ياجماعة سيارتي2014 مصدومه اوديها لشيخ المعارض والا وين
6
6
إضغط هنا للإخفاء
انا ياجماعة سيارتي هونداي سنتافي انصدمت من واحد مصري مركب اطفاله الثنين
كنت موقف سيارتي في محطة بنزين فيها صيانة هيونداي
المهم
السيارات واقفه طابور عشان الصيانة الدورية وانا معهم ملبق .. ودخلت البقالة
شوي اسمع صدمة سيارات..
تفاجأت بأكسنت مصدم 3 سيارات
طلع راعي الاكسنت مصري
صدم اللي قدامه على الصدام الخلفي
ثم انحرف وصدم سيارتي على الرفرف الأيسر الأمامي مع الكفر ، وانكسر العكس مدري المقص
يعني كنك تقول الكفر شوي ويطيح
ومن صدمة سيارة المصري على سيارتي .. سيارتي ضربت بالسيارة اللي جنب سيارتي
انا سنتافي (ضربة على الكفر صاير مايل بقوه مع طعجة الرفرف الأيسر الأمامي)
والأول اللي انصدم إلنترا (ضربة على الصدام الوسط وطعجه خفيفه بالشنطة)
والثالث اللي بعد سيارتي (سوناتا) حكه عالصدام
الصادم مصري مركب عياله سيارته اكسنت
يعني زي ما وصفت لكم
ان سيارتي تضررت اكثرر منهم ..
سألناه وشلون صدمت كذا
يقول "مش عارف..بس ما تقلق معايا تأمين شامل...!!" ..
ويظهر من تصرفاته انه كان مغمى عليه وصحى
او ماعرف ايش
وناس يقولون مخلي عياله يسوقون
والله ماندري وش العلم
الزبده ياعيال
انا سيارتي سنتافيه 2014
اقدرها عند من؟
عند تقديرات العاديين؟ < تعرفون هذولا يقدّرون بالرخص وانا سيارتي 2014
والا الوكالة
والا شيخ المعارض؟ < سمعت انه يقدر السيارات اللي تكلف
لأن نجم معطيني ورقة ثلاث خطوات
الخطوة الأولى (التقديرات)
الخطوة الثانية (اراجع التأمين)
الخطوة الثالثة (ورقة تصليح)
انفعوني يا مسلمين ماعندي الا هالسيارة
إبلاغ
الردود
لكن هل لاحظتم أن كل السيارات المصدومة من هيونداي و باقي الازيرا و التوسان و يكمل الطقم !!!
2
21
أول خطوه مكتب التقديرات مخرج 18
بيعاينوا السياره ويعطيك بيان بالقطع المطلوب تغييرها بالإضافه لشغل اليد
بعدها تروح على الوكالة تجيب تقدير للقطع
ثم ترجع للتقديرات تعتمدها وتختم الأوراق
ثم شركة التأمين
وبعد اعتماد التأمين تقدر تصلح بأى ورشه محترمه
3
4
لكن لو السيارة مكلفة يكتبون لك مكتب التقديرات ويختمها ويحولك لشيخ المعارض
انا موتري السوناتا كان موديلها 2006 وانصدمت في 2012 تقريباً خلفية رفارف وشنطة لما رحت لمكتب التقديرات قال هذي مكلفة لازم نحولك لشيخ المعارض يقدرها قبل وبعد الحادث والفرق خذيته انا
ونصيحة اخ كانك من سكان الرياض وحولوك لشيخ المعارض لا تروح للزيداني اللي في الشفاء ، رح للمالكي
بالتوفيق
3
3
2
3
الان السيارات المصدومة ... لو اراد اصحابها تصليحها تصليح وكالة
هل تامين المصري ..الشامل .. اي كانت الشركة
توافق على ذلك ... ام .... تصليح ورش فقط
يا ليت احد يجابوني .؟
1
3
لكن القطع حقك وكالة لكن التصليح ورش
2
3
الرجال يقول : السيارات واقفه طابور عشان الصيانة الدورية وانا معهم ملبق ..
لاحظ عند الصيانة يعني اكيد كل السيارات هيونداي ...
