افيدوني بالازيرا

الازيرا حلوة بس قطعها غالية انتبه وبنزين صرف غير طبيعي
نصيحه مجرب خذلك النترا 2016 فل كامل الشكل القديم خذها على يدك جديده وان شاء الله ماراح تندم ونصيحه لاتاخذ مستعمل نصيحه نصيحه

كم ميزانيتك

500 كيلو يوميا والا اسبوعيا؟

اذا تقدر تاخذ توروس افضل في الخطوط والكد من الازيرا 

ابعد عنها نصيحه مجرب 2012 اول ما طلعت خذلك ياباني ولا امريكي اهم شي جودة

في نظري تاخذ افالون او لكزس es350 من موديل 8 وفوق اشوفها افضل من الازيرا وتخدم معك

دامك طالب لاتاخذ مستعمل ابدا لانك ماتضمنه خذ جديد يمشيك سنتين قدام بدون صيانه ولاتغيير قطع ولاشي بس بنزين وزيت 

خويي معه ازيرا 2014 لها سنتين ونصف وعليها وماشية فوق 300 الف 
موتر ماعليه كلام من ناحية الكرف

اخوي منير مع احترامي لك الرجال راعي خطوط وصعبه ياخذ ألنترا ؟ فرق كبييييير بالعزل والرساوة والراحه لصالح الازيرا 

انا معي 2014 واعبيها فل بنزين ٩١ ب ٤٥ ريال واوصل الدمام بعد مسافه ٤٠٠ كيلو وباقي نص التانكي ولله الحمد 

موتر يمشيك بالخط مابين ٦٥٠ الى ٨٠٠ كيلو ب ٤٥ ريال وين الصرفيه بالله ؟ 

قطع غيارها اذا تبي اصلي عندك منيف النهدي موزع معتمد .. الفحمات الاماميه ب 250 ريال يعني ارخص من فحمات الكامري 

الكوري ب ١٥٠ .. الوكاله يبيعونها بفرق بسيط مابين ٢٧٥ الى ٣٢٠ 

انصحك بفئات النص فل وتراها كثيرة  .. اعلى فئة بالنص هي اللي معي جنوط ١٩ وشاشه وستاير وجلد جملي وبصمه .. الفل تجيك بريك الكتروني وبعض الاحيان رادار  

الازيرا خيار رائع جدا عملية وفخمة وراسية  لكنها الاضعف بفئتها لكن كعزم فهي افضل من سيارات ال4سلندر

ابو هيثم

انا اخذت سياره ولد عمي ازيرا 2015

وعبيتها فل من المحطه الي بعد جسر البحرين 

ودزيت ع الرياض... التانكي يالله جملني الين جنوب الرياض مخرج 20... لمبه البنزين شغاله من اول ما دخلت خريص

اصلا حتى ماخذه سيء في تقيم الوقود

والله حسب سواقتك وانا اخوك 

اذا انت تمشي ٢٠٠ وكل شوي تدعس للموتر لاتلومه لو صفر البنزين قبل الرياض بعد

اما عن نفسي افلل الموتر واطلع من الدمام واوصل الدائري الشمالي مخرج 5 والموتر فيه نص التانكي

لكن اثبت السرعه على ١٦٠ .. وموتري ٦ سلندر واسبوعيا على هالحال مب مرة او مرتين ياله لك الحمد

اخوي الاسلامي 500 كيلو ف الاسبوع 

ي شباب م تفرق معي صرفيه البنزين اصلا معي كابرس ومتعود ع دفع البنزين بس يا شباب انا اسألكم عن أداء الموتر واللي يقول خذ 
تورس او لكزس يا شباب مشكور على النصيحه بس الواحد ياخذ اللي يحبه وتراني بطلعها اقساط 
واللي يقول آخذ النترا مع احترامي له وللسياره لانها مو راسيه ع الخط كويس وبعدين الكمبروسر حقها يضرب بسرعه 
مع اكثر العيال طلعوها اصفار وضرب عليهم 
بس ابي افادتكم بالازيرا تكفون تنصحوني اطلع واتوكل على الله

من وجه نظري 

الازرا سقتها مره وحده من الدمام للرياض...وكنت لحالي وبدون عفش

السياره رساوتها طيبه لكن توقعت انها افضل من كذا 


اذا مريت من جنب شاحنة تلعب ع خفيف

عزمها بالنسبه لي ماهو مرضي خصوصا ع 6 سلندر...


عموما انت بتاهذ اقساط... خذ لك سياره السعر مقابل المواصفات ومقدار الدفعه الاولى والقسط الشهري...


مازدا 6 سعرها 66 الف كاش... اقساط تطلع ب 92 الف... 

دفعه اولى 4000 ريال مع الرسوم الاداريه
16 الف دفعه اخير

قسط شهري 1150 ريال.. مدتها 60 شهر

الحسبه خذي ع شخص راتبه 3500 ريال...

كان معي 2014 ممتازه جدا
تفصل على 255 التسارع وسط
شرب البنزين تدوس او تقاوم تشوف عداد البنزين يطير خط
تمشي ؤوقان او وسط ممتازه ولاتصرف
المكيف وقت الوقوف فيها كلتش الكتروني يفصل لكن اذا مشيت تبرد تمام التمام
العزل مانبيب راعي سرعه دايما لكن 160 والصوت هادئ ووصلت 255 ولازالت ممتازه اذكر كان معي كامري مشيت 190 انواع صوت الهواء تشهدت بذيك اللحظه
قطع الغيار نار نار خصوصا البودي
والانوار
بالنسبة للبانوراما كل فترة 6 شهور اشحم الفتحة ولاقد شكيت من الاصوات اما تفتحها على سرعات عالية او توقفها بالشمس يمكن مااقول متاكد تطقطق لاني اسمع ناس تشكي منم السوناتا لكن الازيرا ماقد سمعت

لو يرجع بي الوقت شريتها لكن صراحة مامثل الجيوب وكرهت السيدان والصغار من الحفر ومن سواقة الرياض وووووو

اخوي خالد طيب ك سياره كرف وكذا تستحمل وخراباتها قليله ولا كثير 

معي 2013 فل الناغي اخذتها قبل سنه ونص مستخدمه ولله الحمد من يومها الى الحين ما غير فيها شي ماشيه ميه الف وشوي تبي نصيحتي خذها بس خذ الفل ا لي تجي في الديكور لمبات خافته تحسسك بفخامه