نصايحكم لانترا قبل وبعد استلامها وكالة

السياره وكاله ان شاء الله مابها شي بس هذا مايمنع تفحصها قبل التوقيع من باب الحرص
والتمرين لاتعداء 100 الى 1000 كيلو
والله يعطيك خيرها ويصرف عنك شرها

جزاك الله خير أخوي سعد

على البركة ويعطيك خيرها ويكفيك شره
عليك بالزيت كل 3500 كيلو ولو بعد تكملها وتغير السيفون مع كل مرة
والبانزين لا ينقص عن الربع
ويوم تجي تستلمها تاكد من البدي سليم قبل التوقيع

اولا" تاكد من ابدي/ السرعه لاتعدى100 حتى 1000 كيلو / تغير الزيت كل 3000 الاف كيلو ولاتنسى التحميه وتوكل على الله قبل المعلومات كلها

المكينه ممرنه تطمن مسكت خط بعد 100 كيلو

اقرا الكتلوج اهم شي بعد الاستلام
وقبل الاستلام شيك على الموتر من برا وطبق اللي قالوه الشباب والوطايات او الدواسات لان بعض الوكالاء
مايسلمونك يخلونك توقع استلام ويسحبون عليك .. ولاتنسى عشان تتاكد انها مو اي شي شوف الدعاسه مختوم عليه علامة هونداي بالزاويه تحت

انا من رايي تجيب معك خبير سمكري يفحص لك البدي لان هالوكلاء الان ملاعين يصدمون بالسيارات ويسمكرونها ويجون يعطوك اياها 

واحد من اقربانا طلع جيب لاندكروزر موديل 2009 لما جا عندنا بالعيد قال له واحد من الشباب انت شاريه مستعمل قال لا جديد قال يبوي الصدام مرشوش والشنطه مسمكره قال كيف قال ايه نعم مسمكره وفعلا لما خلص العيد راح فحص البودي ولقا طرف الشنطه مسمكر والصدام صيني ومرشوش رشه سباك مو رشه ورشه محترمه 

وراح طالبهم قالو مافيه شيء يثبت وراح رفع اوراقه لحماية المستهلك وما لقى الا التراب 

وهذا هو مسكين مقهور وكره الموتر 

فانا انصح اي واحد يشتري جديد يجيب معه واحد يفحص البدي كاااااااااااااااااااااااااااامل عشان يضمن حقه 

وهذا والله اعلم 

تحياتي ( ابو نواف )

يعطيكم العافية اخواني على افاداتكم ما قصرتم