اصحاب الالنترا الشكل القديم

سياره مع اللموزينات كادينها كد وكذالك التأجير سياره عمليه تكرف معك لكن في مشكله المكيف يخرب وهي جديده اشوف الناس تشتكي منه 
طيب ليش ماتاخذ سوناتا تحصلها 64 نص فل بدون فتحه افضل من النترا افخم واكبر واجمل

والله ي خوك حدي اقل من ٥٥ وانت صادق السوناتا حلوه لكن انا عجبتني النترا وقلت اشوف الاراء

55 تجيب لك كامري 2015 اكبر وافخم ومكينه اكبر 2.5 وقطعها متوفر سوا جديد او من التشليح ورخيص

اهنيك على اختيارك للشكل القديم وهو افضل وديكوراته الداخليه
اجمل من الشكل الجديد ويناسب ميزانيتك
من ناحية الكرف الالتنرا والسيراتو سيارات كرف شوف اغلب اليموزينات
النترا وانت شخص محافظ يعني اضمن خمس سنوات ماتحط فيها الا قطع استهلاكية

توكل على الله وعالبركه

الافضل تشوف الشكل الجديد
مدري تجيب لك استاندر مكينة 1.6 او 2.0
خذ لك فرة على المعارض
و لو تشوف كيا سيراتو مكينة 2.0 ب43 بالمعارض
و الباقي خله معك ينفعك و هي نفس الالنترا 100%
اختلاف بالشكل الخارجي فقط

او شف جيب هونداي الصغير كريتا مكينة 1600
ب53 و تنفعك الشنطة و الارتفاع مناسب عن الحفر و المطبات

اذا تهمك الكماليات اشتر القديم اللي تقول عنه ب 54 بطاقه يعني لوحات وتأمين 55500
الدفعه الثانيه استاندر 2016 الناغي اسوأ واقل مواصفات 54 بطاقه 55500 جاهز

تعتبر الالنتر افضل سيارة عمليه طبعا في وجهت تظري والشكل القديم جيد اذا عليه عرض

ابو نجوى للمعلومية السيراتو مكينة 2000cc تجي قير عادي
فءة اليموزينات فقط 1600 يجي على الفل والنص فل ولاستاندر

أخي الكريم الشكل القديم والجديد تقريبا نفس الجودة ، الأهم القير والمكينة نفس السيارتين
أنا وأحد الأقارب لدينا النترا 2015
ما شاء الله سيارته ماشية 150 ألف
وسيارتي بحدود 100 ألف
ولم نحتاج نغير أي قطعة في السيارة سوى الفلاتر الي لازم تتغير كل فترة مثل فلتر هواء المكينة وفلتر المكيف
وزيت القير والبطارية
غير ذلك لن تحتاج تغيير أي شيء حتى 150000 كيلومتر
ولكن الفل فيها مشكلة الكفرات مع الحفر والمطبات سريعة الخراب
مثلها مثل بقية السيارات الي جنوطها كبيرة راح تحتاج تغير كفرات بشكل أكثر من الستاندر
وفي النهاية إن أستطعت شراء الشكل الجديد بالتأكيد هذا أفضل وخصوصا موديل 2017 أقل فئة فيها إيرباقين وفرامل مانعة للإنزلاق وحساس ضغط الكفرات وشكل حديث

بالتوفيق

لا يبو علي
في اعلانات بموقع حراج
معرض بجدة و واحد بالرياض
عندهم سيراتو مكينة 2000 قير اوتو استاندر
واحد يبيعها ب43 و الثاني ب44
لكن تجي بايرباق للسواق و الفرامل ABS
شف الاعلان هذا رقم
13978485

من رأيي المتواضع 
تأخذ الشكل جديد ستاندر 
اصلا السيارة بحجمها ذا ما من الفل و الكماليات اي فائدة 
عندي قاعدة سيارة صغيرة عملية تكون ستاندر او نص فل يعني بدون فتحة بس اعلى من السوح 
و مهما كان يبقى الجديد افضل

اما عن التحمل و العمر 
خالي معه النترا 2013 فل 
بس ماشاء الله ماشية  اكثر من 260 الف 
وماشاء الله المكينة و القير و الكهرب ما لمسها 
مع انه حق خطوط بشكل دائم