حادث مروع لكن السائق نجا

لاحول ولا قوة الا بالله 
سبحان الله

سبحان الله ... أكيد مرضي والدينه و مواظب عالأذكار و صلاة الصبح جماعة

اكيد مزين شي كويس في حياته 

وان شاء الله مايكون معه ركاب 

تقله ليه تاخذ كوري يقولك ابي شي عملي مايخرب  مافكر بنفسه وقت الجد

الصوره جاتني مرتين
مره قالوا فجيزان
ومره فالامارات
ومره قائدها توفى ومره سلم
ان توفي الله يرحمه ويغفر له
وان سلم الحمدلله على سلامته 

السيارة التحمت فالعمود وراحتم كومة حديد وماتقطعت
وسبب انفصال اجزائها
انه الدفاع المدني دايما يجي يقص السيارات قص عشان يقدر يطلع المحتجزين
وتلاحظون كتف الباب حق الراكب الخلفي كيف مقصوص بشي حاد

السرعة شينة .. لا عاد تسرعون وتوكلوا على الله قبل التحرك بالسيارة

السرعه مميتة .................... الحادث ترى بالسعودية ولاحظ اللوحة

سليم الله يسلم
باقي له عمر
لاانتهت ايام ابن ادم ماهي نافعة كوري والا ياباني والاالماني
الله يرحمنا برحمته

لا تسرع 
لا تسرع
لا تسرع
لا تسرع 
لاااااا تسرع ،، ولو انك لوحدك في سطح القمر 
لا تسرع 

عشان يمديك تمسك فرامل
عشان يمديك تتوب وتستغفر وتصوم معنا رمضان

تكفوووووووووووووووووووووون اش استفدنا من السرعة ،،
خلاص
خلاااص ملينا منها

 

التركي 111
معي مكسيما 14 ويشهد علي الله
والكلام هذا قبل 3 ايام ماشي في شارع  تقريبا  4 مسارات وماسك اليسار ومن حظي يطلع لي راعي تكسي طالع من لفه وداخل بياخذ نيوترن وقص شارع كامل وطلع بوجهي وانا ماشي حدود 100 وارميها يمين كاني رح انطل وارجعها يسار وحمد الله رجعت ولا كنه صار شي ولا زحلقت ولا شي طبعا اول حاجه هذا بفضل الله ثم سياره وهذي ماهي اول مره تسير معي صارت كثير والله ويشهد علي الله
حبيت اقول للامانه فقط الي صار معي ويارب تحفظنا وتحفظ جميع المسلمين
بس ما تحسون في صوره 3 سياره الكروس اوفر مششبه عليها لوحات سعوديه ولا كيف

ياناس هذا الحادث اتحدى اذا سرعة اقل من 200
انا اشوف ممشى من 140 الى 160 مناسب
واهم شي انتبه لكفرات موترك اذا منتهيه لا تسرع حياتك هذي نفس مو لعبه وكلنا محاسبين امام الله اذا القيناها الى التكهله

سبحان الله فعلا لو اجتمعت الأمة على أن يضروك بشيء لن يضروك الا بشيء قد كتبه الله عليك 

في السعوديه باين من الأرصفة متكسره ومحيوسه وعمدان لاناره

هذا الحادث في جيزان و متأكد 

اعوذ ب الله من بعض الحوادث 

اللهم احسن خاتمتنا ولاتجعل نهايتنا على شفرات هذا الحديد .

الله يستر عليه يارب .. وان شاءالله انه حي يرزقك .. وبخصوص الحوادث الحافظ الله سبحانة .. اذكر وانا صغير راكبين كابرس ..
ويجي منا جنبا مرسيدس موديل تقريبا 88 او 89 المهم انه هذا الشكل واخوي مسرع .. والله يا اخواني انه ضرب عليه الكفر .. ولا تحسه يشمي ماشاءالله
صار له شي ما شاءالله وقف ع جنب ونزل .. ومره معي فورد 97 انفقع علي الكفر الخلفي وربك ستر والحمدالله طبعي ما اسرع
بالبداية تجي رحمه من الله وتوفيقة وبعدها السيطرة من والركود.. مو تضغط فجاة فرامل وبعدها تنحذف السيارة ..
وفي الاخير اقولكم السرعة السرعة السرعة السرعة ..والحافظ الله ..الله يحفظ شبابنا ويحفظنا وياكم  من كل شر .. رحم الله والديكم .

الحادث بمحافظة حوطة بني تميم جنوب الرياض ١٠٠ كيلوا والحمد لله على السلامه

السيارات الجديدة تحتوي على نقاط ضعف في البودي



وهي تسمى نقاط امتصاص الصدمه 
وهدفها عدم احتجاز الركاب داخلها في حال الحوادث
لاقدر الله
وتزيد فرص النجاة في مثل هالحادث بربط الحزام


لان نقاط الامتصاص منتشره بين الامام و الخلف وهي سبب
انقسام السيارات الجديدة


اما سيارات الشاص وفوقه البودي فللأسف 
تلتوي على الركاب