أضف سؤال أو موضوع جديد          

هل هذي هي عيوب الجنسس

up 5 down 1
ابو مالي١١ 13
قبل 3 سنه و 7 شهر



السلام عليكم




اخواني انا حاب اشتري جنسس 2016 ستاندر 6 سلندر








لاكن حاب استفسر عن كم حاجه




اولاً خل صحيح انه الجنسس كفراتها من الوكاله فيها عيب وتحتاج تغيره الاربع كفرات اول ما تطلع السياره




ثانياً انا سمعت اذا السياراه جتها مويه من تحت وقت الامطار يخرب القير هل هذا صحيح ام لا




ويا ليت تفيدوني بالمعلومات عن السياراه وعيوبها ومميزاتها




وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله للحق كنت ناوي ع الموتر ودخلت لهم قروب بالواتس كل مده واحد يشتكي من مشكله جديده بذات موديلات15 و16
صراحه اشوف خساره اموال ومماطله وكاله غيرت رأي وقلت بشتريلي لكزس  لو مستعمل ارحملي من هالمشاكل للاسف
موتر جميل جدا لكن مشاكل تافهة ومماطله وكاله تخليك تبعد عنه


up 9 down 2
محمد حمدان هلال 17
قبل 3 سنه و 7 شهر



ابشرك ماتدخل قروب ملاك سيارة مثل سيارتك الا كلهم يشتكون ويكرهونك في نفسك والله لو معك ددسن 80 ولقيت قروب كلهم بيذمونه بغض النظر عن الجنسس فيها اعطال او لا بس اشوفها موتر لايعلى عليه 


up 3 down 3
بريق الرياض 259
قبل 3 سنه و 7 شهر



اتوقع ان العيب حق الكفرات من نفس السيارة والله اعلم لان دايم الي تضرب الكفرات الخلفيه، 
لان لو من الكفرات كان حتى الي قدام تضرب 


up 3 down 0
فلان الفلاني 508 433
قبل 3 سنه و 7 شهر



مشكله الكفرااات موب عيب مصنعي ي مسلمين
 ولها حلين 

الأول هوو انك تروح للوكاله وتقولهم غيرولي الجنوط الى الجنوط الـ18 ببلاش ما تدفع ريال

الثاني انك تغير مقاس الكفر الى مقاس اكبر من مقاس الوكاله من نوع هانكوك او قودير او الشركات الأخرى الممتازه
 والسبب ان كفرات الوكاله دنلوب نحيفه مره وحساسه جدا وما تتحمل شوارعنا الكويسه 

وللعلم انا ما اجيب كلام من راسي انا اكلمك من تجربه 


up 4 down 3
abo hamad99 11
قبل 3 سنه و 7 شهر



انا شفت جينسس 2016 بجنط 18 وشكلها جامد وكالة الموتر توه مطلعه شكله راعيه ماشاء الله تبارك الله وسألت خويي في الوعلان يشتغل يقول اظاهر هذي 2016 نزل عليها جنط 18 وشكله خورافي



انا رايي ان حصلت هذا الجنط خذه افضل لعدة اسباب :

1- ان طقم الكفرات بيكون عليك اقل من 19
2- ان شوارعنا ابوكلب ولا الموتر مافيه شي ، يعني بيتراضخ به لين تقول بس ، ف 18 بيكون انسب لك واريح لك



والموتر مايحتاج نحكي المعروف لا يعرف الجينسس مهيب امس ولا قبله توها طالعة ولا شركة هونداي توهم مصنعين


وسالفت المويه اللي لاجت على القير يخرب ، انا بسألك انت تشوفه كلام منطقي ؟؟؟ انتظر اجابتك



شف كل سلعة سواء سيارة او الخ ... تسوي ضجه وشكلها مبهر وتلفت الناس مثل الجينسس بسعرها طبعاً ولا فيه منهو افضل منها بس اغلى منها ، لازم يكون لها ناس حاقدين وناس تخاف من التجربة ف يسرد لك سرد عيوب والمشكلة ماتدخل المخ


