مشكلتي مع شركة الناغي وانترا 2016
6
4
إضغط هنا للإخفاء
السلام عليكم ورحمة الله
الموضوع هذا للفائده ولتبادل الاراء
موضوعي هو كالتالي :
عندي هونداي انترا ٢٠١٦ مطلعها من ( المجدوعي )
طبعا هذا وكيل هونداي بالشرقيه للي مايعرف .
طبعا حاليا متواجد في جده في اجازه
وفجاه مكيف السياره ماعد يبرد نهائيا
وديت السياره لكم ورش للكشف قلت ممكن المشكله بسيطه
وكلهم اجمعوا على انه ( كمبروسر )
طبعا السياره ماشيه بالضبط ٢٢ الف كيلو ولها تقريبا ١١ شهر
وديتها لفرع الناغي ( وكيل هونداي بجده ) ع اساس اذخلها بالضمان واصلح المشكله .
طبعا دخلت السياره للوكاله اغير زيت في ١٠ الاف كيلو فقط
وباقي غيارات الزيت في بترومين
فقط زيت وفلتر وبدون اي صيانه ثانيه بحكم ان السياره جديده واستخدامها قليل وداخل البلد
طبعا الناغي ماقبل ادخل عند المهندس الا بعد حجز موعد وكان اقرب موعد ٨ ايام من تاريخ المشكله
انتظرت ٨ ايام ودخلت اليوم .
طبعا اول عذر كان يبي يتعذر فيه الموظف بان السياره من وكيل ثاني !! وبعد المجادله وافق يشيك عليها
تفجات الان بطلب مبلغ ١٢٠٠ ريال قيمه صيانه ١٠ الاف و ٢٥ الف بحجه انه يدخلها لي ع الضمان
ومع المجادله يدعي بان صيانه ١٥ الف يكون فيها غسيل ثلاجه وتغيير فلتر مكيف وسعرها ١٢٠٠ ؟؟
طبعا تكلمت بالاوراق اللي معي وتعميم وزاره التجاره ورفض الموظف يحكم ماعنده صلاحيه
قال لي روح كلم المدير .. طبعا المدير غير موجود
طبعا عطيته اوراق تثبت بان صيانه الانترا مافيها شي اسمه غسيل ثلاجه ع اي اساس ادفع
قال عشان تدخل الضمان
طيب وزاره التجاره تقول مو شرط ؟ قال عذي تعليمات الشركه
قلت له هل تعليمات الشركه فوق تعليمات الوزاره ؟
ماعطاني رد وتحجج بالتاخير . مع العلم مثل ماهو واضح بالصور مافي شي اسمه غسيل ثلاجه في جدول الصيانه ولو اجمع اسعار الصيانات من ٥ الاف ل ٢٠ الف ماتوصل ١٢٠٠ ريال
طبعا كلمت موظف التجاره وعطيته الموضوع كامل
قال اذا تغيير زيت في بترومين بنرفع لك شكوى وبيجيك حقك
والان حجزت موعد جديد بعد ٦ ايام حتى اروح لهم ومعي الشكوى
الموضوع قابل للتحديث
واسف ع الاطاله
وشكرا لكم
إبلاغ
الردود
5
1
الحق يقال مافي زي عبداللطيف جميل في خدمات الضمان
والله فيه واحد معاه لاندكروز باقي 2000 كيلو على الضمان وصلحوا له قطع بقيمة 14 الف ريال بدون كيف وليش و لكاعة
11
5
اختصر على نفسك وحمل تطبيق بلاغ تجاري وارفع شكوى وبيجيك اتصال من الناغي
هذا اسرع طريقة بدون ماتدخل في جدال معهم
الصيانة المطلوبة هي فواتير، معتمدة بتغيير الزيت والسيفون فقط
ماعدا ذلك ماهو مطلوب منك
3
2
اخوي معه اكسنت خربت الثلاجة والحين ضرب الكمبرسر
اخوي الثاني معه توسكان 2013 ضرب الكمبرسر
لحد يقول سوء استخدام
قبل فتره نزل موضوع النترا وضرب الكمبرسر
الكوري مشاكله فالتكييف ماتوقف
الي يبي سياره يبعد الكوري ياخذ بديل
النترا عندك كورلا وهكذا
11
5
اذكر واحد من اخوياي شرا كامري 12
ماشيه حول ال 115 الف
وفيها رجه لابدا الموتر يمشي
ودخلنها عند عبداللطيف قال ذي برا الضمان ولا فيه شي يثبت انك
غيرت الزيوت لاعندنا ولا عند مراكز معتمده لكن ابشر نصلحها لك
بشرط تدفع قيمة زيت القير قلنا تم
وغيروا طنجرة القير وحاجات ثانيه مثل المقصات وطلع الموتر
سليم مافيه اي مشكله
هذا غير الاستقبال شاهي وقهوه وتعامل راقي لابعد الحدود
وانا والله لامعي تويوتا وكره تويوتا كره بس بعد هاتعامل كبرت بعيني
9
4
كيف غيرت الوكاله الطنجره و المقصات و الموتر ماشي فوق 110الف
وما دفعتم غير سعر تغيير زيت القير
هل يصلحون سيارات الشعب على حسابهم من قوه الكرم
او ان خويك دافع قيمه الاصلاح وانت فاغر
او انك قاعد تألف قصه من جيبك
يا ليت توضح لنا
7
10
4
2
ثاني شي هالكلام حصل قدامي
كلمنا حق الاستقبال وقال بحاول بالمدير وان شاء الله يوفق ويدخلها على الضمان ومايصير خاطركم الا طيب
وبالفعل طلع معنا مهندس اخذ فره معنا بالحاره وشاف الرجه
ودخلوها الضمان
3
3
لكن الحين الوزاره جالده الوكلاء والمواطنين صارو اول باول شكاوي على اي شي سلمات يدفعك1200 ويقول تعليمات شركه
0
3
0
3
واساسا معي موتر غيره واببيعه لكن ماستخدمه الا عشان المكيف مع موجه الحر الفتره هاذي
0
0
أنت وحظك
1
0
حدث العاقل بما لا يعقل ف ان صدقك فعلم ان لا عقل له
انتهى يا فاغر
1
1
السياره النترا 2016
0
0
0
0
متى تكون الصيانة المجانيه
0
0
تبغى الرأي وأنا اخوك والله بيضيع وقتك وأنت رايح جاي بينهم الشركة والتجارة . اشتكي الأم الكبيرة بكوريا
رابط مراسلة هونداي الشركه ( الأم)
https://www.koreanbeast.com/koreanbeast42487
وهنا الشرح المفصل كيف ترسل رسالة لشركة هيونداي الام مباشره
https://www.koreanbeast.com/koreanbeast14815
0
0
قبل 8 سنه و 8 شهر