أضف سؤال أو موضوع جديد          

حل مشكلة الطارة لهونداي النترا

up 13 down 4
عربة للسيارات 1664
قبل 4 سنه و 7 شهر



السلام عليكم ورحمة الله وبركاته 

اسعد الله اوقاتكم بكل خير

فيه مشكلة حيرت كثير من الميكانيكين وملاك الإلنترا 

زميل لي اشترا هونداي النترا جديد على يده بسنتها موديل 2013 المهم استخدمها حتى مشت معاه حدود ال40 الى 50 الف كيلو وبدأت معاه مشكلة الطارة ( الدركسون) صوت طقة واضحة ومزعجة جدا بجميع الاتجاهات يمين ويسار سواء ماشي او واقف وحصل معاه شتفه يلف يمين او يسار وهو ماشي الطارة ماترجع لوحدها تحتاج ترجعها بيدك وهذي الحركة خطيرة وممكن تقلبك لا سمح الله 

المهم خوينا قرر يصلحها ومافي ورشة وسباك مامر عليهم اعطوه مشاكل كثير الي يقول دينمو الطارة ولي يقول الصليب والي يقول دودة ... في الاخير استسلم وغير عامود الطارة السفلي وكلفه بحدود ال1800 ريال تقريبا بورشة اسمها مايز عساه مايتميز جالس يتعلم على سيارات الخلق وبعد كم يوم الصوت نفسه واسوء من قبل وخوينا رجع السيارة للميكانيكي ورجع له القطعه القديمة ورد شغل يده الفني بدون مايتناقش يبغى يفتك عرف انها مشكلة عويصة وفي الحقيقة هي خلل فني مقصود من المصنع عشان تغير العامود العلوي كامل 

المهم فيه شخص دلنا جزاه الله خير عن العلة وهي جلدة صغيرة ولينة تجي بنفس العامود وتحل المشكلة من الى ..

رحنا اشترينا القطعه من الوكالة بحدود 10 ريال وشغل يد فورشة ممتازة ب800 ريال ولازم الي بيشتغل عليها يكون فاهم المشكلة من قبل لأن ممكن يدق حساس الايرباق وينفتح بوجهه ويخرب الشغل 

ابرفق صورة القطعه الجلدية واسمها بالانجليزي كوبلنق يعني قطعه تسيطر على قطعتين وتكون بالنص بينهم 

حاول تبحث عن القطعه مضبوط لأن الظاهر منعو بيعها لتضطر تاخذ عامود كامل 

الي حصله نفس المشكلة وحلها بطرق اخرى او لديه اضافات ياليت يفيد الاعضاء 

( ملاحظة لو تركت المشكلة راح يتلف عندك دينمو الطارة يعني ضروي تتغيير )

دعواتكم لي بالتوفيق والله يسهل امرنا وامركم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مجهود جبار اشكرك واخيرا انحل هذا اللغز تستاهل لايك +١


up 2 down 0
benz lover -83
قبل 4 سنه و 7 شهر



بيض الله وجهك .. والله انك صادق عن تجربه ..

اخوي معاه النترا 15 جته نفس الأصوات الي ذكرتها ووداها الوكاله على الضمان وغيروا المجموعة السفليه كامله مع العمود العلوي كامل ... 

ولكن خربوا حساس الأيرباق ههههههههههههه نفس ما ذكرت بالضبط في موضوعك وطلبوا الحساس وبعد اسبوع رجع لكم وركبوه على حسابهم 

شكرا اخوي ,,,,, 


up 3 down 0
الـقـنـاص 1210
قبل 4 سنه و 7 شهر



شكرا لك وفعلا عندي مشكلة الطقطقه ذي لها حول 4سنوات انا 
سيارتي النترا 2009 ولاكن تراها ماتضر لو سحبة عليها بس مزعجه
لاكن تعود عليها لك لايك


up 2 down 0
خالد ___الرياص 1331
قبل 4 سنه و 7 شهر



الله يعطيكم العافية 

نسيت اكتب ملاحظة في حال تركت المشكلة راح ينعدم دينمو الطارة وتتآكل جميع جلد العامود بسبب الجلدة الصغيرة وتم اضافة الملاحظة بالاعلان


up 1 down 1
عربة للسيارات 1664
قبل 4 سنه و 7 شهر



جزاك الله خير. فعلن كلامك صحيح. 

وحصلت مع خويي وسيارته  النترا 2013

نقس سيارت خويك.  وبعد خساير. طلعت من نفس القطعه 

الي غير خويك. وتوه غيرها قبل اربعه ايام تقريباً 

وجزاك الله الف خير وكثر الله من امثالك 

والله ييسر امرك ويفرج همك وهم كل من يقرا

تعليقي 


up 2 down 0
سبحان الرازق سبحانه 2511
قبل 4 سنه و 7 شهر



جزاك الله وسبق واحد نزل موضوع عن هاالمشكله 
ولاكن السوال قطعة بعشرة ريال تركيبه 800 ريال
تستغرب من حركات هاالشركات 
هم اصلا ليه يخلون الطارة كهرب خلوها زي اول احسن
عندك الهايلوكس اشغلت العالم بدودة الدركسون
ركب اصلاح اخرط عامود الخ
اول مافيها هاالمشكله
وباالتوفيق


up 3 down 0
باترول 2020 2624
قبل 4 سنه و 7 شهر



جزاك الله خير والله يوفقك 
موضوع مميز ومفيد مثل راعيه 
+1


up 2 down 0
عبدالله 711 791
قبل 4 سنه و 7 شهر



اشكر مروركم الجميل والله يسعدكم يارب

+ لايك 


up 1 down 0
عربة للسيارات 1664
قبل 4 سنه و 7 شهر



الحمدالله ماطلعت لي هالمشكله للحين مع انه سيارتي ماشيه 286 الف ماشاءالله 


up 1 down 0
haas 20
قبل 4 سنه و 7 شهر



عندي نفس الصوت وسيارتي صناعتها 2014 شهر 1 January وفي الاستمارة 2015 وشكرا 


up 0 down 0
anosi 1357
قبل 4 سنه و 6 شهر



الي عنده مكان الورشة الي صلح فيها يتواصل معي انا من جدة 0557726404 أو ايميل alsowydy@hotmail.com  الله يجزاكم خير


up 0 down 0
سويدي -2
قبل 4 سنه و 5 شهر



انا عندي اللنترا 2013 وغيرتها  كلفتني  القطعه مع شغل اليد  250 ريال والحمدلله نجحت بالفحص الدوري


up 0 down 0
ajml7b
قبل سنه و 7 شهر



سويتها عند واحد في الرياض حي النسيم صناعية الفواز يمني اسمه ابو سعيد كهربائي وحق مكيفات ورجال كويس الي يروح له يقوله من طرف عادل  وهذا رقمة 
 ‭050 276 2651‬


up 0 down 0
ajml7b
قبل سنه و 7 شهر



ترى القطعه قيمتها بالوعلان 5 ريال


up 0 down 0
ajml7b
قبل سنه و 7 شهر