يا اصحاب التشاليح ممكن خدمه

الوعد الحاير
بالنسبة للجنوط عندك شارع الريل تلقى الواحد على 80 ريال واذا كثرت 100

ومن نصيحتي لك لاتصلح شي دام الاوضاع سالكة




سو الاشياء المهمة فقط لان عندنا بالرياض مايحتاج لو انك سيد السواقين تطلع تلقى ياممخوش ولا مصدوم

الله يسعدكم على الرد اللي يمشي 200 ههههههههه

والله انا ما ودي اصلح فيها شيء ,, لأن اصلا مافيها شيء
بس عطاني اخوي 1500 وقالي انفض السياره وابي الدقه الخفيفه تروح

وبحسب خبرتكم يا اخوان .. السياره ماشيه 41 الف .. وكليت عليها اكثر من حفره
بس راسيه ولا فيها اي عيوب ,, بس احسها مهلهله

وش بالضبط اسويه حتى يرجع الموتر وكل الوكل
غير البواجي والفلاتر والفحمات ؟؟

بواجي فلتر بانزين تنظيف بخاخات جلد مقصات سير احتياطي اشتراك

اية صح وزيت قير مع فلترر

وخلاص امسك خط اوروبا وتوصل بالسلامة
ههههه

الله يبيض وجهك ولا هنت .. يحتاج الموتر تربيط او لا

2012 وماشيه 41 الف !! .. وين رحت انت هههههههههههه ماشاء الله
عقبال المليون يارب بدون مشاكل وخرابات ووجع راس

اخوي اذا انت بالرياض رح الحاير مثل ماقالوا الشباب يازينه من تشليح على كيفك وربي
انا من الشرقيه والله اذا عجزت في شي اروح الحاير عندكم . اذكر مره شريت قير بـ 600 ريال
وبالدمام لقيته بـ 2000 والله العظيم استغربت وشريته على طول ونظيف ومضمون وللحين يخدم بالسليييم

بالنسبه للقطع معليك دام الحاير موجود بتلقى الزين والرخيص وعلى فكره ترا الجنط الحديد رخيص
والصدامات بعد . توقعاتي كل القطع بحدود 600 - 800 ريال لان القطع حق النترا مو ذاك الغلا بالوكاله . موفق خير

تكفى ان حصلت باب للسواق لون بيج من التشليح لاتنساني :( واذا عرفت كم قيمة الصدام من التشليح عطني خبر شكرآ عزيزي 

اخوي شكلين مآبحكي ياقدمك اللحين صارت غاليه انا مسعر باب النترا 2013 جرم فقط بـ1420وبرا الوكاله بـ720

والله السياره صار لها معي سنه كامله ,, وانا اشوف ما مشت شيء للحين ههههههههه

وبالنسبه للتشاليح ,, نصهم يجيك رخيص ونصهم اغلى من الوكاله ^_^

الالنتراوي والله ماتوقعت ماكنت ادري اعتذر منكم
على بالي رخيصه وربي .. الله يالدنيا الاسعار كل فتره تزيد وياقلب لاتحزن

شكلين مابحكي

قطع هيونداي ممكن تكون ارخص من الشركات الاخرى لكن تٌعتبر غاليه الصرااحه باب جرم فقط بدون شيء بـ1420 ليش طيب !!

ما بنكسر صابر الحين الموتر 2012 وتقول نظف بخاخات هههههههههههههههههه الله يهديك بس الموتر جديد وش ينظف هههههه

الموتر وده للعضيب طول الله عمرك وقول لهم شيكو عليه من تحت وشنو يحتاج وهم بيعلمونك وش يحتاج تصليحه وباذن الله ما راح تندم انك صلحت عندهم حتى عندهم ترصيص ارضي ممتاز يخلي موترك سيده 

وبالنسبه للتغير حاول تدورنفس لون موترك وركب لانه حرام ترش شيء والموتر جدد وصدقني بتلقى في الحاير نفس موديل موترك وبتلقى رفرف وصدام ونفس اللون بعد

وموفق خير يارب 

الله يطول بعمرك ,, ولا هنت يالامير .. واكيد رح امر التشاليح ان شاء الله واقضيها

الاخ : / كامري قراندي 99 ممكن اللون وحالة البودي ههههههههههه
عفوا مجرد تغيير جو جل من لا ينسى
عذراً
عـــــــــذراً

ابشرك بايعها من زمان وهاللقب من سنتين وهو عندي هههههههههه لونها لؤلؤي فل كامل 

وعادي اخوي اخذ راحتك يا مابنكسر صابر