أضف سؤال أو موضوع جديد          

احكــي قصتكـ مع نجم ؟؟؟؟

up 6 down 4
sterman 96
قبل 4 سنه و 6 شهر



كل واحد ليه قصه مع نجم والبلاوي ولخمه الراس والقروشه .. اي واحد يعطينا تجربته معاهم ونستفيد ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صار لي حادث والطرف الثاني ما كان معه تأمين لكن في البداية خدعني وقال لي معي تامين قلت له وأنا بعد ،، قال لي أجل دق على نجم ودقينا على نجم ولما جا قال توني انتبه أنو تأميني منتهي ،، المهم نجم اعطاني كروكي الحادث الغلط عليه 75% وعلي 25% وقال لي روح معاه المرور وخلص هناك لأن تامينه منتهي .. بعد ما راح نجم قال لي خلاص أنا بروح الجوازات عندي موضوع ضروري ونقابل بعد الظهر ،، وسحب علي

صرت ادق عليه ما يرد ،، رحت المرور وكملت الاجراءات وسجلو الطرف الثاني هروب ،، السيارة عمموا عليها والموضوع هذا له أكثر من شهرين ولا جديد حتى الان ..

عن نفسي صار لي درس ما عاد اصدق احد ،، اذا حصل لا قدر الله وصار على أي احد حادث وكان الطرف الثاني ما معه تأمين وانت معك تأمين ممكن نجم يجي ويسوي الكروكي ( لأن نجم يجي حتى لو كان طرف واحد فقط معه تأمين ) بس لا تقبل ودق على المرور ،، وقتها لو كنت دقيت على المرور يكون مخيس الين الان في الحبس أو يسدد لي فلوسي في نفس اليوم خاصة وأن تكلفة التصليح فوق الاربعة الف


up 6 down 2
king.king 833
قبل 4 سنه و 6 شهر



كنت بمسار اوسط وجاء هندي من وسط الحاره وضرب الباب اللي ورا ماكفاه مسار واحد
جاء قال هو لاف علي وحط الخطأ علي 100 بالمئه
ياابن الحلال قال لا واضح ومن هالكلام انا من الغباء لو كارشه ودقيت على المرور افضل وترى نظاما يمديك تكرشه اذا تقييمه ماعطاك الحق لكن لو وقعت بتروح تقدم اعتراض وسالفه طويله ومراجعات اما لو بموقع الحادث تنتظر المرور لو 3 ساعات ولا تتمرمط اسابيع عشان تعترض
ومشكله الاجنبي مسكين والسعودي هو الغلطان لكن مااقول الله لايحلله ولايبيحه وفي ذمته احاجه فيها يوم القيامه


up 8 down 3
khaled3224 282
قبل 4 سنه و 6 شهر



وصف الحادث انا بالمسار الاوسط ابو هنود من الحاره دخل على مساري ورجع دخل بالمسار الايمن كاني لاف عليه


up 2 down 2
khaled3224 282
قبل 4 سنه و 6 شهر



والله المشكله انو المتسبب في الحادث يروح يرتاح وينام وانت تتعب ورا نجم والتامين والقصص هذي 


up 4 down 0
sterman 96
قبل 4 سنه و 6 شهر



لسه كنت بقول هالكلام للرد فوقي بالزبط
المفروض الغلطان يتحمل اي غلطه ويصلح سياره الاخر 
ويروح هو يسعر القطع ويروح الورش ويراجع التامين 
قسم بالله ماتشوف الحوادث تزيد والوضع يكون زي كذا مزري


up 1 down 0
احمد شريف 3169
قبل 4 سنه و 6 شهر



طلعت سوناتا 2016 وصفيتها في مواقف الجامعة ولما خلصت دوام رجعت حصلتها محروقة من الخلف والصدام والدهان ذايب والحساسات احترقت بسبب سيارة وراي صار فيها ماس كهربائي ومحترقه وصاحبها معنده تأمين والتأمين قال مايشمل الحرق بس الحوادث !!! وللحين رافع قضية عليه ومافي اي تجاوب


up 1 down 0
moathqaisiyah 178
قبل 4 سنه و 6 شهر