شريت اكسنت 2016

5 7

لايمكنك التصويت حتى الحصول على 20 نقطة على الأقل
إضغط هنا للإخفاء

aboahmed2014 1167
قبل 8 سنه و 7 شهر

الســلام عليكم

كيفكـم يالربع 


بعد معاناة طويله بالمعارض وصالة التوزيع واسعارهم الخرافيه في موديل 2016 

شريت اكسنت نص فل 2016 قير سيفي 

وكان في نوعين النوع الاول 

من الوعلان ويجي درج بالنص وتحكم بالمسجل من الطارة 

والنوع الثاني المجدوعي تجي تكاية بنفس مقعد السائق وحساسات 

وبالنسبة للقيمه تختلف من معرض الى موزع 

توصل لي 40 بدون لوحات واستمارة 

وقدرت اشتريها بـ39.000 شامل لوحات وتامين واستمارة 

صحيح في بعضهم على 38.000 الف ولكن تامينهم مايكل عيش 


انطباعي عن السيارة 

صغيرة واقتصادية بالبنزين مع توفر برنامج ECO 
 
توفر نظام ABS 

مع ايرباق واحد فقط وهذا اللي غبني 

قير CV  وهذا اللي حببني فيها لان عندي بالاول التيما ومريحيني القير هذا 


شريت من الموزع الخاص بالوعلان تجي درج بالنص وتحكم مسجل بالطاره 

داخليتها واسعه بخلاف الياريس 

مقاعدها مريحه 

واستجابتها لدعسة برضوا لاغبار عليه بحكم ان مكينتها 1.4 

الشنطة الخلفيه كبيرة مرره 


نجي لسلبيات 

العزل الصوتي الارضي للاكسنت ولابريال ههههههههه وعطيها 4/10
في الخط السريع لازم تمسك الطاره بمجرد توخر يدك عنها تروح يمين وشمال 
وهذه الشغله مرره اتعبتني ولاعمرها صارت لي بسيارتي القديمه بالعكس افك يدي عن الطاره وتبقى ثابته

اضافة طارتها خفيفه مررره تحت الـ80 بس اذا تعديت 80 تثقل



سؤالي البنزين 95 هـل مناسب لها او لا 

علماً اني اسمع صوت تك تك تك على خفيف والسيارة واقفه 

سؤالي الثاني امبير الضغط يطلع وينزل على خفيف والمكيف شغال اقل درجه وامس طفت علي هههههه 

مع ان ماطفت مره ثانيه وهل حد حصل معه هشئ 


السؤال الاخير 

بالنسبة لتغير الزيت 

انا قالوا لي على 5000 وديها اماكن صيانة هونداي وفي قريب مني بس هل ياخذون فلوس عليها ولا مجانيه 

وطبعا انا بسحب على الوكاله بعد 5000 

وش الزيت المناسب 

وهل بترومين مضمونه 

إبلاغ

الردود