بخصوص صيانة السونات 2015 الـ 50 الف كيلو .. ممكن تفيدوني ؟

تحت الضمان 

اذا السياره تم عمل صيانه 


انت مريت الوكيل وقالوا لك باقي تحت الضمان

او تقوله وانت منت بداري

ماشاء الله عليك 12 ألف بخلال سنه .. غيرك يمشي 12 ألف بخلال شهر .. يعطيك من خيرها ويكفيك من شرها .. بس مر الوكاله و اتوقع تحتاج تغيير فلاتر بهالصيانه وتغيير زيت القير .. بس مرهم وشف وش يقولون 

انا سيارتي الشكل الجديد ماشيه 55 وشاريها جديده ولا مره رحت للوكاله 
غير الفلتر الهواء والكفرات والفحمات 
بس البواجي والسير تكمل 100 الف 
زيت القير 80 

هههههههههههه والله نفس حالتي

معي كيا تعتبر السياره المساعده

شريتها مستعمله موديل 2014 من كيا اوبتما , وهي اخت السوناتا من ناحية كل شيء

لها معي بالظبط 11 شهر ومشت 13 الف كيلو فقط , كانت ماشيه 53 والان 66 الف كيلو

الصراحه بيني وبينك ماغيرت لها شيء بس زيت وسيفون

حتى زيت القير للان ماغيرته وراح اغيره على ال70 ان شاء الله

لكن مره دخلتها اغير لها فحمات فقط ,وقالوا لي المساعدات الاماميه تحتاج تغير,وغيرتها , سعر الواحد 275 ريال

هذا اللي سويته

لكن على ال70 راح اغير لها زيت قير والفلاتر لان عمرها الافتراضي خلص وممكن زيت الدركسون اذا احتاجت مع زيت الفرامل

وانا احس السياره دعستها مكتومه و شيكت عليها وقالوا تحتاج تنظيف دعسه وامرها بسيط , ما ادري اذا مرت عليك ولا تكلف شيء وراح اسويا

وللعلم انا شريتها مثلك , قالي راعيها على الضمان , وصراحه ما ادري هو صادق ولا كذاب , لكن للان ما قد طبيت الوكاله ولا ادري هل الضمان يشملها او لا , لكن زيتها اغيره في بتورمين

ماشاء الله عليك خلال سنه 
انا خلال شهرين مشت 20الف كيلو غيرت الزيت 
٤ مرات ع ٥٠٠٠ كيلو 
انت روح للوكالة لن الضمان الى ١٠٠ الف معروف بكل 
الوكالات 

 ممممممم مدرس عاطل مدري ليش اشك انك ابراهيم  التركي 
نفس اسلوبه وطريقته 

مممممممم وانت ي وعد انا بعد اشك انك سعمران وسموره وباقي عضوياتك ناسيها من كثرها كل فتره تقول ابطلع من المنتدى وتسب 
وبالاخير ترجع بعضويه جديده المهم حياك الله برجعتك وابراهيم التركي موجود بالمنتدى ويعلق قليل ومدرس عاطل ماهو ابراهيم
التركي ومتاكد من كلامي

طيب عادي ولو سألتني بقولك ايه انا صاحب العضويات  ذي شالمشكله 
ومن ردودي  وكلامي اي عضو متابعني  شي بديهي  بيعرفني  ماقلت  شي خارق  ولا مميز 
اي انا 
سعمران 
وسموره 
وعقاب الخيل 
ومدري كم عضوية 
اهنيك على ذكاءك  وفراستك  ياشيخ 
يابخت  المنتدى فيك 

لا ماني بالتركي 

رمعتك بعيده 



انا نايف وعضويتي وحده 

ياعمري انت 

طيب وشفيك زعلان ي فلتت زمانه 
بما انك اعترفت نزل موضوع وقل تراني رجعت للمنتدى عشان نرحب فيك زي ماتنزل موضوع وتقول ابغادر المنتدى بعد ماتتهاوش مع واحد وتنصك بالديسلايكات
تنزل موضوع اني راح اغادر وتسب الاعضاء مايصلح كذا الله يهديك
المهم تراك واعدنا تنزل تجربتك للكيا ماانسى هههههه والى الان ننتظر

هههههههههه
لا مشاء الله عليك 
الكيا أمورها  طيبه ابشرك ماشيه 11الف 
موتر دزه  حق دعس مشاءالله 
وسب ماسبيت  الأعضاء حرام عليك هو كم واحد طلعت عينه 
وبيني  وبينك سبب الرجعه  أحيانا  الواحد يطفش  يجي يتسلى  في المنتدى 
وماني زعلان ابد اعصابي في براد ههههههه

بارك الله فيكم يا اخوان
بالنسبة للأخ ( مدرس عاطل ) الله يحفظك انا شريتها وقال لي راعيها انها تحت الظمان علما اني لا مريت وكيل ولا شي من البيت للدوام واذا تطورت رحت العب بلوت بالاستراحة يوم الخميس :) .. على هالأساس انا استشرتكم بارك الله فيك اذا كانت فعلا على ممشاها وموديلها تعتبر تحت الظمان والا المستعمل المنقول لشخص أخر لا يدخل الظمان !! هذا الي كنت احتاج اجابتك فيه الله يحفظك 

