هل البواجي و فلتر الهواء تسبب زيادة في صرفية البانزين ؟

ياشباب  كيف طريقة ارفاق الصور  في المنتدى حاولة لاكن دون فائدة

نعم.......
.....

اكيد .......................... وماقلت انت باي بلد الله يرجعك سالم

انا ما ذبح صدري الا ها المتفلسفين اللي ماعند امهم سالفه وتلقى الواحد منهم ماعمره قد فك مسمار في السياره ومسوي خبير الخبراء وافقه العلماء في السيارات واضف على ذلك ملاعين الجدف اهل الورش اللي الواحد منهم ماعمره ساق سياره في دولته وعندك هنا مسوي ميكانيكي وانا مستعد أدفع الف ريال 1000 ريال اذا فيه أحد في المنتدى يقدر يطلع لي ميكانيكي من اجنبي من اهل الورش اللي في الصناعيه في اي مدينه في المملكه عنده شهاده معتمده من معهد او مدرسه في أختصاص الميكانيكا كلهم عليميه واذ ا فيهم واحد مسوي فيها عنده شهاده ادفع 10000 ريال عشره الاف ريال اذا ماهي مزوره
الى متى هذا الاستفغال والاستغلال والعالم مسوين انهم فاهمين وهم ماعند امهم سالفه
وربعنا الله يهديهم ماغير فالحين في ثورتر ومنظم هواء وبخاخ وبواجي وش ذا الخرطي يا شيخ
يا اخوي والله ودي عندي طريقه وارسل لك والحل لمشكلتك وابين لك وين مراكز الخلل بالظبط بدون ما اكتبه على العام وابيك تقارن الحل اللي اعطيتك بحلول الربع وتسأل اللي صنع السياره وين هو الصح

استراتيجي هدي اعصابك الله يرحم والدينك
الشعب يريد حل للمشاكل
الشعب يعرف المشاكل
الشعب يريد حل حل الخ من الحل للمشاكل
عطنا حلول صديق

استراتيجي انا مادري ليه انت زعلان مع انك تصلح سيارتك عندهم!!!!!
ثانيا الشهادة مو كل شي الخبره الاهم 
انا وجهه نظري تودي سيارتك لورشه متخصصه زي ورش الهوندا بس 
او مرسيدس مثلا 

شكرا و لا هنتوا للجميع، 
اخوي ابراهيم ، السيارة ما غيرت فيها شي من شريتها و لا اعرف نوعها و انا اخوك بس ماشي علبها خمسين الف تقريبا من شريتها

اخوي البطش انا بامريكا يالغالي

اخوي استراتيجي ، ترا ماهو لازم ندرس عشان نحل مشاكل و نعطي راينا ، التجربة و خبرة الحياة افضل من الف جامعة و شهادة 

تاكد من حساس الماف الي في تيوب الهوا الي يجي من الفلتر ويروح لثروتل وضيفة الحساس قياس كمية الهواء ويعطي اوامر لبخخات بكمية الوقود ولو فيه مشكله راح يحسب كمية الهواء غلط ويزيد كمية الوقود  شوف فيه بخاخ اسمه بخاخ الاكترونيات  لون العلبه حمرا افضل نوع  فك الحساس وبخ عليه بدون ماتلمسه لنه لمسه يعطله بس بخ عليه وخله لين يجف وركبه الشي الثاني الثروتل اذا انت تستخدم وقود اخضر من 91 او اقل يحتاج تنضيف  والبواجي تتغير كل 100 الف اقل شي وبعضها تتغير كل 200 الف على حسب نوع البوجي لنه تقريبا ثلاث انواع وفيه نوع بواجي من شركة كي ان  ناسي اسمه الشركه لو تفكها بعد سنه ماتحصلها مكربنه بس سعرها مرتفع تقريب بحدود 600 او 700 ريال  

اخوي عندي فلاتر كي اند ان امريكيه اذا تبي واحد ماتحتاج تغير فقط تنظيف مصنوعه من القطن

ابتكلم عن تجربتي
وصار لي مثل الي معك
غيرت البواجي مع الاسلاك
غيرت صفاية البنزين
موتري كبليتر وكنت اعبي بنزين 91
وعبيت 95
تغييرت صرفية البنزين

انا عندي في سيارتي البواجي دايخه والسيارة تفتف وغيرت البواجي وصرفية البنزين ماتغيرت هي هي الي صار التفتفه راحت وصارت طبيعية
وقبل 6 شهور كانت عندي سيارتي الثانيه اس اس 2007 العزم دايخ مرره والبنزين ما يطول اعبي ب15 يمشيني 165 كيلومتر
وقلت يمكن بواجي لان صارلهم سنتين يحتاجوا استبدال،، وغيرتهم ومافيه فرق حتى الي غيرهم لي سعودي وقالي البواجي لسى جديدة تقدر تنظفهم وترجع تستخدمهم بعدين
المهم بعدها حطيت موضوع بالمنتدى هنا قالي عضو اسمه الجنرال فلتر الهواء يتغير كل 6 شهور
وغيرته بفلتر رياضي نوع K&N من امازون كلفني مع الشحن 290
والفلتر يركب علطول على السيارة بدون اضافة اي قطعه ثانيه مثل فلتر الوكالة تماما
العزم فرق فرق فرق كبييير السيارة صارت طياره وتفحط الكفرات اذا جبت RPM على 2 فقط كيف لو اوصله 5 هههههه
والفلتر والله ممتاز مره والي عجبني فيه انه قابل للغسيل ويمشيك 50 الف ميل حسب ماهو مكتوب
ومو جالس امدح فيه الا انه عجبني ، البواجي اذا السيارة ما تفتف او فيها نتعات مايحتاج تغيرها
الخلل في فلتر الهواء

استراتيجي ، فيه ناس تعرف للسيارات مو شرط يحمل شهادة ، وفيه ناس تحمل شهادة ولا تعرف للسيارات
وانا اعرف شخص ماعنده الا ثانوي ويالله خلص الثانوية وما كمل لا دراسة كذا لكن يعرف للسيارات 100% ويشتغل بالتشليح

نعم فلتر الهواء لاصار قديم ، يزيد صرفية البنزين ويكتم الموتر
  
انت اول شيء غير فلتر الهواء فقط ،  وشوف وش يصير معك

فلتر الهواء له علاقه كبيره بصرفيه النزين والبواجي مثل ماوضحوا لك الاخوان الافاضل مالها علاقه بالصرفيه هي مجرد شعله ... قداحه عشان ينفجر البنزين اللي بحجره احتراق المحرك لاكن اخوي الاهم عند طرح الموضوع انك تكتب كم تمشيك الفل من كيلو عشان يقدرون الاخوان يعلمونك هل الصرفيه كثيره ام عاديه

انا عندي كيا سيراتو 2012 الفل منها 44 لتر يمشيني فقط 230 كم !!!!

البواجي لها دور في صرفيه الوقود