3
0
0
2
طبعا المبلغ تصليح + قطع اللي بيحسبونه مع بعض اذا طلع أقل أو أكثر بيتحدد وضعك
0
2
بالنسبه لسيارتك تقدر صدمتها في الورش طبعا القطع وكاله و التصليح في ورشه و اذا قررو الورش أنها تالف تروح لشيخ المعارض و التأمين يغطي قيمة التصليح او اذا كانت تالف و لا تنسى الفلوس اللي تدفعها للسطحه خذ عليها فواتير لأن التأمين يشملها و سلامتكم
0
2
اخوي يحق لك تطالب الوكالة بالتصليح, اقول لك كيف. انت معاك ورقة من نجم, صح؟؟ طيب تروح الله يسلمك تطلع التسعيرات من ثلاث
ورش و بعدين تاخذهم و تروح التأمين( تأمينك انت) و تسلمهم أوراق التسعيرات لموظف التأمين و ورقة نجم تخليها معاك للوكالة كتقرير تصليح
أول ما تخلص شغلك مع التأمين حمل سيارتك على سطحة اذا ما تقدر تسوقها و تروح على الوكالة تدخل السيارة هناك والله يعينك تنتظرهم
على زحمتهم.
اللي يقول لك تصليح الوكالة بس لموديل السنة اقول له , حبيبي اخوي سيارته فيلوستر 2013 انحكت وهي بمكانها و اخوي في دوامه
جا نجم و حط الخطأ 100% على الطرف الثاني واخوي ما عليه شي. دخلناها المجدوعي و قعدت شهر وأسبوع زيادة عندهم بسبب
الزحمة في السمكرة
0
3
شكرا يالقناص على التنبيه
1
0
من حوالي أسبوعين مطلعينها من المجدوعي خلصت و الحمد لله. والله يا شباب و من غير حلفان هذا اللي صار معي و قاعد انقل تجربتي
يمكن يستفيد أو انتوا تستفيدوا. اثنين ديسلايك الله يسامح و يهدي اللي عطوني الديسلايك. تاريخ حادث سيارة اخوي 3/2/2016 و دخلت
المجدوعي في 23/2/2016 و خرجت يوم 31/3/2016. يعني مو زمان, السنة هذي. التعاونية و كل شركات التأمين يأمنوا شامل بس
للسيارات اللي طافت 10 سنين أما اللي 5 سنين أو 2016. الرجال سيارته 2014 مو 2004 لو موديل 2004 ذيك الساعة ما يقدر يأمن
شامل بس يأمن تأمين اقل مثل سند بلس في التعاونية هذا التأمين بس اللي يصلح ورش عادية مو وكالة ولحد 10,000 ريال
كل الكلام اللي قلته عن سيارة اخوي و تصليحها والله عن تحربة و مو جايب الكلام من جيبي . وانتوا كيفكم مقتنعين في كلامي
اهلًا وسهلا مو مقتنعين عاد شسوي؟؟
1
3
اليس من المفترض انك تروح لتأمينه هو اللي مأمن عنده ، وبعدين لو بتروح لتأمينك ما راح يدفعونك نسبة تحمل ؟؟؟
جاوبني على ذا السؤالين
اصلن من بتدخل تأمينك بيزبد لك بيقول الخطأ على اللي صادم حسب التوضيح ليش انا اصلحه وش دخلني صح ولا لا ؟؟؟
وان كانه الخطأ عليك 100% بيقول بنخليك تدفع نسبة تحمل صح ولا لا ؟؟؟
انتظر افادتك
0
1
بيدفع قيمة تحمل أكيد, بس يوم ما سويت سيارة اخوي في الوكالة قايلين لي يا اما تروح تأمين الطرف الثاني أو تروح تأمينك انت.
انا رحت تأمين الطرف الثاني وهناك شفت شي ما عجبني, العالم فوق بعض و ماسكين طابور و زحمة و المقر عبارة عن شقة.
قلت حق نفسي وش لي بهالقلق؟ والله اركب سيارتي واروح التعاونية. التعاونية والله شي يشرح الصدر انتظار وارقام والله واجد أحسن
من ذيك الشركة. لا وشئ ثاني ما حبيته في الشركة الثانية انه يبغالهم شهر لين يردون عليك. بينما التعاونية ما خذوا عشرة أيام.
هذا كل اللي صار معي
بعدين يا اخوان وش فيكم زعلانين علي كأني قلت شي غلط. احنا الحمد لله مو كل يوم نسوي حوادث ربنا حامينا و كافينا شرها.
قاعد اقول كم اللي صاير معنا. أنا شكلي غلطان اشتركت في ذَا الموضوع.
0
0
اشطب كل تعليقاتي
1
0
ثانياً سيارتك موديل 2014 وحسب النظام ما تتصلح في الوكالة
التسعيرة تكون من ورش محترمة وشغلها ممتاز والقطع أصلي من الوكالة
وربنا يعوض عليك
قبل 8 سنه