يعني سالفة الكفرات اوكي اشتكوا منها احد ملاك جينسس لكن البلا في كفر وش دخل الموتر تذمه بكبره وتحطه مايسوى ريال ، والمشكلة والله نفس هالاشخاص هذولي لو تعطيه الموتر شهر يداوم عليه ويعرف وش فيه مافيه ويجرب لعدة حالات على سرعات عالية ويشوف الرساوة والعزل ومتعت القيادة ، تغير كلامه بس بيقول لك اخاف ماتصبر اخاف مهيب عملية


ولو جيته عقب خمس سنين وتقول شف الموتر ماشاء الله معي من احسن مايكون


وبعدين يخوي لا تخاف الموتر عليه ضمان خمس سنين مفتوح الكيلوات وصيانة مجانية الى 100 الف وهونداي مهيب لهدرجة غبية بتحط هالضمان وهي مهيب واثقة في متانت سيارتها ، اترك اللي يبربر واسال المجرب والمالك لها هو الحكم


انا جربتها بصراحة الموتر ماعليه كلام ، يعني ماشاء الله تبارك الله رساوة عزل هدوء فخامة داخلية وفوق كذا مع خويي مهب فلان وعلان ويوم عن يوم جالس يكبر فيه عينه الموتر هذا دليل انه ولله الحمد مقتنع 100%


تحياتي لك


up 1 down 1
a.ibrahem 3102
قبل 3 سنه و 7 شهر



عاد السؤال الثاني لو تقوله للمختصين راح ينتحرون :)

اذا قلت المكينه صحيح تقريبا لان احتمال يدخل من الفلتر مويه و يعدم المكينه 


up 2 down 0
sehly11 644
قبل 3 سنه و 7 شهر



لو جت على الشارع كان كفرات السيارات كلها تفجرت لكن العيب من نفس السياره و نوعيه الكفر حقهم
البدائل متوفره اكثر ،،، الكوري ما يندفع فيه اكثر من ١٠٠ الف ريال  و هونداي بالاخير 


up 4 down 5
فورد taurus 23
قبل 3 سنه و 7 شهر



صراحه كان نفسي فيه لكن سألت كثير من ملاكها بدايه شراء الموتر ينعمون من مواصفاته بعدين تجيهم الخرابات والقطع الغاليه
يعني مع احترامي ومن غير انحياز لكن موتر كوري قطعه اغلى من لكزس وينافس بقطعه التشارجر والانفتني وييييين
لو قطعها رخيصه قلنا قدام لاكن اغلب الي يشترونها يحسبون قطعها رخيصه او معقوله زي السوانات تقريبا لكن كلها خطط
لربح الشركه والجينسيس مافي ورش تعرفلها ولو فيه تنعد ع الاصابع ومحركاتهم وقيورهم معقده ما يعرفلها غير وكاله
والي اسعارهن ما ترحم اللكزس لو على قولتكم كامري فخمه اهم شي ما تتعبني 5سنوات قدام وموتر ما كمل سنتين
خرابات بانوراما وجنوط ووكاله ساحبه على زباينها والكلام انها سياره vip والاوليه بالصيانه تجي بدون موعد
كلها كلام فاضي واسألو اغلب ملاكها 
والحين بعضكم بيقول كلام من كيسي انا داخل بقروب واتس لهم اعضاءهم حول ال80 وما اسمع غير شكاوي من الموتر
والوكاله لاني كرهت الموتر بنفسي وادري طولت لكن واجب على كمسلم احذر غيري 


