سوناتا 2016 بانوراما والنترا 2016

دام يبغاها للكرف النترا بس مكينه كبيرة 

انت تقارن فئة بفئة ثانية 

لو قلت كوريلا والنترا اقول لك ممكن 
كامري وسوناتا ممكن 

زبدة الموضوع كلتا السيارتين تكرف 
واكيد ما فيه مقارنه السوناتا 
اكبر واوسع مكينة اكبر 
حتى في الخط المكينة على ال120 مرتاحة 
بس السوناتا البانورما مشكلتها اصوات البنوراما ما ادري اذا صلحوها وفي عز الصيف السيارة بتكون اكثر حرارة 
هذا اذا الرجال مصمل على واحد من السيارتين 
وفي عندك خيار ممتاز جدا الي هو المازدا 6 اذا كانت فلوسه تجيب له مازدا 6 انصحك وبشدة عليها 
خلال السنتين الماضية اثبت جدارته 
موتر راسي وعملي جدا وفوق كذا صرفيته للبنزين ممتازه جدا وما كيفها ما شاء الله عليه باااارد جدا 

للمعلومية انا من ملاك الالنترا انصح فيها في حالة وحدة اذا كان الرجال ما يسافر قليل وسفراته قليل جدا
 يعني يبغا سيارة بلد غير كذا ترى بتصدع في راسك في الخط   

هو مو حق سرعه حتى لو راح مكة او المدينه اعرفه مايتعدى 130 نهائي
المازدا مادخلت مزاجه

اجل السوناتا كويسه

السوناتا الجديد يمدحونها  حقت كررف وجلد  بس القديمه سمعت فيها مشاكل بقير لكن عدلوها بالشكل الجديد الانترا الشكل الجديد  شفتها واقفه عند محل ايجار سيارات لكن ماجربتها  وانصحه يستاجر ويجرب ويشوف الي تصلح له 

انا انصحه السوناتا افضل من الالنتر شكلا واوسع وافخم   

بس اهم شي نصيحه خله ياخذ سوناتا سياحي مطورنفس مواصفات النص فل بس اللي يفرق سقف البنوراما

لأن اكثر ملاك  السوناتا البنوراما يشتكون من السقف  

عشان تسذ نصحتك تبعد عنها

لا ذي ولا ذي ياخذ كادينزا ستاندر ب 75 الف احسن من ذي وذي


اولاً مافيها بانوراما ويريح راسه من ساسها وشحم لا تشحم عقب كم سنة


وفوق كذا ستة سلندر احسن له في الخطوط وحتى وسط البلد واريح مراتب وعزل وافضل قيادة ورساوة


وجهة نظر ، بالتوفيق

ياخذ له سوناتا استاندر مكينة 2400
اللي صارت ب68 بس عيبها ايرباق للسواق بس
و الا الفرامل  ABS

اكيد سوناتا  هذي فئة وهذي فئة  كأنك تقول افالون ولا كورلا 

عز الله جابها a.ibrahem   كادينزا يافي بطنها رساوه انا جربت 2012 راسيه  ومريحه فمابالك 2016 

عليه أن يحذر من حاجتين 

حجم الجنوط المبالغ فيه 
+
سقف البانوراما. ..
+
وضع التكييف مع شمسنا الحارقة. ..

السوناتا اكبر حجم لكن قيمة الاستاندر نفس قيمة الالنترا فل كامل 

رساوه الالنترا من خلال تجربة السيارتين لان شكلها انسيابي مع الخواء فتمسك بالارض
اكثر من السوناتا كرف ارشح الالنترا اما من ناحية وسع وكبر مكينه فما يبغالها كلام السوناتا
التقيم الالنترا
 عزم 8من10اذا كانت 2000cc
رساوه 8من10
تكيف 9من10
راحه 8من10
الوسع 7من10
التحمل 9من10
التصميم9من10
سماعات السياره 6من10الصوت جدا ضعيف
الاناره 9من10 اذا كانت فل كامل لوجود العدسات واللد
السعر 7من 10لقرابة سعر السوناتا النص فل 
التقيم النهائي 8من10

السوناتا 
العزم 8من10
الرساوه7من10
الوسع9من10
الاضاه ضعيفه 7من10
الكهرب 6من10ضعيفه
التكيف 7من10عيب مصنعي فجميع السوناتات اذا وقفت عند اشاره او اي مكان يطفي اتوماتيكي الكمبرسر
سماعات السياره طيبه لاباس8من10 افضل من الالنترا
اصوات فتحة البنوراما حدث ولاحرج 5من10
التصميم جميل 9من10
التحمل7من10
التقيم 7من10
واتمنا اني افدتكم جميعا وبالتوفيق...

مافي مقارنه بين سوناتا و النترا 

انا افضل سوناتا استاندر مكينه 2400 ولا النترا فل مكينه 2000

فرق الوسع وفرق الراحه وفرق العزل 

وفي السفر والطلوع والنزول اكيد السوناتا افضل 

لو تركب سياره بحجم السوناتا وبعدين تركب النترا 

تحس انها صغيره ومنت ماخذ راحتك 

حتا اغراضك جوالك ومفاتيحك واغراض اخوياك واكواب الشاهي والعصير 
ما تلقا لها مكان تحطه فيها 

ناهيك عن وسع الشنطه اذا بتسافر او بتركب ركاب في الحلف 


المهم خويك هذا مدري كيف ركبت في راسه يقارن بين السيارتين 

ممكن ليكات يا الربع