أضف سؤال أو موضوع جديد          

تنظيف البخاخات؟؟

up 0 down 1
bmw z4 1500
قبل 5 سنه و 9 شهر



السلام عليكم 
ياخوان عندي مشكلة بالسياره فيها تفتفه واذا كنت واقف عند الاشاره الطاره تحسها تهتز من التفتفه وديتها اكثر من ميكانيكي وكهربائي اغلبهم قالو تنظيف بخاخات 
واخر واحد رحت له قال تنظيف بخاخات ب400ريال 
وشفت مواضيع كثيره هنا عالمنتدى ومواقع ثانيه ان فيه طريقه لتنظيف البخاخات عن طريق محلول cyclo تعبيه فالتانكي وتمشي عالسياره 30-40 كيلو وتتنظف البخاخات 
فابغئ تدلوني عالحل الصحيح والمضمون هل ابحث عن ورشه ينظف البخاخات بسعر اقل او اشتري المحلول واطبق الطريقه اللي يقولو رغم اني متخوف منها 
السياره النترا-2013 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أتوقع اللي عندك طرمبه بنزين 


up 1 down 0
فيحان السبيعي -8
قبل 5 سنه و 9 شهر



انا نفس مشكلتك وغيرت الطرمبه 

سيارتي النترا 


up 1 down 0
فيحان السبيعي -8
قبل 5 سنه و 9 شهر



كم سعرها الطرمبه؟ وهل لو تعطلت تاثر على العزم؟ 
لان عندي العزم طبيعي بس المشكله الوحيده في التفتفه وهي واقفه


up 0 down 0
bmw z4 1500
قبل 5 سنه و 9 شهر



غير ابواجي وفلتر الهوا وصفاية البنزين واستخدم محلول موتر كرفت من شركة فورد او محلول مستبيشي هذي افضل محلولين لتنضيف بالنسبه لطرمبا ماتتغير كذا لابد قياس ضغطها اذا كان طبيعي ومايتغير فهي جيده اما اذا يتغير مع التشغيل الطويل والحراره وهذي لها قياس بكمبيوتر ولا اتوقع الطرمبا فيها مشكله عندك وانها سليمه 


up 1 down 0
princ 18873
قبل 5 سنه و 9 شهر



استخدم محلول تنظيف البخاخات حق  ميتسوبيشي ( الاصلي قيمته ٤٠ ريال تقريباً ) هو أفضل شيء وانتبه ترا فيه حق محركات بنزين
وآخر حق محركات ديزل ... ولو تأخذه من الوكالة او من موزع معتمد لميتسوبيشي يكون أفضل وأضمن .


up 2 down 0
nasser1430 873
قبل 5 سنه و 9 شهر



 يا اخوي BMW z4  ليه الأفلام الهندية وتروح تدور محلول 
تنظيف من شركات ثانيه روح لوكالة هونداي وقلهم عطني محلول
i3000 المخصص لسيارات هونداي وكيا وهو ينظف البخاخات 
والسليندر وحتي البواجي ينظفها لك وما يبغي منك تضرب ٣٠ او ٤٠ 
كيلو علشان تصفي سيارتك المحلول طريقته تحطه والسياره فاضيه 
وتفول بنزين وبعدها تستعمل سيارتك عادي مثل استعمالك اليومي 
والمحلول هذا هو لشركة مصنع لشركة هونداي وكيا وانا جربته علي سيارتي
هونداي الينترا وصفت ولله الحمد وجربته علي سياراتي الثانيه مرسيدس ٥٠٠ اس ال
وجربته علي جيب شروكي وصفت سياراتي وجربته علي سيارة اخوي هوندا سيفك 
وما شاء الله عليها كل السيارات صفت وراحت التفته والمحلول هذا ما تحصله الا عند 
الوكالة وسعره رخيص وإذا استعملت المحلول هذا ما يحتاج تنظف البخاخات .
والله يوفقك 


up 1 down 0
foxzx 1593
قبل 5 سنه و 9 شهر



الافضل جرب منضف مستبيشي علبة معدنية سعرة 35 ريال 
اذا مانفع غير الطرمبة 


up 0 down 0
ابو صياف 82
قبل 5 سنه و 9 شهر



حق متشوبيشي ارتفع سعرة
بس هل تكفي علبة


up 0 down 0
الشرقية ماركت 149
قبل 5 سنه و 9 شهر



اتوقع كراسي مكينه


up 0 down 0
osamahyy -45
قبل 4 سنه و شهر