استفسار بخصوص الازيرا 2016

سياره عااديه ماتستاهل هالسعر 

السلام عليكم ورحمة الله وبركاته 

شوف وانا اخوك كل شخص له راي وله ميول 
لو انا بمكانك مستحيييل ادفع 145 في ازيرا 
اذا تبي V6 من رايي اوريون افضل 
وبرضوا عندك الكادينزا الاستاندر 
ممتازة 
اما الازيرا بصراحة خسارة فيها 145 الف 

سيارات بنفس السعر 
توريس
 امبالا
 كادينزا (اقوى وارخص)
افالون 
الازيرا اتوقع قريب بينزل شكل جديد فصدقني على السعر الي راح تدفعه فيها اذا نزل شكل جديد راح تنقهر 

والله يبارك لك مقدما 

شوف الماكسيما او كادنزا وماتندم

145 سعر الكاش او سعرها بعد التقسيط؟ لان بهذا المبلغ تقدر تأخذ جينيسيس ستاندر مكينة اكبر. قير 8 سرعات الماني. دفع خلفي. صيانة 100 الف مجانية وغيرها كثير. وبرضوا كيا كادينزا اختيار جيد. بالتوفيق.

لا ي اخوي ١٤٥ الف هذا سعرها الكامل بعد التقسيط .. عشان كذا مافكرت فالجنسيس ابداً لانها بتطلع الاستاندر بعد التقسيط فحدود ١٨٠ الف من المجدوعي وانا مابي هالسعر العالي صراحة ..

تدري انه بالسعر ذا تقدر تجيب لك سيارتين 2016 

- باجيرو 2016 فل كامل وكالة ب83 الف 
و
مازدا 6 2016 وكالة ب 66 الف ؟؟ 

والله لو انها اف جي2016 ماوصلت لسعر الكرتون الكوري ذه

اخوي اذا ما يهمك ستة سلندر وعادي تاخذ 4 سلندر خذ المازدا 6 فل اوبشن قيمتها 97 الف 

بصراحه على المواصفات الي فيها تغنيك عن باقي السيارات وخصوصا المكينة الي فيها ما شاء الله عزم جبار خصوصا لمن تخلي الوضع على السبورت تفرق كثير 
فيها نقطه عميا ورادار وشاشه الطبلون Head up display اعتقد انها ما هي موجودة في الازيرا واغلب المنافسين 

ولعلمك 2017 حينزل الشكل الجديد اذا مصمم تاخذ ازيرا اصبر للشكل الجديد 

اخوي كم سعرها كاش

سعرها الكاش فالوعلان ١١٧ الف وفالمجدوعي ١٢١ الف 

اما سعرها بعد التقسيط ١٤٥ الف تقريباً ..

ي شباب انا م معاي كاش انا بطلع السيارة اقسااط ..

للي مايصدق ان سعر الباجيرو2016

 طاح بذا الشكل عندك اعلان بحراج يبيعه 88 الف طبعاً فل كامل وجديدة 

https://haraj.com.sa/1111288356/متسوبيشي_باجيرو2016_مكينه_3_5_فل_كامل_مخمل_نفقيشن_أفضل_العروض_/


وبعضهم يبيعونه بال100 وبعضهم بال90 ارخص واحد لقيته قبل كم يوم ب83 بس مضيع اعلانه  وبالنسبة للمازدا معروف سعرها 
انها بال66700 طبعاً مديل2016

والله ي اخوي مصدقك بس انا مامعاي كاش انا ادور سيارة قسط والسعر اللي ذكرته ١٤٥ الف هذا سعر السيارة كامله بعد الاقساط ..

 العذر والسموحة منك اخوي مانتبهت انها تقسيط
ان شاء الله تلقى السيارة الي تريحك بسعرها وبجودتها 

الافضل في هذي الفئة تاخذ استاندر
لان الفل الكامل  بقيمة جيب متوسط
بالاضافة الازيرا مكينتها اقل قوة و عزم من المنافسات
بيتغير شكلها موديل 17 او 18 بالكثير
الافضل تاخذ سانتافي او تنتظر الكادنزا الشكل الجديد
ما دامك بتقسط 5 و مع الدفعة الاخيرة ست سنين

عندي ازيرا 2013 على يدي وكاله 

الحمدلله من يوم شريتها ماشكيت منها. 

عيبها تسمع اصوات من البانوراما فقط

هذي ملاحظاتي عليها اخليها حق سفريات 

لان عندي اكسنت استخدمها داخل المدينه والمشاوير القريبه 

واشتر الشي الي يعجبك وترتاح له انت 

قبل مااشتري الازيرا. اغلب الناس يقولون ابعد عن الكوري

ومحد نصحني فيها. 

بس استخرت الله واشتريتها والحمدلله الامور تمام 

سيارة حلوة اذا بتاخذ نص فل سعرها حلو 
ب 83 الف في معرض الفلاح في جدة2016

ابعد عن الازيرا خذلك تيوتا

شوف اختها الكادينزا من كيا سعرها حلو ارخص من الازيرا و مكينتها 3.5 الازيرا 3,0 
خصوصا ان الجبر مسوي عروض حلوه للتقسيط على موديلات 2016 
وترا الكادينزا هي نفس الازيرا من ناحية القطع و كذا بس فرق المكينة اكبر 
مرهم و شوف السيارة عندهم و اسألهم عن العروض منت خسران شي والله يكتب لك اللي فيه خير

انا معي ازيرا 2016 استاندر ركز استاندر جنوط 19 سقف بنوارمي جلد مع مخمل والله اني ما ندمت عليها  سياره اذا شافت الخط ترتاح معها معني 4 سلندر والسياره هاديه جدا  بس ال2017 بتنزل بعد كم اشهور على ماظن ونت لا تستعجل قرر وخذ نفس واختار الشي اللى بيجلس معك 5 سنين