أضف سؤال أو موضوع جديد          

تغيير زيت الجيربوكس للاكسنت اول مرة

up 16 down 5
adeeb.a.b 115
قبل 5 سنه و 4 شهر



سلام عليكم يااخوان الموضوع مثل ماهو واضح بالاعلان عن تغيير زيت الجيربوكس
السيارة اكسنت 2014
الممشى. 90400كم (تسعين الف واربعمئة) , لون الزيت بني غامق (مثل الصورة الاولى )
اليوم قررت اغير زيت الجير بعد بحث لمدة يومين عن (متى يتغير -نوع الزيت -تغيير الفلتر )
المهم الكتالوج تبع السيارة يذكر ان تغير الزيت عند 100000كم ونوعه ATF SP III ولم يذكر سيرة الفلتر نهائيا بكامل الكتالوج
عديت على اول ورشة متخصصة بالكوري قلي الاكسنت الفلتر يجي داخل القير مايتغير الا مع التوضيب (للاسف كلامه طلع غلط الفلتر خارجي ) وقلي تغيير زيت فقط ب 80 ريال
سحبت عليه ورحت ورشة ثانية ونفس الكلام
بعدها رحت لمحل قطع غيار اصلي اشتريت 4 علب (على كلام الورش وصاحب المحل) زيت هيونداي الاصلي العلبة الزرقاء ب 70 ريال الوحدة (واضح بالصورة الثانية )
صاحب المحل قلي ماتبغى فلتر قلت له صاحب الورشة قلي الفلتر داخلي قلي لا غلطان السوناتا والالنترا داخلي. الاكسنت لا
المهم قلت له لا واخذت الزيت فقط
ورحت على بنشر ممتاز وطلبت منه بس يغير الزيت من الصرة تحت والشغلة بسيطة مثل تغيير زيت السيارة في البداية وافق وبعدين خاف قلي روح عند مختص


مشيت رحت عند واحد حقت جيربوكسات قلي لو غيرت زيت فقط عادي واذا مع الفلتر افضل قلت له لا ابغى اغير الزيت بس
قلي ب 50 ريال ( وحقها اقل ) قلت له طيب رفع السيارة وفك الصرة ونزل الزيت وخلاها لمدة 10 دقائق تقريبا وبعدها عبى 3 علب بس , قلت له 4 قلي هذا لو مع الفلتر المهم شييك على مستوى الزيت 100%
خرجت من عنده ماشي حبة حبة ماتعديت السرعة 70 وحسيت فرق عن قبل وتغييرات الجير صارت ناعمه وانا واقف لمن اغير نمر مافي نتعه مثل اول
والى الان الحمدالله تمام
,
عند 150000 كم بغير زيت مع فلتر باذن الله
بالنسبة لعلبة الزيت الزايدة رجعتها واخذت فلتر مكيف بدلها والحمدالله اني اخذته لان الاول كان معدوم ومتقطع



حبيت اشارك بهذا الموضوع لعل البعض يستفيد منه وشكرا

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع جميل جزاك الله خير 


up 1 down 0
fowad 123
قبل 5 سنه و 4 شهر



ياخويي القير حقك سي في تي
انا غيرت لسيارتي اكسنت 2013 
زيت كاسترول للقير مع الفلتر 
مو نفس الزيت حقك


up 2 down 3
الـتاجر الـكبير 726
قبل 5 سنه و 4 شهر



هلا اخوي التاجر الكبير
بالنسبة للقير cvt. جا في 2016 او 2015 على حسب معرفتي
وبالنسبة للزيت الوكالة يستخدمو كاسترول للمكينة والقير لكن حسب الكتالوج للمكينة shell hillex وانا اخر مرة غيرت منه
زيت القير الي رفعت صورته هو الاصلي تبع هيونداي روح لاي محل قطع غيار (موزع معتمد ) واساله

