبل 5 سنه و 10 شهر



اخواني واحبابي في الله 
بعد تعب وشقا وتجميع اشتريت سياره من شخص ما قصر معي بالسعر 
وفحصتها بالكمبيوتر وكل شي تمام 

الان موقفها بالبيت لي شهر واستخدم سياره العمل 
كلمني خوي بالعمل قال لازم تدخلها بالوكاله تسوي صيانه فسئلته وش نوع الصيانه قال والله ما عندي علم

فابيكم تساعدوني وش القطع المطلوبه لسياره توك مشتريها 
بواجي وسيور وفلاتر واقشمه هذا الى اعرفه ساعدوني فضلا 

السياره ماشيه 155 الف 
موديل 2010 ( جينسس ) 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب كم ماشيه ؟ وكم الموديل عشان الناس تقدر تفيدك 



up 0 down 0
ابو ابراهيم2021 352
قبل 5 سنه و 10 شهر



اذا السيارة فحصتها وتمام ليش الوكالة ولا دراهمك واجد اهم شي شيك على زيت القير وغيرة هو وزيت المكينة والفحمات والكفرات اذا تحتاج 


up 1 down 0
t2zt2z 585
قبل 5 سنه و 10 شهر



مشكور اخوي شيخ المعارض موديلها 2010 ماشيه 155 
والله اخوي t2zt2z
الى وسوس فيني خوي يقول لازم صيانه وكاله 
من ناحيه الكفرات هذي اول شي غيرتها من يوم شريتها وغيرت زيت وفلتر بس 


up 1 down 0
فـهـــــد الفهد 449
قبل 5 سنه و 10 شهر



اهم شي زيت القير اذا صاحبها ماغيره لازم يتغير في الوكالة اعتقد كل 40 او 60 الف على حسب الكاتلوج وسلامتك 


up 0 down 0
t2zt2z 585
قبل 5 سنه و 10 شهر



السلام عليكم 
الله يباركلك في حلالك ويكفيك شره ان شاء الله
سؤال بسيط لو تكرمت 

ايش نوع الكفر اللي ركبته وكيف تقييم أداءه بشكل عام
لأني معاي 2014 وركبت كومهو نفس اللي جا من بلدها هي صراحه خدومه ماواجهت فيها اي مشاكل ولله الحمد بس ما اشوف عزل صوتها تمام واحسها قاسيه

ارجو الافاده لو تكرمت... وبالنسبه لسؤالك انا باقي عالصيانه المجانيه وما اقدر افيدك طال عمرك 
بالتوفيق


up 0 down 0
المدينه 300 784
قبل 5 سنه و 10 شهر



وعليكم السلام 
موفق اخوي والله يطرح لك فيها البركه السياره فضل من ربي لا يعلى عليها احس اني راكب سياره فخمه مش هونداي 
والكفرات الى ركبتها طقم هانكوك الواحد ب 650 ريال ومن افضل ما يكون طبعا سيارتي دعسه رياضيه وكوبيه مش سيدان 
موفق اخوي 


up 0 down 0
فـهـــــد الفهد 449
قبل 5 سنه و 10 شهر



ما شاء الله اتوقعتها سيدان 
جزاك الله خير على تجاوبك وشكراً


up 0 down 0
المدينه 300 784
قبل 5 سنه و 10 شهر



من ناحيه الوكاله مايحتاج تدخلها الوكاله برا عادي

القطع اللي تتغير
1-فلتر الهواء مكينه ومكيف اذا يبيلها تغيير
2-صفايه البنزين اللي هي فلتر البنزين
3-زيت مكينه مع سيفون وزيت قير واذا يتغير السيفون غيره(بالنسبه لزيت  القير لو محترق وباين انه ماشي عليه كثير يفضل تغير نصه وبعد اسبوعين تغير النص الثاني وبعد اسبوعين تغيره كامل عشان يمكن انه متاخر بتغييره ولا شي)
4-بواجي
5-اقمشه امامي وخلفي اذا يحتاج
6-سير البكرات الخارجيه 
7-تنضيف بخاخات وبوابه الهواء
8-بلف الحراره وبلف الزيت
9-تغيير مويا الرديتر 
10-شيك عالعضلات اذا يبيلها شي 
11-شيك على جميع الزيوت 

هذا اللي حاضرني الحين ولو تذكرت شي بكتبه وللعلم ذي الاشياء ممكن تنقص فيها  او تزود على راحتك على حسب حاله القطع بالسياره ممكن القطعه الفلانيه نضيفه وباقي فيها عمر حرام تخسر وتدفع تغييرها وممكن قطع انا ماذكرتها يبيلها تغيير فلازم تغيرها


up 3 down 0
klire 195
قبل 5 سنه و 10 شهر



تبغا صيانه بقلك شي غير زيت المكينه والجربوكس 

المكينه طبعا كل 5 الف او 10 الف 

الجربوكس كل 50 الف 

الاشيا الثانيه من فحمات وسيور وفلاتر 

انت شوفها بنفسك اذا مافيها شي اسحب عليها 

انت شاري سياره عشان تريح راسك ولا تجلس تصرف عليها تقول عروسه هههههههه


up 3 down 0
xwnwx -7
قبل 5 سنه و 10 شهر



اخوي klire 

بيض الله وجهك والله يرحم والديك ويجزاك الجنه انت على الراس والعين 
واخوي xwnwx 
كلامك منطقي وعلى العين والراس وحنسمع بشورتك ليه لا 




up 1 down 0
فـهـــــد الفهد 449
قبل 5 سنه و 10 شهر



جزاك الله خير عالدعوه اسعدتني فيها واللي خلقك 


up 1 down 0
klire 195
قبل 5 سنه و 10 شهر



زيت الجيربوكس كما بالكتلوج تزويد فقط بحالة الضرورة سوناتا 16


up 0 down 0
almondiali 32
قبل 5 سنه و 8 شهر