بخصوص طريق الجنوب يا شباب

هذا الله يسلمك طريق الرين سيد واحد رايح جاي مافيه خدمات وخطير ما انصح فيه بالليل 

انت تقصد طريق الرين
خذ في الاعتبار ان الطريق مسار واحد
وايضا عندك مسافة 225 كيلو قبل بيشة مافيها محطات

انت من وين متجه الى الخميس عشان نفيدك

من الرياض بتحرك ان شاء الله

خلك على الوادي ابرك لك واسئل مجرب انا طالب ادرس في ابهاء واهلي في الرياض والتردد في الاجزات عليهم الرين رايح جاي تريلات ونياق ومقطعه ماحد حولك هو يختصر عليك مسافه 200 وباقي تحت الانشاء حتى بناشر مافيه المحطات داخل لازم تراقبها   بس طريق بيشه خميس مشيط طريق الموت فما اتوقع ساعتين وانت مهدي وخوفك في بطنك من الطريق انها تقلل عليك المسافه

صار عندي مشوار في الدار البيضاء وقررت اتبع نصايحكم
واواصل على حريق الخرج طريق متعود عليه
ومثل ما قلتوا فرق 200 كيلو بخط رايح جاي ماتسوى
والمحطات على كل 200 كيلو
بتوكل على الله وامشي كريق الدواسر
طريق اعرف خصوصا معي العايلة وعيالي اكبرهم عمره 11 سنه الله يسهل دعواتكم

طريق الرين كويس مادحينه لي ناس كثير 

خلك على طريق الخرج - الدلم - حوطة بني تميم - الافلاج - السليل - وادي الدواسر 

الله ييسر لك وتصل بالسلامه 

فيه اختصار بسيط من ديراب فيه طريق جديد يوديك للحوطة على طول بدون ما تمر من الخرج والدلم

انصحك بطريق الرياض الافلاج وادي الدواسر الطريق قبل الافلاج ب ٧٠ كيلو راح يكون من ثلاث مسارات الى مسارين انصحك في مشي النهار لان الطريق فيه جمال 
وعندك من بعد وادي الدواسر الى مكان اسمة القيرة ١٠٠ كيلو بدون محطات .. الطريق ممتاز اسافر معاه شبه اسبوعي بخصوص العمل والغربة  
توصل بالسلامة ... 
لا تنسون التقييم  وشكرا للجميع 

طريق الرين - طوله 685 كم - اول 400 كيلو لا يوجد بهم محطات وقود والطريق حاره واحده ولا يوجد عليه ايه خدمات ولكنه مستوي ولا يوجد به اي منحنيات مفاجأه كما لا يوجد عليه اي سواهر حتي الان - - لو معك عائله لا تذهب منه - لو مجموعه شباب مافي مشكله  

تكمله - لا يوجد تغطيه لشبكه موبايلي علي الطريق او انترنت موبايلي - تقريبا STC فقط 

الخط زين

فيه بعض الاصلاحات قبل الرين
تعبي من الحجاز وتمشي مع خط الرين
الين يجيك برودان
محطتين كبار مقابله بعض
تعبي منها وعلى بيشه ومنها على ابها

الخط فيه شبكة
والخط جديد

هذا بالنسبه لخط الرين

اما خط الحوطة
اطلع من الدار البيضا واتجه على الحاير
اول دوار يسار
ثم اول لفه يمين وروح سيييييييده الين تطلع على الخط
وسيع وسيدين وجديد
اول 30 كم بدون سياج جانبي
بعدها يجيك مسيج ولكن الشبكة فيه ضعيفه جدا وقد تقطع

المسافة 100 كم
باختصار 100 كم

خط الرين يختصر عليك 250 كم تقريبا

وكلها زينه بس الحوطة اطول خاصه من بعد وادي الدواسر

الخطين كلهم ممتازين خط الرين وخط الوادي وكلهم فيها خدمات الحمدلله الله يعز حكومتنا الرشيده بس الموضوع على حسب رغبتك
اذا ناوي تمشيه خلك على الوادي او طريق تربه واذا تبي توصل بسرعه خلك على الرين ...
اهم شي شيك على السياره مضبوط وانتبه للخط لاتسرع ...وتوصل بسلامه انشاءالله

الخط زين في النهار فقط
الليل زود عن الابل العالم هناك منهبله كابسه العالي والله توصل وانت دايخ وتكره اليوم اللي مشيت فيه الطريق


الطريق من الكبري الى الرين فيه وصله 60 كيلو فيها تكسير و بعد بيشه 220 كيلو لفات قويه ومحطات وهجر
طريق وادي الدواسر يقهرك فيه المطبات تفقع المساعدات والتحويلات والقرى اللي تدخلها اما طريق بيشه حليو في النهار فقط ولو يرجع بي الوقت لو ازود 500 كيلو بس مااجي مع ذاك الطريق بسبب الانوار