أضف سؤال أو موضوع جديد          

ماهو افضل كفر مقاس18

up 1 down 1
المدينه 300 784
قبل 5 سنه و 7 شهر



السلام عليكم ورحمة الله وبركاته
اسعد الله مسائكم بكل خير اخواني 

معاي جينيسس 2014 الشكل القديم وعندي كفرات كومهو الكوريه
الحمد لله الكفر من ناحيه عمليه فهو عملي لكن مزعج وناشف 

اللي احتاجه منكم الله يحفظكم تفيدوني عن كفرات ممتازه بالخدمه وعزلها يكون ممتاز من تجاربكم الشخصيه
المقاس 18/50/235 علماً ان الميزانيه 3000 ريال او زياده مو مشكله لأني راعي سفريات وسرعه 

جزاكم الله خير واتمنى منكم الإفاده 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


افضل كفرات جودير ممتاز وخذه من وكيل قودير 


up 2 down 1
سكودر 14927
قبل 5 سنه و 7 شهر



اذا تبغى من الكوري برضو في هانكوك نقشته حلوه ثباته حلو ليونته ممتازه وسعره ايضا ممتاز


up 1 down 0
احمد شريف 3176
قبل 5 سنه و 7 شهر



دام ميزانيتك ما شاء الله عاليه
وراعي خطوط وسرعه
فعليك بكفرات ميشلان ثم برجستون


up 2 down 0
ابوناصر 454 653
قبل 5 سنه و 7 شهر



نفس كلام أبو ناصر ،،،


up 1 down 0
فايز 2012 469
قبل 5 سنه و 7 شهر



جزاكم الله جميعاً
الهانكوك نفسياً ماودي فيه 
الجوديير حاط عيني عليه رحت وكيله ولقيت نفس المقاس الماني ان ماخاب ظني وتقييمه ممتاز وسعره 3400 
ميشلان وبرجيستون كان ودي فيهم لكن كلهم مافي نفس المقاس لازم انقص او ازيد بالارتفاع

اما الموجود لمقاسي هو تويو- هانكوك- دنلوب - جوديير ومتردد بصراحه

شكراً جزيلاً عالمشاركه والإفاده وانتظر بقية الاعضاء يعطونا تجاربهم بالتوفيق للجميع...


up 0 down 0
المدينه 300 784
قبل 5 سنه و 7 شهر



جودير ولا تشاور هاذي مستخدمه ع الروز رايز


up 1 down 0
bnd0re 74
قبل 5 سنه و 7 شهر



اذكر  كنت مركب قودير  وخدم معي سنتين وكان الكفر مشقوق مع طرف الزاويه الداخليه يعني ماتشوفه الى لما تفك الكفر  ومشيت فيها لحد 220  ولا انصلخ الكفر ولالا انفقع  


up 1 down 0
سكودر 14927
قبل 5 سنه و 7 شهر



السلام عليكم ورحمة الله 

أخوي سكودر للمرة الخامسة اسألك وش اسم النقشة من جوديير اللي مركبها ؟ لأنه اسم الماركة لحالها مايكفي

كل شركة تصنع نقشات مختلفة  تختلف في الشكل والجودة والراحة والهدوء  والثبات وطول العمر وقوة الفرملة
 والسعروحتى مستوى توفير الوقود

فتحديد اسم النقشة ضروري 

لكن عموماً فعلاً إطارات جوديير ممتازة جدًّا وتضاهي وتتفوق على الميشلان والبرجستون 
الميشلان والبرجستون تعطيك طول عمر بالدرجة الأولى 

لكن مستوى الهدوء والراحة والثبات وقوة الكبح عند التوقف المفاجيء وتوفير الوقود لصالح شركات ثانية
وأقصد الجودييرتحديداً

وللأسف أغلب الناس تنظر لطول العمر وتتغافل عن أشياء ثانية  
عشان كذا تلقاهم معلقين على جملة >> الميشلان والبرجستون مابعدهم كفرات :)
ومستحقرين الجوديير مع إنها وحدة من اكبر وأعرق  5 شركات إطارات على مستوى العالم 

