بخصوص التفتفه في الاكسنت

بالنسبة لضغط المكينة فطبيعي مع الكمبروسر وضعف المكينة لابد ينزل ويطلع أما التفتفه اللي تجي وتروح فهذي قد صارت معي في فورد 2010 والحين يوكن 2013 تجي ثواني وخاصة وقت التحمية وتروح لا تدقق ما دام تروح ما احد يقدر يفتيك فيها 

هيا مو تفتفه يعني زي الفوردت اذا دعست بنزين لا 
يعني تقول السياره بتطفى وترحع تقوم وزي كذا ....

تعديل : وترجع ****

التفتفه غالبا من ٣ اشباء 

١- بوابة الهواء ( الثروتل ) 
٢- صفاية البنزين 
٣- البخاخات 

ابدا اول شيى بتنظيف الثروتل بأي ورشه ب ٥٠ ريال 

ثم اضف منظف البخاخات بالتانكي حق ميتسوبيشي ب ٣٣ ريال من قطع غيار ميتسوبيشي 

و بتختفي عندك التفتفه بأذن الله اذ ما اختفت فالمشكله من صفاية البنزين 

اشباء = اشياء 

* اذ نظفت الثروتل لاتفصل سلك الحساس حق الدعسه عشان ما تختلف برمجة الدعسه 

عفوا 

برضو شيك على فلتر الهواء ( تراه مهم جدا و من اهم اسباب التفتفه ) 
و شيك على البواجي 

بأذن الله راح تختفي المشكله معك تمام ، بالتوفيق 

مره جات في اكسنت 16 جديدة زيرو والمشكله كانت مع المكيف بس يجلس عداد الضغط ينزل الين شوي وتطفي وينط فوق ويرجع ينزل المهم سوولها برمجه واختفت تماما 

اذا ما غيرت فلتر الهواء, هذا اللي يصير, لو غيرته متأخر تستمر المشكلة, الحين لازم تنظف الثروتل وتغير حساس الهواء لان بعد فتره السيارة تطفي ولا راح تشتغل, وكل ما تدق سلف تشتغل ثواني وتطفي, تخليك تشك انها طرمبة بنزين, كل اللي تحتاجة فلتر هواء اصلي او من شركة k&n > وتنظيف ثروتل و تغير حساس الهواء قيمته تقريبا 100 -130 ريال.

كانت عندي نفس اللي عندك بالضبط وموديلها ٢٠١٤ وديتها ميكانيكي سوا لي تصفيه للمكينه ب١٣٠ ريال وضبطت

كيف يعني تصفية المكينه ....

التصفيه تعني او تشمل

تغيير بواجي ، تغيير فلتر هواء ، تنظيف بخاخات ، تنظيف ثروتل ، تغيير صفاية البنزين ، سيفون و زيت للمكينه 

يمكن تفاجئكم اجابتي لكنها من تجربة ! 
2 من اخوياي عندهم اكسنت وفيها نفس المشكلة اللي ذكرها صاحب الموضوع 
واحد عباه 3 مررات متتالية بنزين 95 .. يعني يعبي فل ويستخدمها لين تفضى ويكررها 3 مررات وانحلت المشكلة معاه مباشرة .
الثاني سوى برمجة وغير بواجي وما نفع معاه .. وجررب وهو يائس يعبي 95 وضبطت معاه ! 

التفسير المنطقي لهذا الحل من وجهة نظري ان البنزين 95 نسبة احتراقه اعلى من 91 ، فبالتالي المكينة م تعطش للبنزين وهي واقفة لان البنزين يحترق بشكل فعال 
هذا والله اعلم ودايم اقول لا تسوي شيء الا اذا اقتنعت فيه .

^ نفس الشي صار معاي

السلام عليكم ،،أنا صارت معي نفس المشكله سويت أول صيانه في الوكاله ل 5000كيلو وطلعت ع السياره خميس مشيط وكنت واقفه والمكيف شغال طلع لي الأمبير حق الضغط ينزل ويطلع ،،قلت أكيد الوكاله سوو فيها مشكله يوم وديتها لصيانه وبعدين رجعت الديره جلست فتره أختفى الخلل،،بعدين فتحت فلتر المكيف ونظفته قلت بشوف والحمدالله زبطة معي

السلام عليكم ورحمة الله وبركاته اخواني بعد عناء طويل ومشقه وخسارة ١٢٠٠ ريال تغيير قطع وجدة الحل النهائي لتقطيع المكينة او التفتفه او ارتجاج ار بي ام
الزبده لاحد يلعب عليك ولا شي وتخسر فلوس بودن فايده اول شي غير شخال الزيت داخل الكارتير وغير حساس بلف الزيت اللي هو حساس التيمن وريح بالك بتلاقي زيت مثل الشحم اسود في الحساس والشخال كلها ماتكلف شي الحساس ب١٤٠ والشخال ب٤٠ وفلتر زيت ب١٥ وثلاث علب زيت ونص ب٧٠
وبعد ماتسوي الخطوات تمام ويضبط معاك الموتر تدعولي ان الله ييسر امري وامر جميع المسلمين

يالربع عندي اكسنت 2013 فيها النزول والطلوع ب ال ار بي ام هذا وسويت تنظيف وكل شي ماراح اذا وقفت يطفي الكمبرسر حق المكيف وذا مشيت ميه بالميه وش الحل تكفووووون

لو ال ار بي ام ينزل ويطلع نظف اوغير حساس الهوا وبتظبط معك