أضف سؤال أو موضوع جديد          

حل مشكلة ضعف التكييف بالالنترا وباقي السيارات

up 10 down 4
انت اخر امالي 548
قبل 2 سنه و 8 شهر




السلام عليكم ورحمة الله وبركاته
حياكم الله اخواني واحبتي في الله (نظرا لقدوم العيد وارتفاع درجة الحراره مع عدم قدرة تكييف السياره على التبريد نزلتلكم موضوعٍ يحبه قلبكم )


اول شيء يبالكم مقص او سكين او شيء حاد لو ضروس مكيف السياره
ثاني شيء ياحبايبيني تروح اقرب محل (قطع غيار تكييف) وتشترون الاتي :
1- عازل ماصوره مكيف مركزي اكبر مقاس زي اللي في الصورة تحت

2- يبالكم مشدات بلاستيكيه من اقرب محل سباكهمكيف السياره زي هذي ولها نوعين (طويله وقصيره)
اذا عندك كراج وسيارتك بارده تحتاج مثل هذي * الصور محطوطة بالترتيب

3- واذا انت مثل اغلب الناس (ماعندهم موقف سيارات خاص فيهم وتكون سيارتك حاميه فتحتاج مثل هذي


4- ونبدأ نقول بسم الله ونفك الكبوت ويكون معانا الاله الحاده اللي كتبتها بأول الموضوع
ونبدأ نقص العازل من النص عشان نقدر نركبه على الماصوره

5- ونبدأ نعزل بداية من الماصوره الخارجه من الكمبروسر

6- ونكمل الين نوصل لنهاية الماصوره

وان شاء الله راح يزيد كفائة التبريد 60 بالمئه
وفي حراره تزيد عن 44 واذا كنت مضلل تزيد عن 47

ملاحظة( شدك للعازل لايكون شديد مره ولا مرتخي مره)





الموضوع للامانة منقوول ولمن اراد رؤية الموضوع الاصلي
https://www.assayyarat.com/forums/t297884.html

وانا حبيت انقله لحراج بسبب شكوى اغلب ملاك الالنترا من التكييف











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جربت هذي الطريقة ومانفع بحثت فمنتديات مالقيت حل طيب

المواصير تتعرض للحرارة من المكينة سواء فالليل او النهار
حتى الصيف حررررر والهوا الداخل حولين المكينة حار
وفوق هذا المكيف يبرد فالليل والنهار مايبرد

اعتقد المشكلة فنفس الكمبرسر او ماعرفو الكورين ينتجون تكييف يتحمل اجوائنا
لان فيه سيارات ثانيه ومكيفها ميه ميه والمواصير نصها مكشوفه




up 3 down 3
شويخ من أرض مكناس 2817
قبل 2 سنه و 8 شهر



انا سبق نزلت موضوع قبل 5 اشهر والحمد لله النتيجة افضل بمراحل اهم شي تلبس علبة الفريون حتى ما تتأثر بالحرارة وتعزل المواصير الباردة فقط


up 2 down 0
العمدة 1434 1173
قبل 2 سنه و 8 شهر



شفت نفس الموضوع في اليوتيوب بس لسيارات جيلي
لكن بسألك
هل يوجد فرق كبير خصوصا فترة الظهر ؟؟


up 1 down 0
loody_23 361
قبل 2 سنه و 8 شهر



تكييف السيارات الكوريه مايناسب أجوائنا خصوصا المناطق الجافه مثل الرياض وغيرها 
أنا أشوف ان كفائه التكييف في المناطق الرطبه مثل جدة وجيزان كويسه 
هذي الشي أنا ملاحظه انتوا معي والا انا موسوس :)


up 3 down 2
mohammed shareef 965
قبل 2 سنه و 8 شهر



^^^^
صحيح هالشي


up 1 down 1
شويخ من أرض مكناس 2817
قبل 2 سنه و 8 شهر



اظن حل مشكلة تكييف السيارات الكوريه هو تغيير بلف الكمبرسر 
وسعره بين 200 الى 250 حسب نوع السياره 


up 2 down 3
al_orainy 49
قبل 2 سنه و 8 شهر



يالعريني
ماتوقع والله من البلف
لان المشكلة قد مرت على ناس سياراتهم جديده
قبل فتره واحد سيارته 2016 ونفس المشكلة


up 0 down 0
شويخ من أرض مكناس 2817
قبل 2 سنه و 8 شهر



بالفعل اذكر واحد من الشباب كان. يشتكي من تكييف الازيرا وهو توه مطلعها أقصاد فوق المية. ألف
بالفعل تغبن سيارة بهالقيمة والتكييف تعبان


