أضف سؤال أو موضوع جديد          

رأيكم بالجينسس2016

up 4 down 5
محمد حمدان هلال 19
قبل 4 سنه و 8 شهر



السلام عليكم ورحمه الله وبركاته انا صراحه عاجبتني الجينسس الجديده وانا صراحه من الناس الي لا شريت موتر 
ما يكمل سنه بالكثير الى وكارهه وبايعه فيلوستر سنه و6شهور ايدج سبورت اقل من سنه   ودي بموتر صراحه يكون مريح وحجمه ممتاز لان مواتري السابقه بهذلتني بعدد الركاب والراحه
 وحاليا معي اف جي واكسنت
الاف جي صراحه مقارنه بالمواتر الي قبله جدا ممتاز ما يخرب ولا يعاني اعامله بقسوه : ) وما يطلب ماشاء الله
لكن مواصفات مافيه والله ماودي ابيعه لكن قلت بشوف شوركم ودي بجينسيس 8سلندر 2015 يمكن اشتري
مستعمل سعرها ماهو غالي ولو ابدلها بموتري الحالي ما راح ادفع فرق كثير وصراحه عجبني
فيها المواصفات الي كثير وانها اكبر من الجيب واريح بالسفر لكن تعبت من كثر المنتديات الي دخلتها
ما لقيت اجوبتي الي هيه صرفيه البنزين ب8سلندر وكم حجم التانكي حقها وقطع الغيار بذاااات اسعارها ووكيلها
وسلامتكم وصراحه مني صامل 100% للحين ما دخلت راسي بسبب خوفي من قطع الغيار سعرها وتوافرها
  الصراحه ودي بملاكها يتكلمون من ناحيه الكرف والاستخدام ابيه اقل شي 4سنوات ولاحظت بحراج كثير يتنازلون عنها
   وادري طولت عليكم : ) 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ممتازه انصحك فيها بس خذ 6 سلندر افضل وارخص 


up 2 down 1
فهرس الكتاب -32
قبل 4 سنه و 8 شهر



مو هرجه رخص دام باخذها مستعمل ما تفرق بس وش رايكم بالv8 الي عجبني فيها صراحه 400حصان ماهي هينه
لكن الصرفيه تهمني جدا داخل البلد 


up 1 down 5
محمد حمدان هلال 19
قبل 4 سنه و 8 شهر



انا معاي الموتر 2016 8 سلندر .. وكمل معي سنة الان 
الموتر امشي عليه بالاسبوع الواحد 1000 كيلو تقريبا .. ومشيت عليه حتى الان 36 الف كيلو 

البنزين احمر فل ب61 ريال .. ويمشيني 500 كيلو تقريبا 
السلبيات اللي واجهتني بالسياره 

الجنوط مقاسها 19 .. يعني اي حفرة قوية بتاخذها بتودعلك كفر 
وكالة الناغي اسوء وكالة بالعالم 
دخلت السياره عندهم بسبب مشكلة في مسجل الصوت وقعدت عندهم شهرين ولا صلحوا فيها شئ 

جاتني حذفة يمين اول ما اخذت السياره .. وراحت مع الميزان 

صارلي حادث بالسياره الله يبعد عنكم الحوادث
وكان الحادث بسيط .. فقط صدام خلفي كامل مع البطانه وديكور الشكمان وشبك امامي ورادار 

وكلفت القطع 11 الف و500 ريال (( الرادار لحاله 6000 ريال ))

انا اشوف اسعار قطع الغيار متوسطه .. مو غاليه ولا رخيصه 

السياره بتاخذها بترتاح جدا معها اذا حافظت عليه

الصيانة الى 100 الف مجانا او 3 سنين 
الضمان مفتوح الكيلومترات او 5 سنين 
السياره مريحة جدا بالخطوط عزل الصوت خراافي والرساوة 
السياره شبابية ورسمية ورياضيه وكشخه 

هذا اللي اقدر افيدك فيه .. واذا عندك اي استفسار عن السياره تفضل 


up 8 down 2
abdullahalharbif15 754
قبل 4 سنه و 8 شهر



الجينسس سيارة سيدان فاخرة والاف جي جيب
الاف جي ماراح يخرب معك كثير لانه نظام تعليقه قاسي يتحمل الطرق الوعرة ومافيه تقنيات كثيرة عشان يخرب
الجينسس أكثر راحة وأكثر فخامة ومواصفات تقنيات ولازم تتعامل معها على إنها سيارة سيدان مو جيب لحتى تدوم معك


up 4 down 0
سلطان4040 1237
قبل 4 سنه و 8 شهر



فــنــانــة ,,,,,,,,,,


up 3 down 0
abdulss 355
قبل 4 سنه و 8 شهر



باختصار اذا رجلك حاره لاتاخذها 

الاف جي خلك عليه افضل


up 3 down 1
coco13 895
قبل 4 سنه و 8 شهر





خذها مستعمل
لانك بتبيعها بعد سنه 
نفس نظامي ،، تجيني حساسية من السيارة بعد مرور سنة وهي معي لين ابيعها 
شكله مرض لازم نتعالج منه هههه


up 1 down 0
حرف الالف 1025
قبل 4 سنه و 8 شهر



ههههههههه اي والله شكلها مرض
ع العموم شكرا للي ردو بس صدام خلفي كلفك 11 الف عندنا بالمدينة الشياب عليهم سواقه كذا بروح فيها 
شكلي بصبر سنه الgs350 2016 نزلت وشكلها اليم لكن للحق اشوف الجينسس اصرف منها لكن قطع غيار الجينسيس
ووكيلها تعبانين ولكزس معروف وكيلها ما يحتاج شكلها لكزس لكن بصبر لين يطيح سعرها او القاها مستعمل 
وشكرا للجميع 


up 0 down 1
محمد حمدان هلال 19
قبل 4 سنه و 8 شهر



هو يقصد ان القطع كامله كلفت 11 الف صراحه موتر لكن يحتاج واحد قيادته رايقه 


up 1 down 0
princ 18876
قبل 4 سنه و 8 شهر



السيارة ممتازة لكن بتتعب مع الوكيل 
اسعار القطع نااااااااااار معايا النترا وشايف اسعار قطعها غالية اجل كيف الجنسس 


up 2 down 0
loody_23 363
قبل 4 سنه و 8 شهر



صادق هونداي اسعارها من ناحيه قطع الغيار ارتفعت بشكل جدا جنوني كان معي فلستر حقت اخوي استعملتها قطعها مره غاليه
صح انه تويوتا اسعار غلى بمواصفات اقل لكن من ناحيه كرف واعتماديه وقطع وخدمات بعد بيع لا يعلى عليها 
شكلي بقعد على موتري لين ما ينزل موتر ازين ولا باخذلي جيب لاني تعودت صراحه


up 0 down 1
محمد حمدان هلال 19
قبل 4 سنه و 8 شهر