up 1 down 0
محمد حمدان هلال 17
قبل 3 سنه و 7 شهر



ودي ارد علييك بس
كلامك فييه محله ^^^^^


up 0 down 0
ابــــو ســـلــــط. 186
قبل 3 سنه و 6 شهر



خذلك سوناتا فل كامل 17وربي فخمه وقطع غيارها رخيص 


up 0 down 0
ابوالليللل
قبل 2 سنه و 9 شهر



شكل وفخامه وكل شيء 


up 0 down 0
ابوالليللل
قبل 2 سنه و 9 شهر



هونداي لا تاخذ منهم غير سوناتا والنترا واكسنت بس 


up 0 down 0
ابوالليللل
قبل 2 سنه و 9 شهر



انا معاي جنسس 2015 
اقسم بالله اول ماطلعتها من الوكاله ضرب علي الفيز الكبير. وغيرته 
وبعدها خربت عليه فتحت السقف ماتقفل. والحين خرب علي مرتبة السايق ماترفع  وطلع بالموتر رجه وشيكت ع الكفرات الخلفيه وحصلتها متصلخه مدري وش منه على اني مركب كفرات اكبر من حقة الوكاله 
والله اني ندمت يوم شريتها. نصيحه اللي يبي يشتري موتر. تويوتا ولا لكزس وبسسسس 
وعلى ماقوله شهيد 


up 0 down 0
ساهر056
قبل 2 سنه و 7 شهر



كلامك سليم من ناحية الخرابات تطلع من غير سابق إنذار هيا السيارة حلوة بس لو تفكر فيها خراباتها كل فتره تطلع بشي والقهر المماطلة من الشركه بالنسبه للناغي وإذا فكروا يعطوك سياره بديله تحس انهم يذلوك من ناحيه الأيجار كيلووات محدده طيب واللي ساكن بعيد واللي دوامه خارج الصيانه بحدود 500 كيلو هذا فرع الناغي جدة وربي يشهد ع كلامي والضمان اختلف يا اخوان انا سيارتي 2014 باقي لهاع الضمان وربي ما احركها إلا نادرا مرة ريحه بنزين ومرة تطفي تحرك اصباع البطاريه ترجع الكهرباء ومجماعه الانوار ترمش والآن صوت المرايه اليمين طقطقه مع العلم ماشيه الآن قريب 30 الف لسه باقي ماوصلتها هذا من غير ماتدخلها الصيانه تلاقي حكه ولا ضربه من غير والله العظيم هذا اللي حصل معي انا واعتذر منكم يا اخوان


up 0 down 0
khalil-4455055
قبل 2 سنه و 6 شهر



طيب شباب ويش رايكم بعدانفصال الجينسس عن الهيونداي هل رايح تمون في خرابات وخاصة بعد
تغيير المسميات جي 80 جي 70 جي 80 الرياضية القادمة يقولون وحنا تعبنا من يقولون ان جميع المحركات من2017 والجودة راح تختلف خاصة الرويالفل كامل
الملكة جي 90 كل المواصفات فيها ويش رايكم فيها انا ناوي عليها ابغى النصيحة وشكرااا شباب



up 0 down 0
الحكيم 7777
قبل 2 سنه و 6 شهر



اولاً: كل سيارات فيها عيوب اذا الانسان فيه عيوب ماتبي السيارة فيها عيوب .
ثانياً: الجنسس موتر لا يعلى عليها وفخامه ورساوه وموتر يستاهل القيمة
ثالثاً: الشركة مو غبية لجل تخرب على نفسها لجل مصالحها وتخسر زبائنها
رابعاً: الناس وانا خوك الواحد منهم اذا كرهه الموتر عيب فيه وهو ماخذها بقساط وبكل ملعنه وفي الاخير يكرهها
خامساً: اللكفرات تقدر تركب جديد على نفس الجنط و المويه لي تدخل من تحت هذه كذبه لانه يوجد صاجه الشركة مو غبيه لجل تخسر سيارات وزباين
تحياتي لك


up 0 down 0
مغرد هلالي
قبل 2 سنه و 4 شهر