وفعلاً الرولز رويس تجي شد بلد  بكفرات جوديير وبعض سيارات أودي وفولكس فاجن وسيارات يابانية وأمريكية

لكن أخوي راعي الموضوع ماذكرت اسم النقشة اللي حصلت طقمها  ب3400 ريال ؟

ترى فيه نقشة رياضية من جوديير اسمها EAGLE F1 ASYMMETRIC 2

ميزتها الثبات وأفضل كفر بقوة الكبح أو الفرملة  بالعالم لكنه  مهو أهدأ كفر وأريح كفر من جوديير 

عندك نقشات اكثر هدوء وراحة من جوديير مثل EfficientGrip Performance النقشة المطورة والأحدث
 ونقشة  EfficientGrip  النقشة السابقة والأقدم 

لكن إذا مالقيت النقشات السابقة أمرالله وشق القربة  خذ النقشة الأولى 
صعب تلقى كفر لين وهادي على مقاسك لأنه مقاسك أصلاً مصمم له كفرات رياضية بالعموم

وإذا عزمت على هالنقشة من جوديير  لازم تركز على رمز السرعة ورمز تحمل الوزن 

لأنه صدق أو لاتصدق ،، أحيانا الرموز اللي على كفرات بنفس النقشة تخاليها مختلفة بمستوى الهدوء والأمان 
وحتى بمستوى توفير الوقود

إذا عزمت على الجوديير ايجل اف1 اسيمتريك 2  لازم تاخذه برمز السرعة W   ورمز تحمل الوزن 101
لأنه أفضل بمستوى الهدوء والأمان 

وإليك الدليل >> شوف هذا موقع أوروبي يعرض بطاقة المعلومات لمنظمات السلامة والمقاييس الأوروربية

http://g512uq.tyreheroes.co.uk/collections/all/vendor-goodyear+width-235+profile-50+diameter-18

خل السهم على البطاقة وراح تكبر وتبان المعلومات اللي فيها

وبالتوفيق للجميع وأي استفسار إضافي أنا حاضر



up 1 down 0
nader2002 1662
قبل 5 سنه و 7 شهر



تعديل # تخليها مختلفة#

طبعاً أنا بهالموقع دخلت نفس مقاسك  اللي حددته انت 

وعندك موقع ثاني راح يفيدك بالمعلومات هذا هو 

http://www.mytyres.co.uk/Nankang_tyres.html


up 1 down 0
nader2002 1662
قبل 5 سنه و 7 شهر



زيادة السعر لاتعني زيادة الجودة في كل الأحوال يعني مثلا تدفع مبلغ 3400 ريال تقدر تغير طقمين بهذا السعر من شركات أثبتت وجودها في السوق مثل منتجات تويو ونيتو اليابانية أو هانكوك الكوري أو نيكسن الكوري وهذا النوع مجربه من أفضل الأنواع من ناحية الليونة والهدوء وسعره أرخص من الهانكوك عندي أوبتيما جنط 18 نازل معها من الوكالة غيرته ب320 ريال يعني أشوف بدل ماتغير قوديير ب3400 ريال غير كل سنتين نيكسن بنفس القيمة .


up 1 down 0
nnmm 1414
قبل 5 سنه و 7 شهر



ياهلا ومرحبا بأخواني الاعضاء 
والله شفت الموقع ماي تاير ولفتني اللي ذكرتوه جوديير ايجل اف 1 ان ماخاب ظني هو اللي شفته وسعرته عند الوكيل
وتقييمه طيب والهانكوك فينتوس لفتني بصراحه بالموقع

عموماً جزاكم الله الف خير على التفاعل وإبداء آرائكم جميعاً
الموضوع يبغاله تفرغ شوي ولفلفه بالموقع والوكالات
بالتوفيق للجميع شكراً جزيلاً


up 0 down 0
المدينه 300 784
قبل 5 سنه و 7 شهر



نكسن وكيلها العمودي


up 1 down 0
abdulss 355
قبل 5 سنه و 7 شهر



كفرات كونتيننتال لاتدور غيرها


up 0 down 0
ا هـ م 1 1022
قبل 5 سنه و 6 شهر