أضف سؤال أو موضوع جديد          

إلنترا 2015 مخبطة المكينة ... نوضب المكينة والا نغير تشليح ؟

up 1 down 3
سلطان4040 1267
قبل 3 سنه



السلام عليكم
أخوي معه النترا 15 ماشية 30 الف قدر الله عليه وانحرف عن الخط وضربت السيارة من تحت وهو مسرع 
وجهلا منه ودلاخة ماطفى السيارة على طول حاول يمشي بالسيارة لإنها علقت عليه ولما ماقدر طفى السيارة 
وسحبها سطحة وكانت تخر زيوت من تحت

لما وصلت الورشة وشافوها من تحت طلع الكارتير مكسور وفيه كسر أيضا في جرم القير
تم تلحيم كسر القير وتغيير الكارتير 
طلع من الورشة ومشى مسافة 20 كم وطلع صوت في المكينة ثم طفت عليه السيارة
ولما رجعها الورشة طلعت المكينة مخبطة ومستوى الزيت تمام

صاحب الورشة يقول انه يتحمل المشكلة اذا الزيت نقص او صار فيه تهريب أدى لتلف المكينة ولكن الزيت فيه
معناه المشكلة ثانية ماهي من تغيير الكارتير ويتطلب فتح المكينة عشان نعرفها واحتمال يكون طرمبة الزيت

السؤال الأول : برأيكم هل الورشة مسؤولة عن تلف المكينة وخاصة انه السيارة طلعت من عنده وهي شغالة .

السؤال الثاني : ايش الأحسن التوضيب والا تغيير مكينة من التشليح ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ليش راعي الورشة اساساً ماشيك على طرمبة الزيت


عموماً هذي بتدخلون فيها في سين وجيم معه ويمكن ماتطلعون بنتيجة ، الشكوى لله ، الله يعوض عليكم


انا رايي تشترون مكينة من التشليح دامها جديدة وتركبونها التوضيب يخوك والله نادر من سمعت انه سلك معه


بالتوفيق


up 1 down 1
a.ibrahem 3240
قبل 3 سنه



الله يعوضك خيرررر


up 1 down 0
لينكولن 2011 434
قبل 3 سنه



التشليح اذا طلب الرجيع فمعناته رح يوظبها 

الافضل توظب ولارح تكلف خاصه وانه رح يكون نص توظيب لان المكينه ماهي ماشيه كثير

وبعدها استمر مع صيانة الوكاله 20 الف عشان تبقى تحت الضمان ....

 


up 1 down 0
abdulaziz al-malki 970
قبل 3 سنه



اخوي اعذرني على تطفلي على موضوعك بس ابيكم لاهنتم تعطوني لايكات ابي انزل موضوع عن مشكلتي اللي حليتها ولله الحمد .. 


up 28 down 7
تصآميم 196
قبل 3 سنه



شوف من رأيي انك توظب عند واحد خبرة مو تيجي عند يمني ميكانيكي ما يدري وين الله حاطه
وللمعلومية انا وظبت جمس موديل 97 من 3 سنوات الي الحين مشاء الله يقطر موية  من الشكمان 
لكن التشليح بتشتري مكينة الله اعلم فيها ما تدري وش في كرشتها لكن لما توظب تحت يدك اضمن واحسن 


up 7 down 2
abdullah.awad 46
قبل 3 سنه



التشليح مايصلح كله معدوم الالنترا والاكسنت والسوناتا مواتر هجولة وتفحيط ودعس كلهم يعدمون المكاين والقيور ولا يغيرون الا زيوت تجارية 

عليك بالتوضيب كله اصلي وورشة تخاف الله واهم شي تجيب لك كرسي وتكي عندهم ولا تتركهم حتى لو توضيب يومين تعب وترتاح باذن الله سنوات 


up 0 down 0
benz lover 163
قبل 3 سنه



وانا ارشح التوظيب وبالغالب نص توظيب تلقى باقي المكينه سليم وجزء جاته الاضرار 


up 0 down 0
احمد شريف 3205
قبل 3 سنه



ودهاا الشركة خلهم يفحصونها وشوف السيارة دق سلف ولا لا
اذا تدق سلف ممكن كهرباء ولاشي ثاني



up 0 down 0
ابو ريم 40
قبل 3 سنه



انا ارشح التوظيف

مكاين التشليح اعرف اكثر من شخص يركبون
وبعد فترة يطلع فيها بلاء ويرجعها وسين وجيم


up 0 down 1
mr.tahoe 1187
قبل 3 سنه