up 1 down 1
سند10 1157
قبل 2 سنه و 8 شهر



يعطيك الف عافية يا صاحب الموضوع 

بفضل الله سبحانه ما اعاني من اي مشاكل مع المكيف 
وما شاء الله في فترة الظهرية بارد جدا ما شاء الله 
وعاد جو المدينة معروفة توصل ال49 وانت طالع
وسيارتي نفس سيارة الاخ شويخ نفس الدفعة
بس انا بعلمكم حركة تعلمتها من مدرس مكانيكا تخصصه تبريد وتكيف 
قال لي اذا جيت الظهر للسيارة 
شغل المكيف على اقوى شي بدون الكمبروسر حتى تطلع الهواء الحار الي عند الثلاجة  لمدة تتراوح بين 30 ثانية الى 60 ثانية 
وفي حركة كنت اسويها في البنز 
وهو طرد الحرارة الموجودة في السيارة 
طريقتها 
تقفل كل شبابيك السيارة بستثناء قزاز الراكب وفك باب السواق وقفله حق 6 مرات 
وراح تحس بالفرق
وبالفعل جربت كل الطرق الي قلتها لكم فوق والوضع احسن ما يكون 

وايضا عليكم بالعازل الحراري 
ركبته ب350 ريال من محل متخصص وكان الفرق واضح جدا 


up 0 down 6
ms3al 1626
قبل 2 سنه و 8 شهر



قبل يومين سافرت مم الرياض لجيزان والحمد لله المكيف ثلج وامبير الحراره مايتعدا الربع
وبالرياض امبير الحراره معلق ع النص والمكيف 
درجه البروده وسط وطشفت والسبب فعلا الرطوبه والجفاف له دور 
وكثير من اصحابي عندهم النترا واكسنت وسوناتا واشوف المكيف كويس


up 0 down 0
tttt35035 915
قبل 2 سنه و 8 شهر



فيزيائيا وعلميا للمكيف في المناطق الساحليه يكون تبريده افضل بكثير من المناطق الجافه وحتى الجبلية وهالشي مجرب وواضح الفرق 


up 1 down 0
eng.mob 126
قبل 2 سنه و 8 شهر



مشكلة ضعط كمبرسر
معي سيراتو لو واقف مايبرد
لو مشيت يلدا يبرد صح


up 0 down 0
sniper_sa82 307
قبل 2 سنه و 8 شهر



افضل مكيف في الكوري مر عليا هو ابيكا 2005 مكيفها جامد ما شاء الله في عز الظهرية لكن بنفس الوقت سيارة ملعون خرابتها تطفر الواحد كل الصناعية عرفوني بسبتها الحسنة الوحيدة فيها مكيفها البارررد و الرساوة حقتها طيبة و معقولة بس


up 1 down 0
mb 320 192
قبل 2 سنه و 8 شهر



ياخوك جربتها من فتره على ماركيز مااستفدت بصراحه

ورجعت فكيتها... ممكن الفايده غير ملحوظه... لكنها موجوده

ولو بنسبة نص بالمية.  شكرا على الطرح


up 0 down 0
abdullah.ags 385
قبل 2 سنه و 8 شهر



حط فريون امريكي اصلي وجرب


up 0 down 0
mfh2009 244
قبل 2 سنه و 8 شهر



المفروض هونداي وكيا تتعامل مع سامسونج وأل جي من ناحية التكييف


up 0 down 0
أحممممممد
قبل 2 سنه و 8 شهر



مكيف الالنترا اللي لاحظته المكينة الصغيره مكيفها بلف كهربائي والتبريد خياس المكينة الكبيرة كلتش مثل السوناتا القديمة وبارد جدا ع العموم مشاكلكم كلها من قطعه اللي هي البلف الكهربائي المعفن يعني 6 سنوات من 2011 ومكيف الكوري مايضبط في المكيف الكهربائي الوكيل وش وضعه والتجاره وش سالفتها ماتتكلم ؟ المفروض ضمان الكمبريسر الكهربائي 5 سنوات الزامي من الوكيل بدون تحديد الكيلو


up 0 down 0
7amood1930 293
قبل 2 سنه و 8 شهر



 شكرًا لك  ويعطيك العافيه  


up 0 down 0
بن حمد s 40
قبل 2 سنه و 7 شهر



العازل ع المواصير ماله اي فائده، الزبده بالكمبروسر ركب اصلي ويبرد ممتاز


up 0 down 0
high pressure 4
قبل 2 سنه و 7 شهر