من عنده علم بزيوت بترومين

اول مره اسمع ان فيه زيت اسمه a7  اذا قصدك التر سفن يمكن عمومن بترومين انا كنت اغير عندهم  وحسيت اني مضحوك علي   حالين اخذ زيت من جمله واشتري سيفون من وكاله واغيره عند بنشري اعامله والسياره اغسلها 

بنسبه لسعر الزيوت عندهم مبالغ فيها جدا  ومنتجات حقهم كلها  خراط وكلام فاضي ودعايات  واضحوكه على الخلق 

الزيت غير مناسب لموترك 

اذا كان تقصد 20w50 

يعني ابشرك. تدفع مبالغ كبيره 

وبنفس الوقت تضر موترك 

لاحول الله بس 


اعلى لزوجه لموترك 5w30

أعتقد اللزوجه 10w30او10w40

يارجال ورب البيت انهم نصابين
قبل 3 سنوات رحت عند بيترومين في محطة القحطاني بجدة
قلت بشوف وش عندهم المهم غيرت الزيت عندهم
شغلهم ابو كلب ومسوين فاهمين وخبرة وعناية ام الكذاااب
قالي موترك يحتاج تنضيف بخاخات ويحتاج تغيير موية رديتر وزيت قير ويحتاج فلتر مكيف وهواء
قلت يالحرامي زيت القير مالة شهر مغيرة
وموية الرديتر والبخاخات مالها 3 شهور
والفلاتر مغيرها كاملة من الوكالة
طبق الكبوت ولا يكثر كلامك يالسروق
لابوكم ولابو الي عاد يجيكم
ومن بعدها ماغير الزيت الا عند الهندي علي
الله ماحلا شغلة 
اغير الزيت من عنده والفلتر من الوكالة
ويسويلك اشياء مجانية 
تنضيف قزاز امامي ويشيك على الكفرات وينضف الفلتر وينفخ المكينه من الاتربة
ولا احلا ومع ذالك ماياخذ مني الا سعر الزيت فقط

موترك ع الضمان وكم كوديله

تستاهلون أحلى ليك

الموديل 2013
العداد فوق ال60 الف 

الترا 7 ثقيل مرة مرة 


خلك على 5w30 او 10w30 

الترا سفن 50/20 
وعندهم 30/10
وعندهم A1 يجي 30/5

يا اخوي انا كان معي النترا 2011 كنت دايم أغير 10/30 وبعت السيارة قبل شهرين تقريبًا ومكينتها ممتازة ما شاء الله وما قد اشتكت شيء الحمدلله 
عـ العموم اذا سيارتك ع الضمان عندك 3 خيارات .. 
أول خيار انك تغير الزيت فالوكالة وتتحمل اللطعة والمبالغ العجيبة اللي يطلبوها 
ثاني خيار انك تغير عند شركات زي بترومين ومايز و و و و إلخ... وتحافظ ع الضمان بسعر أقل من الوكالة 
ثالث خيار انك تغير عند البناشر وتستغني كذا عن الضمان مقابل توفير أكثر . 
وأنا وجهة نظري ان الوسط هو الأنسب 

أتمنى تكون اجابتي افادت الجميع وشكرا 

نسيت أقول كنت دايم أغير 10/30 عند بترومين الين انتهى الضمان وبعدها استمريت 10/30 كاسترول عند البناشر 
ووقت كنت اغير عند بترومين ما كنت اغير اي شيء يقولو لي عليه سواء زيت قير والا فلتر مكيف والا فلتر مكينة .. كلها كنت اشتريها من الموزع الرسمي لقطع الغيار واغيرها بنفسي .. م عدا زيت القير عند بنشر يشتغل السيارة تحت نظري 
اعتذر ع الإطالة .. لكن قاعد اعطيكم حصيلة تجربة 4 سنوات

الترا 7 لزوجته 20-50

رح يسبب لك مشاكل في طرمبة الزيت وضعف العزم وتاكل جدران المكينه وغيره

الأفضل 5-30 او 10-30

ماقصرتم يااااخوان واحلى لايك للكل...
بخصوص اللزوجة الفلبيني يقول 10w30 
مادري هو صادق أوكاذب 
لاسمح الله لاخرب شي في المكينة ااطلعها من عيونهم....

وانا اخوك عن تجربة بالاكسنت اكثر من سنتين زيتها كاسترول ماجناتيك 1030 الأخضر

مره بسيفون ومره 

عن نفسي كنت مقتنع بفرع بترومين أكسبريس لكن لما مريت فرعهم الوحيد بمكة تغيرت نظرتي بالكامل!
فرع صغير ما يتحمل غير 3 سيارات سيدان و محشور بين بنشري و محطة وقود و فنيين أي كلام
و بالنسبة للزيت أجد سعره مبالغ فيه على شركة غير عالمية مثل كاسترول و توتال ...الخ
و لما سألت عن سعر الصيانة الدورية لسيارتي طلعت أقل من الوكالة بـ 50 ريال !

الافضل 5w30  ثم  10w30