تاجير الراجحي

اي سياره.  يشتريهاا الراجحي لك. لازم ياخذ 2000 ريال زياده

هذا نظامه

احتمال المعرض يدفعك قيمه التامين وبتطلع نفس كلام الراجحي
انت ماوضحت قلت استمارة ولوح هل هي مع التامين اولا

لا بدون تامين 

اذا ياخذ 2000 وفايده مع الاقساط بعد 
وانا احوس ادور معرض ارخص بـ 1000 

طيب اذا راتبي ع الراجحي اقدر اخذ عن طريق 
بنك ثاني ؟ وتنصحوني بكذا ولا 

تقدر تاخذ من اي بنك ثاني وتجيب لهم كشف حساب للراتب مصادقة للتعريف 
لكن شف الاقل فائده لك 

اذا راتبك ع الراجحي وبتاخذ من بنك ثاني لازم دفعه تقريبا5%
 والفايده ممكن تكون اكثر والله اعلم

وانا اخوك اعذرني علىى هالمداخله بس وربك ترا كل اللي بقوله من مصلحتك و فكر فيها زين ..

ليش ما تاخذ لك قرض شخصي و تشتري منه سيارتك .. اولا بتكون بإسمك وشيء تملكه يعني مو بإسم بنك او معرض .. ثانيا فوائد القرض الشخصي فرق بينها و بين فوائد التأجير اللي تكسر الظهر .. ثالثا لو لاقدر الله احتجت إنك تبيعها تقدر تبيعها ولادقيت خبر لاحد لانها ملكك .. رابعا لو تأخرت بالقسط بنظام التأجير راح تتمرمط .. ياخي تكفى فتح مخك شووي و خذ لك قرض و اشتر سيارتك منه و ابعد عن الدروب اللي تتعبك ..

ادري تبي تقوولي تأمين شامل .. تأمين شامل تقدر تأمنه ب 2000 ريال .. ولو قلت لي كل سنه بأمن ب 2000 بقوولك احسبها وش من الكسبان .. انت ولا نظام التأجير ..

اعذرني وانا اخوك والله لا اعرفك ولا تعرفني بس طع شوري و انحش عن التأجير..

تصاميم
مو كل واحد يقدر ياخذ قرض شخصي هذي المشكلة 

شويخ وانا اخووك .. البلا إن التأجير هذا يطلع اضعاف القرض .. وانت ادرى بمشاكله فيه حال تأخرت بالسداد او صار بالسياره شيء .. و بعدين انت تدفع بشيء ماتملكه .. بالله مو حرام .؟ انا اقوول للاخ اللي يبي يطلع سياره إن كان لك قدره طلع قرض و ان كان مالك قدره الشكوى لله

شوري من شور الاخ تصاميم ، غير الارباح دبل مدبله على تأمين تكافل الي ما يفيدك لا احتجته من تجارب ناس معاه و اذا ما تقدر تطلع قرض شخصي شوفلك بنك ثاني احسن تامينهم ، ربي يسهلك امورك 

الله يبارلك مقدمآ
من رأي اشتر السيارة من نفس المعرض اللي رحتله انتا
والموظف يقولك معرض معين لأن له نسبة من البيعه….. أحذرهم موظفين الراجحي مجموعة من السماسرة

البنك ماعاد يعطيني تمويل شخصي 
لان علي قرض وقسطه ٣٣٪ من الراتب 
لكن التاجير عادي يعطيني 
السياره طلعت على بالتامين والفوائد ٤٣٠٠٠ 
دفعه اولى ٢٥٪ ودفعه اخيره ٣٥٪ 

توكل على الله ...

صحيح احيان تتوهق ماتقدر تطلع قرض شخصي
انا ضيعت نفسي والحمدلله شريت تورس 2013 نص فل قيمتها كاش 117 الف طلعت علي ب 151 الف مقدم 8595 شهريا 1957 موخر 23 الف
ومتوهق فيها تاخرت شهرين وازعجوني كل اسبوع يتصلون علي سدد ولا بنسحب السياره سدد ولا بنعمم على السياره رحت ابي ارجعها قالو تدفع 10 الاف قيمة الغاء العقد
وحسبو علي الكيلوات واشياء استهلاكيه طلعت ب 12 الف يعني ادفع لهم 22 الف جلست احسبها طلع المدفوع 77 الف وباقي فيها سنتين بعدين هونت وشفها معي وباقي اقسط الى يومك
عسى الله يزينها لي ولكم
كثير منكم يقولي ليش تاخذ تورس بقولكم ان التورس طلعت بالواسطه خويي ضبط الاوراق لان اسمي في سمه مستحيل يعطوني وطلعتها باسم الوالد وعمره 68 والبنك يرفض اكثر من 60 سنه بس خويي لعب عليهم بالاوراق ومشت عشان كذا مقدر اطلع سياره رخيصه
واتوقع فورد افضل شي التورس من اخواتها الصغار مثل الفيوجن والفوكس

المعارض نسبة مرابحة البنك 7.3% مع التأمين و الوكاله 6.75%

... دفعه اولى 0% والدفعه الأخيره 35%


http://www.alrajhibank.com.sa/ar/personal/car-finance/offers/pages/hyundai-wallan-leasing.aspx

كاسبر
البنك طالب بحقه ماشوف غلط معاك فشي
اا 3 سيارات طلعتها وماقد مريت فمشكلة مع اي بنك 
سيارة لخوي وسيارتين لي ماقد دق احد وقال 

كل شهر عط البنك حقه وماتدخل فاي مشكلة 
بخصوص التحريم والتحليل 
الاس خارجه من الموضوع حتى لو كانت محرمهلان كل بنك عنده فتوى من شيخ وتبقى فظهر الشيخ خلهم يجلدون فالاخرة

طيب ي اخوان لقيت معرض يبيعها بـ ٣٤
بدون لوحات واستماره وخليجيه 
اقدر اخذها بكيفي 
ولا يجبرني اخذ من المعرض اللي قالي ؟ 
وافضل لي وشو 
شورو علي ترى ماقد طلعت سياره تقسيط 
ولا اعرف عنها شي