أضف سؤال أو موضوع جديد          

غيرت مكينة جديدة وطلعت لي مشكلة فيها

up 1 down 2
ابوحامد999 36
قبل 5 سنه و 9 شهر



السلام عليكم 
ياشباب انا عندي أكسنت ارتفعت حرارتها ولا ولعت
لمبة الحرارة المهم بعد ماحولت قلت اغير مكينه احسن لي
المهم الحين المكينة ماكملت شهر وصار فيها زي التقطيع

ولا عاد ادرى وش اغير فيها 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم,

اخوي يمكن المشكلة من الراديتر.  لأنه في الغالب ارتفاع حرارة الماكينة من الراديتر يكون خربان ولازم يتبدل.

ولعت عندك لمبة الماكينة؟؟؟ 


up 3 down 0
بدر الباثفايندري 1125
قبل 5 سنه و 9 شهر



افحص كمبيوتر افضل



up 1 down 0
raeed.55 287
قبل 5 سنه و 9 شهر



اول شي شيك على دينمو المراوح وقف السياره وافتح الكبوت واذا ارتفعت الحراره وماولعت المروحه
ممكن من حساس المروحه او الدينمو واذا اشتغلت شيك على الراديتر وغطاء الراديتر 


up 2 down 0
l-kaled-l 14
قبل 5 سنه و 9 شهر



ما شاء الله عليك جزوم
الناس إلي عندهم مشاكل حرارة يغيرون الرديتر المراوح ماء الرديتر طرمبة الموية الليات الاكواع وان كانت مشكله عويصة مرة مسحوا الراس
أنت ما شاء الله عليك غيرت المكينة مرة واحدة
مشكلة التقطع يمكن يكون سببها حساس هواء ولا الكويلات و لا البواجي و أفحصها كمبيوتر أفضل لك


up 2 down 0
m-baz 337
قبل 5 سنه و 8 شهر



اخذت الكلام مني يا m-baz هههههههههه
من جد عشان حراره تغير مكينه سلامااااات !!!!!

المهم بموضوع الحراره ان كانت ترتفع وانت واقف وتنزل وانت بخط فهذي اسبابها كثيره
منها خراب المروحة او دينمو المروحه ونقص الماء 
واذا كانت العكس ترتفع وانت بخط وتنزل وانت واقف
فهذي اغلب الاسباب تكون خراب بطبات المويا وشغلات داخل راس المكينه

وبالنسبه للتقطيع بعد أسبابه كثيره بس انت ما شرحت طريقة التقطيع هل هي تفتفه ولا رجه ولا الدعسه تروح ولا كيف
ان كانت تفتفه احتمال كبير تكون من : بواجي ، كويلات ، بخاخات ، حساس الهوا ، فلتر بنزين
وانت كانت رجه شيك على : كراسي المكينه ، كفر محبل ، عمود كردان (بس اكسنت مافيها) 
واذا تقصد بالتقطيع مثلا وانت ماشي وداعس للموتر وفجأه الدعسه تروح (يعني كانك شلت رجلك من الابنص) فهذي مشكلة بطرنبة البنزين 

بالتوفيق .. وآخر الاعطال باذن الله


up 1 down 0
Abu-Saad-212 387
قبل 5 سنه و 8 شهر



ياخوان انا ماغيرت المكينة إلا وهي خلاص قالو تحتاج توضيب
قالو الفرق 500 ريال فقط قلت اركب مكينة جديدة  احسن
لكن الحين اذا دعست لها بنزين يجي تقطيع في الامبير 


up 0 down 0
ابوحامد999 36
قبل 5 سنه و 8 شهر



التقطيع من كهربا السيارة شيك على البواجي و الاكويلات 


up 1 down 0
shadowz33 1098
قبل 5 سنه و 8 شهر



شيك على الكويلات

روح لاي كهربائي 
واسال بعده اثنين او ثلاث


up 2 down 0
sell 236
قبل 5 سنه و 8 شهر



رحت للي ركب المكينة طلع مركب لي البواجي قديمة 
وخليته يحط بواجي جديده 
جزاكم الله خير جميعآ 


up 1 down 0
ابوحامد999 36
قبل 5 سنه و 8 شهر



آخر الاعطال باذن الله


up 1 down 0
Abu-Saad-212 387
قبل 5 سنه و 8 شهر