أضف سؤال أو موضوع جديد          

سوناتا فل كامل ماعدا البصمه

up 13 down 3
شبح 600 sel 6081
قبل 5 سنه و 2 شهر



السلام وعليكم

موضوعي هذا للفائده فقط

صرت اشوف اعلانات كثير يكتبون سوناتا فل كامل ماعاد البصمه

للاسف تلاعب او جهل او مدري شتقول

صار اي واحد سيارته بانوراما حسبها فل كامل

للمعلوووووميييه

اي سياره سوناتا او ازيرا تشغيل مفتاح مستحيل تكون فل كامل
يا ستاندر او نص فل

حتى تشغيل البصمه فيها فئه نص فل

اذا بتعرف الفل كامل تجي شاشه ملاحه كبيره وجلنط الكتروني وارباقات كامله بالسياره وطبعا البصمه وتسخين وتبريد مراتب و جلد لون غير البيج مثل الجملي والنقطه العمياء ومراتب كهربائيه ومواصفات كثير والي ذكرتها اغلب مايميز الفل كامل

اما غير كذا تعتبر نص فل حتى لو جت بانوراما وستائر وجنط 18 بس تشغيل مفتاح لاتقول فل كامل

واعرف سيارتك قبل تعرضها للبيع ويشتريها احد يحسبها فل كامل وينصدم المشتري بانها ينقصها اشياء كثير للفل كامل

هذا وصلى الله وسلم على نبينا محمد








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك مظبوط اخوي شبح ،، بس يا ريت تعدل بالعنوان و تكتب ما عدا البصمه
تقبل مروري


up 1 down 0
kaiser007 628
قبل 5 سنه و 2 شهر



اكبر عملية نصب شفتها بمعرض جايب النترا 2017 يقول انها فل كامل وحاط سعرها 82الف
لكن هي فالحقيقه نص فل لانها بدون نقاط عمياء وتنبيه الخروج عن المسار وتسخين وتبريد كل هذي مافيها
رغم اني شايفها بالامارات فيها كل هالمواصفات وسعرها حدود 75 الف
يعني هالنصاب شايل كل المواصفات ومزود سعرها ب82 الف !



up 3 down 1
bmw z4 1499
قبل 5 سنه و 2 شهر



يارجال هذي بسيطة قس عليها اليخت الامريكي وارد يلعبون ع الناس شركات الاستيراد يعطوك سعر طايح وصور احترافية ويكتبون فل والسوح السعودي فيها مواصفات اكثر منها

في كذب من المعلنين او غشامة يجيك واحد معاخ بانوراما ٦٠٠ يقولك فل ومدري وشو اخر شي فتحة عادية !!


up 1 down 2
benz lover -78
قبل 5 سنه و 2 شهر



اصلاً مافي شيء بالسيارات اسمه فل كامل ماعدا 

كلمة (ماعدا) هذي تنرفزني نرفزه الله وكيلك ،،


up 2 down 1
panamira 1906
قبل 5 سنه و 2 شهر



العيب ماهو من الناس العيب من الوكاله


تحيب اول دفعه مثلا بدون بصمه وتقول هذي فل كامل... وبعد فتره يجي الفل كامل الحقيقي ويقولون هذي الدفعه الثانيه او هذي المطورة؟ !!!



انا مريت المجدوعي عام 2010 واسأل عن الازيرا فل كامل قالي شوفها قدامك

طالعت فيها حصلتها جنوط حديد وطاسات... قلت له يا الطيب بشوف الفل... قالي هذي الفل... قلت هذي يدون جنوط.. قال هذا المتوفر ممكن يطورها الدفعه الجايه؟!!!!!


up 1 down 1
asalami 2180
قبل 5 سنه و 2 شهر



السوناتا على كلام الوكاله 9 او 10 او 11 فئه

استاندر مكينه 2000 سي سي تكاسي بدون ريموت بدون كشافات بدون مثبت

استاندر 2000 سي سي مطور ريموت وكشافات ومثبت

استاندر 2400 طيس

نص فل 2400 بدون فتحه سقف جنوط 17

نص فل فتحه سقف جنوط 17

نص فل فتحه سقف وليد خلفي وتخشيب وجنوط 18وستائر

نص فل فتحه سقف وليد خلفي وتخشيب و جنوط 18 ومراتب جلد

نض فل فتحه سقف وليد خلفي وتخشيب وجنوط 18 ومراتب جلد و بصمه

فل كامل على نوعين اجهلها

هذي اللي اعرفها انا ويمكن فيه فئات اخرى


up 0 down 0
ابوخالد1397 2888
قبل 5 سنه و 2 شهر



تشغيل بصمة ؟
متى الناس تبي تترك هذا المسمى ؟
تشغيل بصمة يعني السيارة ماتشتغل الا على صباعك ..!
كيف تكون بصمة وهي تشتغل لكل من هب ودب ..!
اسمه تشغيل زر ياجماعة ..! مافي شي اسمه تشغيل بصمة ..!


up 4 down 0
amjd22558 437
قبل 5 سنه و 2 شهر



يا غالي هي بس مسكت كذا تشغيل بصمة

زي يوم تقول لواحد جيب معاك شاهي لبتون ربيع

انت تقصد لبتون ابو خيط لانه اول من سواها

وكدا ف مسكت مع الناس تشغيل بصمة انا اولهم

ادري انها زر و اقول بصمة دماغ خربان هههههههه


up 1 down 0
sweetsaad 173
قبل 5 سنه و 2 شهر



يعني حتى لو يقول فل كامل بصمة ترى البصمة لها فئتين في السوناتا


up 1 down 0
عبدالله 656 133
قبل 5 سنه و 2 شهر



انا قدمة ع سوناتا 2017 سعرها بسوق نص فل 70.000 بالوكالة 83 الف مفتاح والمصيبة الكبيره اليوم انصدمت
من شركة الكبيرة بسوق اللي لها سمعة محمد يوسف الناغي يضحكون ع الناس وتلاعب الاسعار بين السوق والوكالات
واكبر مصيبة ابي لون اسودددددددد قالو لي بالحرف الواحد خذ لك ازرق او ابيض اللوان خلصت 2017 ياناس ويعلم الله
اني ختمة التعريف بـ 25 ريال وكشف حساب من بنك 25 ريال,؛ "> وسيارة مافيه نفس اللون اللي ابي وقيمتها غاليه بعد خمس
سنوات ان عشنا 127000 وتبيعها ماتجيب 40 الف وانصح الجميع بصوت واحد ابعدو عن التاجير وخذ لك كورلا 2003
مكيف بعز الظهر وصغيرة ولها موقفها ولاتاخذ تاجير يشيب الراس وتامينها يروح لصالح الشركات حسبي الله ونعم الوكيل
على هالشركات النصابة ,,, واسف ع الاطالة واعتذر من صاحب الاعلان < اللي بيحط لايك اشكره واللي مايبي يبي الله يوفقه
نصيحة لااكثر ولاااقل


up 1 down 0
سعد القرني77 3
قبل 5 سنه و 2 شهر



الفل بها نقاط عمياء وتنبيه الخروج عن المسار وتسخين وتبريد وزر بريك وشاشة ملاحة وزر هولد


up 0 down 1
mfh2009 371
قبل 5 سنه و 2 شهر