النترا 2015 بعد ممشى 110000

مشاء الله مشيتها 100 في سنه 

عندك فلتر المكيف وفلتر المكينه والافمشه وبواجي .. غير زيت القير 

ماشاء الله تبارك الله
100 الف في سنتين

الصراححة التشبيه الييييييم ههههههههههههههه



الله يعطيك خيرها ويكفيك شرها

الصوت فالدركسون موجود عندي واسحب عليه محد عارف ايش السبب 
توقعي الكبير من كرسي المساعد 
الصوت يكون خلف فتحة المكيف حق السواق الي عند الباب مع المشي تسمع صوت قرقعته

والصوت الثاني خلف الدركسون تحت 
الاشياء الي تغيرها 
صفاية بنزين 
بواجي 
فلتر هوا 
زيت قير 
تنظيف بخاخات 
غير بطاريه لان عمرها سنه 

https://youtu.be/0UPX_FQHRnc

مرحبا بالجميع الله لا يهينكم
ادخلو المقطع وسمعو الصوت

الصوت يطلع والموتر واقف
وذالصوت غير الي اذا لفيت الطاره والي مع المطاب

ويين البواجي 4 سنوات ولا 300 الف  معي سوناتا 2013 بعد 50 الف تلاقيها محروووقه حرق  .. كيف تبيها تمشيك 250 الف زياده بعد 

البواجي اذا كانت اريديوم ليزرية تتغير على ممشى كبير فوق 100 الف
بالنسبة للصوت اللي يطلع من ورا الدركسون تقريبا من ديكور عداد السرعة كان يطلع في سيارة أخوي اذا عديت السرعة 140 
او 160

ماشاء الله لاقوة الابالله 110000 في سنة الله يبارك لك ويعطيك خيرها ويكفيك شرها هذا يعطي دلاله انها سيارة جيدة 
 عندي اكسنت 2014 اعطيتها الولد عشان الكلية واحيانا استعملها توها 35 الف 
غير الفلاتر
البواجي 
شيك على الصوف
المساعدات
موية الاديتر وحط ماء اصلى خلك من المغشوش ابو 10

أخوي بالنسبة للصوت بسبب نقص ماء الرديتر وهو يشبه جريان الماء
وشوف القربة وأنا متأكد راح تجد ماء الرديتر ناقص لأن مع الحرارة ينقص ماء الرديتر والظاهر ما تشيك عليه باستمرار
والماء الي تزيده يكون مقطر سعر العلبة بريال والموتر بارد الصباح املأ القربة الخارجية حتى توصل خط الفل أو غير كل ماء الرديتر بماء مخلوط بإيثيلين جليكول 
ثانيا غير زيت القير atf sp iv من وكيل هيونداي العلبة الزقاء واحذر فيه تقليد كثير وزيت القير 4 لتر يعني 4 علب وتغييره شغل يد 30 ريال والزيت بحدود ال 50 ريال للعلبة أو أكثر هذا لو كانت المكينة 2000 سيسي ال 1600 تأخذ 3 ونص
تحتاج تغير البواجي ولا تشتريها إلا من الوكيل برقم الهيكل ونظف الكويلات
غير فلتر المكيف وغير فلتر المكينة
غير سير المكينة الخارجي 
شيك على الشمعات والأنوار لو فيها شي ء خرقان 

طبعا الصيانة هذه هي الأهم ويبقى بعض الصيانات لو عندك فلوس زايده ههه

تغيير فلتر البنزين وبعد تغييره وضع محلول تنظيف دورة الوقود لكي تنظف دورة البنزين كاملة والبخاخات لأن المحلول لو وضعته من غير ما تغير الفلتر راح ينقل وسخ الفلتر لدورة الوقود لا تضع المحلول إلا بعد تغيير الفلتر وفيه محاليل ممتازة تجدها في ساكو
نظف البوابة أو الثروتل 
شيك على مستوى الفريون عند كهربائي أمين لو فيه ضعف بالتكييف ، ويشوف كمية الفريون في الكمبروسر ويزيدها لو فيه نقص بس تأكد إن الفريون أصلي أمريكي نوعه جنترون Honeywell أو ديبونت suva ورقمه R 134a وهو المخصص للإلنترا 
شيك عالمساعدات والعكوس ومسامير التوازن وكراسي المساعدات وكراسي المكينة 

إذا عملت الصيانات هذه إن شاء الله تمشي معك السيارة 110 ألف ثانية وبدون مشاكل 

مرحبا بالجميع 
شكل المشكله من ماء الرديتر بزيده وشوف ويعطيكم العافية 

وعليكم السلام ورحمة الله وبركاته 

فرغ موية الرديتر وغيرها كاملة 
50% موية رديتر أصلية 
50% موية مقطرة 

موفق 

يا رجال لا تطاوع احد 
هي سيارة رخيصة و عملية 
تغير شي مو خربان ليش 
غير فلتر الهواء و زيت القير و فلتر المكيف 
و دام ما فيها تقطيع ولا تفتفه ليه تغير و تنظف والله خسائر بس
اهم شي زيوتك في أوقاتها و الماء و انتبه من الحفر و المطبات و لا تحرق لها كثير 
و لا تعطيها كل من هب و دب خلها على رجلك 
و صدقني بتعيش معك عمر إن كتب الله