الأخ الكريم ( تصآميم ) ربي يسلمك ويعطيك العافية .. ياخي بعد الدوام الواحد يرجع البيت يبي يريح مخه بصراحة ، بالإظافة الى أني ماستخدم السيارة أيام الأمطار نهائيا ، اذا جا مطر اطلع على الجمس على طول 

شيخ المعارض 2012
اهم شي لو اروح الوكالة ما يردوني ! كل ما بغيت اروح اقول يمكن يردوني ويضيق صدري :)

ابو خالد 1397
بارك الله فيك ويعطيك خيرها ويكفيك شرها وانا اخوك 
انا غيرت لها الزيت عند بنشري اعرفه من سنين ومتعامل معه ما طبيت بترومين والله ولا جا على بالي ..
لكن في خلال 12 الف كيلو هذي غيرت الزيت 3 مرات .. اخر مرة كانت الأسبوع الماضي الي تعتبر ثالث مرة اغير الزيت وراعي الزيت يسألني متى اخر مرة غيرت الزيت قلت قبل 6 شهور .. مسك راسه يقول حرام عليك ، فتح علبة الزيت لقاه نظيف !! قال كيف تجي هذي ؟ الزيت نظيف وانت مغيره قبل 6 شهور شكلك ما تشغل السيارة تحطها في الـ N وتدحدرها  5 شهورهههههههه
قلت يارجال اذكر الله .. اوصل للبيت هلكان ادور الكنبه اتمدد عليها وحالتي الصحية والنفسية ما تسمح لي اروح وسط زحام الرياض
عاد هنا المشكلة اذا تشتريها من شخص ما تعرفه ويقول لك تحت الظمان !! الي اعرفه ان الظمان يشمل السيارة 3 سنوات او 100 الف كيلو حسب نظام وزارة التجارة ! عشان كذا قلت اسأل الأخوان يمكن عندهم خلفية ومرت عليهم هالسالفة قبل ماروح الوكالة .. لأن لهم فرع اعتقد بمخرج 18 وهو اقرب لحي الروضة .. تبع خريص اعتقد زحمة وقلق بس بحاول امرهم قريب

دوريه :
اسم على مسمى ههههههههههه شهرين ومشت 20 الف !! والله ياخوي الظاهر بتطق امبيراتها خلال سنتين هههههههههه الله يحفظك ويعطيك خيرها ويكفيك شرها
انا عندي كدلك كونكورس 99 عرضته هنا كم مرة ولا جاب لي سعر وبطلت ابيعه .. الحين خبطت مكينته واحتاج مكينة بديله ... موديل 99 ماشي 227 الف كيلو ، وعندي جمس موديل 97 شاريه الوالد الله يطول بعمره وكالة على وقته والحين ماشي 260 الف كيلو ، وانا شاري جمس سوبر 2007 من خمس سنوات الى الأن ماشي معي 110 الاف كيلو مع اني راعي رحلات وسفريات  .. السيارة عشان تعيش معك مدة اطول يبي لها محافظة والتقليل من مشورتها 
وأكثر شي يعجبني اذا حافظت على السيارة وبعتها نظيفة لشخص يشتريها مني وهو مرتاح نفسيا :) كأني انا الي شريتها وبستخدمها .. الحمدلله على كل حال ، بحاول اشيك على الوكيل بمخرج 18 يمكن القا الخبر عندهم باذن الله

مشكورين ياشباب على مشاركتكم 
ولي عودة باذن الله بعد التشييك 

حتى لو السيارة مهيب على الضمان مايردك الوكيل بالعكس هو يبيك تجي تسوي الصيانة عنده وتدفع حقها


الضمان ياعزيزي وظيفته في حال لا قدر الله تلف شي او خرب شي من السيارة مهوب قطعة استهلاكية يستبدلونه لك مجاني هذا الضمان


بمعنى لا قدر الله تخبيطت مكينة كمبريسر خرب قير الخ ..... ماتدخل طبعاً فيها القطع الاستهلاكية فحمات بواجي هذي مالها علاقة


وضحت الفكرة ، يعني اذا تبي تروح عادي بيسوي لك الصيانة وبيختم لك ويقول وكل الله


لكن انت مر عليهم عشان تعرف كم باقي في ضمان سيارتك الى ممشى كم اللي اعرفه انها الى 60 الف او 100 الف والله نسيت وبامكانك تمدده تدفع مدري كم الفين او الف وشوي وتمدد


طبعاً الارقام اللي قلتها ليست دقيقة 100% لكن تقدر تتأكد منها في الوكالة

شكرا ياغالي
انا يهمني ظمان المكينة والقير والدفرنس اما غيرها ما تهم ابد ..
باذن الله بحاول امر عليهم بس تزبط اموري مع هالدوام ن ما اوصل بيتي الا الساعة 3 ونص ولو الوكالة جنب الباب ما رحت لها هههههه من التعب وزحمة الرياض وجوه
الله يعين وانا اخوك

اهم شي لزوجة زيت سيارتك 5w 30 لا تحط اثقل وتخبط لا سمح الله وابعد عن كاسترول  

بارك الله فيك 
انا بصارحة اغير لها نوع اسمه ( هيلكس ) 5w30  او 10w30
حسب كلام البناشر ان هذا زيت الوكالة المعتمد وقريت الكلام هذا في موقع ما اذكر اي موقع