تنظيف الثروتل

يمكن يبغالها برمجة أذا كانت الدعسة اليكترونية مو عادية

اوف 500 لية ماهو صاحي هاذا 
نضفتها بنفسي ولا خذت مني وقت 
ادخل على مواضيعي وتلقى موضوع بعنوان تجربتي مع تنضيف الثروتل
الشغلة بسيطه ولا احتاجت برمجه 

الأخ m-baz نعم كني فهمت منه انها اكترونيه 
الأخ الرفاعي 33 جزاك الله خير والله اني شفت موضوعك من قبل وهو الي شدني اني اسويها بنفسي الله يوفقك ان شاء اني استفيد منك .

شف .. تنظيف الثروتل بدون ماتفكه ماينفع نهائيا .. 

الثروتل اذا صملت تنظفه لازم تفكه .. واذا فكيته خذ حساب تغيير _الاصلاح_ لااازم اذا فكيت الثروتل تغير الاصلاح حق البخاخات تلقاه داخل .. وفكه ماهو بسيط نهائيا 
فكه صعب .. 

اوما حركات ابخ سيدلكو وادعس  بنزين .. هذي حركات بناشر

وعليكم سلام

كانت معي سوناتا 
وكنت افكه وانظفه وارجعه واموره طبيعيه

وعندي اف جي انظفه وهو بالمحله 

بس كنت افك اصبع البطاريه
وكلهن دعسه إلكتروني 


ب٦٠٠ كثير

السلام عليكم 
بخصوص تنظيف الثروتل
نظفت كابرس 2006 و 2011
وتريل بليزر اس اس 2006
وسوناتا 2010
وكلها تمام التمام بدون برمجه وبنبهك على كذا شي
1 الكابرس 2006 ثروتل الكتروني 
فكيت الثروتل 
ولعبت باللسان حقه والحمدلله ما واجهت نتعه ولا غيره 
2 الكابرس 2011
فكيت الثروتل 
ولعبت باللسان وجاتني تنعه مع ردة النمر لمدة اسبوعين وراحت من نفسها
3 تريل بليزر اس اس 2006
فكيت الثروتل ونظفته بدون ما اللعب باللسان 
ورجعت ركبته والامور تمام
4 سوناتا 2010 
فكيت الثروتل وما حركت اللسان والامور تمام 


لا تنسى 
اول شي
1
افصل البطارية 
2 
فك الوصلة حقت الفلتر والفلتر 
3 فك فيش الثروتل وله زي قطعه صغيرة حقت حماية ما ينفك الفيش الا بعد ماتفكها 
وانتبه تكسرها تراها خفيفة 
4 فك الثروتل وطلعه من مكانه ولا تضيع المسامير وانتبه وجه الثروتل يطيح او ينقطع 
5 لا تحرك لسان الثروتل ابدا
6 لا تستخدم منظف الكاربريتر حق اي سي ديلكو
صح انه ينظف لكنه مادة دهنية ويمسك غبار وكنك يابو زيد ما غزيت

رجع كل شي تمام 
لا تشد ع مسامير الثروتل بقوة زيادو عشان ما تكسر الثلاجة 
واشبك فيش الثروتل والقطعه البلاستيكية الصغيرة حقته 
وارجع اشبك البطارية 
سمي بالله دق سلف بدون ما تشغل ابو نص دقيقة 
وبعدها شغل 
وبإذن الله بتلاحظ تحسن بفزة السيارة 
واذا كان عندك رجفه بالوقوف بتروح اذا بسبب الثروتل الوصخ 
والسلام عليكم

تنظيف الثروتل بالورش 
ب 100 الي طماع ياخذ 150 
شكلك طايح بواحد يبي يطلع ايجار الورشة من وراك
الحمدلله انظفه عند البيت وشغلته سهلة 
#بداية كل ميكانيكي .. تنظيف ثروتل هههههه

اسمع كلام الاخ ليزو 
انا وواحد من الشباب فكينا البوابة حقت الالنترا 2013 بنفس طريقة الاخ ليزو ونظفناها وفصلنا اصباع البطارية السالب 

ونظفناها والامور طيبه يا رب لك الحمد 
مع العلم دعسة الالنترا الكترونية

ايش يعني لسان الثروتل؟ هل المقصود هو اللي يفتحل ويقفل على حسب قوة الدعسة!

دايما لاصارت مشكله بالسياره لاتعتمد علئ ميكانيكي واحد روح للثاني والثالث منها تتاكد من المشكله ومنها تشوف الاقل سعر 

فكيت اصبح ابطارية و رشيت منظف و مسحت البوابة دون ان احركها و رجعت السيارة تمام
كلفنى ١٥ ريال ثمن المنظف
صنى ٢٠٠٤

و عليكن السلام و رحمة الله و بركاته

حسبي الله عليهم ونعم الوكيل اكثر الورش حراميه ونصابين عيني عينك ... شغله بسيطه جداً يدبلون السعر ١٠٠٠٪
يطلعون ارباح مضاعفة من وراء الناس اللي يجهلون ، اغتنوا وشبعوا أسأل الله ان يخسرهم كل ما جمعوا من اموال 
الناس بالباطل .. لا واللي يقهر ينكرون فضل البلد اللي عاشوا منه عيشه ما يحلم فيها ولا جد جدهم .

أسأل الله ان ينفعنا من هالمنتدى وغيره لكي نقف ضدهم في جميع المجالات لكبح استنزاف اموال الناس بالباطل .

ابغى اعرف على ايش ال dislike لما احد يسأل سؤال!! قمة السفالة والانحطاط اللي فيكم

ديل 2012 
ايه اللسان هو البوابة الي تتحرك
وبخصوص الدسلايك
حاول اوضح جوابي بأدق التفاصيل وشكله بعض الاعضاء زعلانين وعطوني دس لايك
وسع صدرك يا رجال 
نقاط لا راحت ولا جت

كان ودي اتفاعل برد ولكن الاخوان كفو ووفو تنظيف البوابة ان شاء الله امرها سهل مثل ما قالو الاخوان وما تحتاج الورش فقط ابحث و تعلم من اليوتيوب ويا سلام لو الانجليزي معك تشوف المواقع الاجنبية ممتازة انا فكيتها في البليزر طبعا لازم تفكها وتنضفها بره وترجعها تاني وتمنياتي لك بالتوفيق ولو ما حبيت تسويها بنفسك لا باس انك تشوف صنايعي يسترزق وانت علي الاقل فاهم ايش بيسوى بس طبعا السعر انا اشوف حتي 100 ريال معقولة جدا اما 500 لا حول ولا قوة الا بالله دايما المثل يقول ما تشتري من اول سلة اسال كذا واحد والله يا اخي بعض الشغلات تنزل الي الربع او اقل عن اغلي سعر ممكن واحد يقول 1000 فلا تنخدع ممكن تسويها ب200 بس الله يجيرنا من الطماعين والنصابين ولا يجعلنا منهم 

الله يجزي الجميع كل خير وماقصرتو وان شاء الله انا بنفسي انظفها ورايح اطبق طريقه الرفاعي الله يجزاه كل خير.

عندي تاهو بعد مانضفته 
طلع لازم ابرمجه