أضف سؤال أو موضوع جديد          

مشكله في تشغيل السياره واستفسار عن موية الرديتر

up 0 down 2
loody_23 363
قبل 4 سنه و 11 شهر



السلام عليكم 
ايش اخباركم عساكم طيبين 

يا اخوان صارتلي مشكله بسيطة لاحسه مخي 

سيارتي النترا 2015 والمشكله اني احيانا لمن اشغل السياره تقعد تفتف وتطفي وارجع اشغلها وتشتغل بعد ثانيتين يعني مو اول ما ادق السلف طبعا لمن تكون السياره باردة 

هل يمكن تكون طرمبة البنزين ؟ البطارية لها 6 شهور مغيرها 

وبخصوص موية الرديتر سيارتي ماشية تقريبا 50 الف هل يفضل اني اغير الموية ولا بس ازود عليها ؟؟ وايش هي افضل موية رديتر ؟ 

وشكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


افضل طريقه لتشغيل السياره بعد توقف طويل هو انك تنتظر الجرس لين يوقف بعدين تشغل السياره 

                                ( جربهــــــــــــــــــــــا )

ماء الرديتر في اغلب السيارات الجديده يتغير كل 200 الف او 10 سنوات 

وافضل ماء هو بريستون الامريكي ضمانه 250 الف او 5 سنوات وسعره 45 ريال 

موجود في قطع غيار السيارات الامريكيه لون العلبه اصفر غطاء ازرق طبعا مخلوط 50/50 اخضر 

موفق


up 3 down 1
abdulaziz al-malki 982
قبل 4 سنه و 11 شهر



وعليكم السلام على وصفك للمشكلة هذي طرمبة بنزين
بس السيارة 2015 اتوقع لها بالكثير سنتين معك
يمكن انك تصفر البنزين داءما ولمبة البنزين تولع.
بالنسبة لموية الرديتر زوده موية مقطر الين اذا قل تركيز الموية
ولزوجته هنا تغير الموية.


up 1 down 0
أبووووعلي 609
قبل 4 سنه و 11 شهر



وعليكم السلام 
حياك
بعد ماتشتغل كيف وضع عداد الضغط يطلع وينزل ولا ثابت
نظف الثروتل كامل وحساس قربة الهواء
مشاكل الثروتل كثيرة ومشكلت موترك واحد من اعراض الثروتل
بالنسبة للموية لاتغيرها موتري يالغالي ماشي الحين 270 الف
وموية بلدة ولا نقص ولا شي
اذا بتغير الموية غيرها على ممشى 200 الف
وموفق


up 1 down 0
الرفاعي33 13911
قبل 4 سنه و 11 شهر



فهمت قصدك تقعد تشغلها وتفتفتف وتفتف وتطفي 
المشكلة في تشغيلتك للسيارة 
انت متعود انك تدق سلف على السريع وتشتغل معاك 
قيد صارت لي وحتى بعد ما تتفتف معاك تطول في دقة السلف عشان تشتغل 
هذي ان شاء الله ماهي مشكلة 
زي ما قلت لك المشكلة في تشغيلتك انت 
حاول انك ما تشيل يدك عن السلف الا لما تتأكد ان السيارة اشتغلت 
ولا تشيل هم السلف 
الالنترا في نظام سيفتي اذا اشتغلت المكينة يفصل السلف 
وتقدر تجرب بنفسك والسيارة شغالة دق سلف راح تطفي الشاشة ويطفي النور والمكيف بس ما راح تدق سلف السيارة  هي شغالة 


up 1 down 0
ms3al 1785
قبل 4 سنه و 11 شهر



اخوي مشكلتك من حساس الابنص 100%

سعرة غالي في قطع الغيار 

لاكن تحصلة في التشاليح بكثرة خصوصا محلات بيع المكائن والقيور

طبعا استبعد طرمبة البنزين لانها هي العكس اذا السيارة بارده تشتغل واذا حارة تطفى  مالها دخل الطرمبة  

بخصوص موية الرديتر لا تغيرها اضف عليها ... او غيرها اذا كانت موية عادية 


up 1 down 0
.ابو طارق 266
قبل 4 سنه و 11 شهر



يعطيكم العافيه جميعا ما قصرتو ربي يسعدكم 


up 0 down 0
loody_23 363
قبل 4 سنه و 11 شهر



نفس الموديل ونفس المشكلة الحل اللي نفع معاي اني اخلي المفتاح على الدقة الثانية ثلاث ثواني وبعدين اشغل السيارة


up 0 down 0
فهد المحمدي 1410 168
قبل 4 سنه و 11 شهر