أيهم أفضل

و عليكم السلام و الرحمة
الراف فور المطور 2016 دفع رباعي مستمر
ب80 الف بالمعارض
السانتا في بنفس السعر لكن دفع امامي
 و يزيد بالمواصفات مثبت سرعة و انه يشيل 7 ركاب
ممكن تحصل اربع سلندر دبل بزود 5 الاف بس قليل اللي يجيبه
لانه يكون قريب لسعر ست سلندر استاندر
كل السيارتين مبنية على اساس سيارات سيدان
الراف فور نفس مكينة و قير الكامري
و السانتا فيه نفس السوناتا
و كلها ممتازة و تخدم و حسب احتياجك من المواصفات قرر اللي بتشتري بالتوفيق

اكيد سنتافي

الراف فور تقارن بالتوسان

لا يا معالم
الراف فور من فئة السانتا في لكن ما ينزل بمكينة V6 مثله
التوسان اصغر و مصنوع على اساس النترا
و الجديد مكينته حجم 2.0 ما نزل 2.4 
و ان نزل بيكون سعره قريب او اغلى من سانتا في و هو افضل

يعطيكم العافيه اخواني ابو نجوى ومعالم التقنية ، هل الـ ٤ سلندر عزمه حلو وإعتمادي لأني بستخدمه داخل جدة فقط وإلا الـ 6 سلندر أفضل

يابو نحوى ركز فالراف فور شوي 

قد يكون اكبر بشوي من توسان لكنه يبقى من فئته 

السنتافي من فئة ال cx9 والقراند شيروكي

اوضح دليل ان الراف فور صفين والسنتافي ثلاث

ماقصر ابو نجوى عطاك الزبدة
بس الراف دفع رباعي مستمر اشوفه افضل

ال٤ سلندر عزمه على قده يعني مو قوي وقومات لكن يأدي الغرض بالمدينه واستهلاك اقل

ويا باترول ٢٠٢٠ حتى السنتافي رباعي مستمر الا اذا اخذه بدون دبل

تدري يا معالم ان الراف فور الشكل اللي قبل
نزل بامريكا ب7 ركاب و باب شنطة
و المازدا Cx9  اطول و اكبر شوي من السانتا في العادي
هذا اللي خلى هونداي تنزل فئة اطول جراند سانتا في
حتى يقدر ينافس المازدا و دودج دورانجو و الاكاديا و غيره
و هو بديل للهونداي فيرا كروز
اما القصير المنتشر عندنا يسمى سانتا في سبورت و يجي بصفين مقاعد فقط بالسوق الامريكي
حنا عندنا 3 وكلاء و كل واحد يجيب مواصفات من عنده
2016 سانتا في نزلت فئة V6 بدون دبل !!!! وش الفايده 
من عرفنا سانتافي ست سلندر يجي بدفع رباعي مستمر
فيه تخبط صار مثل مواصفات الالنترا

بالنسبة للعزم داخل البلد ممتاز 190 حصان 2400 اقوى من مكينة السوناتا شوي
انا معي باجيرو 3500 نفس قوة المكينة و اداوم خط و اسرع عليه ما يأثر بالعزم
 الا اذا حملت الجيب كله ركاب او اغراض ثقيلة

و مثل ما قلت برد سابق
ليت عبداللطيف ينزل تويوتا هايلاندر ( اللي بيبحث عنها باليوتيوب )
بس يكون سعره معقول 100 الى 120 الف
كروس اوفر اكبر من الراف فور بمكينة افالون و 7 ركاب
لسد الثغرة و للمنافسة يعني اللي يبي جيب من تويوتا 
ما قدامه الا الفورشنر و البرادو و السعر غالي على 4 سلندر و غير مريح للعائلة

آلراف فور قاسي شوي 

السانتافي الحلو فيه أنه ناعم  السيارتين حلوة وتكرف

شوف الله تميل له نفسك والله يخترلك الخير 

وعليكم السلام ورحمة الله وبركاته 
اخوي اشتريت سانتافي 4 سلندر 24000 CC
بناءا على كشورة اخوتي في المنتدى وبيض الله وجيههم على النصيحة 
السياره الآن مع السائق وماشيه 7000 وشوي 
صرفيه الوقود اعتبرها ممتازه جدا
المساحه الداخليه والتكييف جيده جدا جدا
اما الراف فور فما اقدر افتيك فيه لاني ابدا ماجربته 
استخر الله ثم استشر الاخوان هنا والراي الاول والأخير بعد مشيئة الله لك
موفق لكل خير ومن يقرأ 

اشوف السنتافي افضل و اوسع حتى لو انه 4 سلندر
وانا مستغرب البعض يقول الأربعة سلندر ماينفع حق اسفار
ومعنا هندي في الدوام عنده اسوأ سياره 4 سلندر هي رينو سافران وكل يوم يومين طالع فيها من الدمام الى السفانية ويوم الخفجي ويوم شدقم ويوم الخرسانية
السيارة موديل 2011 والحين ماشية اكثر من 250 الف ولسه سليمه ماتغير فيه غير القطع الإستهلاكية

هو بلا شك ال6 سلندر افضل لكن لايعني ان ال4 سلندر مايصلح

^ يالغالي قصدك رينو فليوانس لان سافران ٦ سلندر مكينة ماكسيما

لا يالغالي السافران يجي 4 و 6 سلندر

اخوي مدمن شاهي 

أتمنى تنزل موضوع مفصل عن مميزات السيارة وعيوبها

بيض الله وجيهكم جميعاً