مشكلة تخبيط مكينة السوناتا ووكالتهم

10 3

لايمكنك التصويت حتى الحصول على 20 نقطة على الأقل
إضغط هنا للإخفاء

tr.0.o 37
قبل 8 سنه و 8 شهر

السلام عليكم ورحمة الله




يااخوان ابسأل اذا احد صار له نفس هالمشكله وش حلها
وهل ترجع المشكله بعد اصلاحها او لا ؟ ابقول سالفتي مع هالوكاله من اولها 
سيارتي سوناتا موديل ٢٠١٣ فل كامل وكالة مواضب على الصيانة الدورية عندهم 
ومعتني فيها ومانيب راعي كرف من الدوام للبيت ،، 
المهم قبل اسبوع اول ماطق العداد ٨٥٠٠٠ طلع لي صوت فالمكينه 
نفس الصوت بها الرابط http://m.youtube.com/watch?v=BWFTL3v25YA
وثاني يوم وانا محضر بصيانة الوعلان مخرج ١٨ فاتح الورشه معهم الساعه ٧ الصبح
دخلت على الاستقبال مافيه احد الحااالي الزول قال خذ رقم خذيت وعطيته طلب الاوراق رخصه واستماره وجلس يشيك ويسولف ويضحك قال بتدخلها الحين قلت اكيد قال ايش المشكله قلت صوت مكينه بعدها انقلب وجهه وجلس يطقطق بالنظام
وينتق لي صيانات من راسه يقول ماسويتها وانت غير منتظم صيانة ٥٠٠٠ ماسويتها و٢٠ و٣٠ .. الخ
قلت هذي ثالث سيارة لي واي واحد بيشيك على اول صيانة لسيارته سواء الف او خمسه 
راح رجع لي الاوراق وقال رح للورشه الثانيه يمكن يتساهلون معك ! احنا عندنا الجينيسس والسانتافي فقط هناك سوناتا 
مع ان الورشه فااااضية وموجود سيارات سوناتا والنترا داخل تحت الصيانه ،المهم رحت للورشه الثانيه واقابل هندي قال لي نفس الكلام ماسويت صيانة ٥ و ٢٠ و٣٠ وغيره 
طبعا ً هالاعذار طلعت من نظامهم بعد ماعرفوا ان المشكله بالمكينه وجابوا اكثر من فلبيني يسمع الصوت وكلهم قالوا مكينه
الهندي قال مايمشي عليك الضمان وانت غير منتظم .. الخ وتصليحها بيكلف حول ٢٠ ! بعدها رحت لموتري وطلعت الفواتير :)
الصيانات من ٥ الى ٧٥ موجودة ماعدى صيانة ٥٠ ويوم شافها قال عندنا بالنظام غير موجودة > حاذفينها يعني احفظوا فواتيركم
المهم قلت هذا ختمكم وهذي فواتيركم 
بعدها جلس يكلم بجواله > يدق على الورشة الاولى على السوداني ..
 ورجع لي يسال انت رحت لهم قلت ايه قال ارجع لهم وكلم المدير لازم موافقته عشان تدخل السيارة ! 
رجعت للورشة الاولى والسوداني قافله معه سلم الاوراق لهندي ثاني وجلس يحفر من جديد الين طاح على صيانة ال ٥٠ ورجع يعيد سالفة انت غير منتظم 
قلت له قبل شهرين خرب الكمبروسر وجبتها عندكم ودخلتوها على الضمان ومحد تكلم عن صيانة ٥ او ٥٠ والحين تتعذرون عشانها مكينه ! راح كلم المدير ابو شكيب ورجع جاب فلبيني يسمع الصوت
وقال نفس الكلام مكينه .. رجع لي وقال استرح وجلس يشيك وناداني قال بندخلها بس لازم تسوي صيانة ٨٠ قلت عادي وجلس يعبي الاوراق ووقعت وخذ المفتاح ودخلوها ، رجعت له قلت كم تقعد قال ٢٥ يوم او اكثر قلت ابي سيارة بديلة ورفض قال مافيه وكلمت المدير ورفض واذا تبي بديله تعال بعد ٢٥ يوم اذا ماخلصت نعطيك بديلة.. قلت وين مديرك قال داخل الورشه انتظره ، جا المدير وسألته عن البديله قال انت صاحب السوناتا قلت ايه اصلن مافيه الا انا 
عندكم اليوم قال انا وافقت لك على دخول السياره > يعني بيعلمني انه بيدفع حول ٢٠ تصليح على حسابهم عطيه مو غصب على الضمان !
قلت واذا ابي بديله الموتر بيقعد حول الشهر وقبل مغير كمبروسر خمس ايام وخذت بديله ! قال لا مافي بديله ويعطيني ظهره وينحاش 
رجعت لأبو هنود وخذت اوراقي واستاجرت موتر من عندهم لأن عندي دوام وبلحق عليه .. وامس رفعت شكوى لوزارة التجارة دقوا علي الوعلان بعد الشكوى بكم ساعه وسؤالهم انت مدخلها بموعد او لا ؟! 
قلت المشكلة مفاجأه وماتحتاج موعد اسبوع او اثنين لين توقف السيارة وورشتكم فاضيه يعني المفروض تدخل مباشرة لو المشكله سهله ، قال بشيك وارد لك دق علي نفس الرجال اليوم ويعيد نفس السؤال مدخلها بموعد ! 
دقيت على وزارة التجاره قالوا الشكوى محوله للوكيل ويبي لهم يحلونها خلال ١٠ ايام ! بعدها كلمنا .. يعني السالفه مطوله
السؤال وش سبب التخبيط مع اني معتني بالموتر ؟ 
وهل يحق لي سيارة بديلة؟
اعتقد اللي رافع ضغطهم ومابغو يدخلونها والحمدلله من حظي ان الضمان ٣ سنوات بينتهي خلال ١٠ ايام .
وآسف على الاطالة .

إبلاغ

الردود