وشاكر لك تفاعلك مع الموضوع


up 2 down 0
adeeb.a.b 115
قبل 5 سنه و 4 شهر



نفس الزيت تبع الكيا ريو غيرته على ٨٠ الف وبدون فلتر فلتر الريو يجي داخلي ومايغير 


up 1 down 0
blakman 2
قبل 5 سنه و 4 شهر



يا أخوي القير عندك 4 نمر ولا 6؟


up 1 down 0
dell2012 1038
قبل 5 سنه و 4 شهر



اخوي dell2012
القير عندي 4 نمر


up 1 down 0
adeeb.a.b 115
قبل 5 سنه و 4 شهر



الاكسنت تاخذ 3.5 لتر مع الفلتر مو 4 
الزيت كل 40-60 الف كلم 
نوع الزيت sp iii تاخذه من شل او هيونداي او ميتسوبيشي .
الفلتر ضروري يتغير لانه ينسد انا غيرته على 56 الف و كان اسود . 

و الكرتير لازم ينفك عشان تنظف المغناطيس 
بدون فلتر من 2.75 الى 3 لتر  و طريقة فحص الزيت مذكورة بالكتالوج 



up 1 down 0
khalidoo 1167
قبل 5 سنه و 3 شهر



انا عندي اكسنت11القديم كل 40الف اغيره مع الفلتر 

واحط زيت ايس ديلكو. الاحمر والحمدلله ليومك ذا ماشيه زي اللوز والحين قربىت 
من ال200الف ماشاء الله 

بالنسبه لي اغير الفلتر افضل لانه يمسك الوسخ ويحتاج تبديل بالنسبه للموديلات الجديده الله اعلم 


up 1 down 0
سبحان الرازق سبحانه 2513
قبل 5 سنه و 3 شهر



شكرا للتوضيحات
والمرة الجاية بغير الزيت والفلتر


up 0 down 0
adeeb.a.b 115
قبل 5 سنه و 3 شهر



والله ماعاد درينا !!

اللي يقول بدون فلتر واللي يقول فيه فلتر !!
اللي يقول لازم تفك الكارتير وتنظف... واللي يقول فقط من الصره!!
المقصد ومافيه سدوا على كلام واحد الله يوفقكم 


up 1 down 0
عبدالله 711 791
قبل 5 سنه و 3 شهر



طيب إذا جيت بغير الزيت القير أخذ علبة وحدة ولا اربع علب


up 0 down 0
ziad 932
قبل 3 سنه و 5 شهر



يا شباب سلام عليكم الفتر بتاع القير داخل يا جماعة اذا تبغي تغير الفلتر لازم تفك الكارتير


up 0 down 0
مهند إيهاب
قبل 3 سنه و 5 شهر



لو كان الفلتر الداخلي يتغير .كان حطوا في الكتلوج الكلام هذا .


up 0 down 0
ابو سمير 3897
قبل 3 سنه و 4 شهر



السلام عليكم ،هل هو صحيح،يوجد فلتر في القير العايدي أم لا أفيدونا اللي عنده علم تكفون


up 0 down 0
محمد الفيفي ابوراكان
قبل 3 سنه و 3 شهر



شباب محتاج ورشه كويسه لقير اكسنت وهذا رقمي 0501777276


up 0 down 0
mohanad.90
قبل 2 سنه و 8 شهر



لوسمحتوا أفيدوني سيارتي أكسنت 2016 ماشيه 80 ألف تقريباً وأبي اغير الزيت مع الفلتر .. كم بالضبط تاخذ من علبه وشكراً


up 0 down 0
محمد الدسري
قبل 2 سنه و 5 شهر



انا عندي اكسنت ٢٠١٤ غيرت الزيت الجيربوكس مع الفلتر والامور ماشاء الله تمام ماشية السيغرة ٢٦٠ الف كم


up 0 down 0
essa turkistani
قبل سنه و 5 شهر



essa turkistani
ووين اشتغلتها الله يعاافيك


up 0 down 0
abufatma201
قبل 10 شهر و 2 أسبوع