لمحه عن سيارات جينسس

54 53

لايمكنك التصويت حتى الحصول على 20 نقطة على الأقل
إضغط هنا للإخفاء

عطني جبهتك -84
قبل 8 سنه و 3 شهر

السلام عليكم ورحمة الله و بركاته

أول موضوع بالعضوية الجديدة

عموما فيه مقاطع فيديو من تصويري بالسناب نزلتها ما تبي تضيع وقتك لا تتابعها

لأنها عاديه مافيه شيء مفيد
_________________________________________________

أحيانا أنقطع عن المنتدى بسبب الإدارة و أحيانا بسبب يكون عندي قضايا بالمحكمة لي

أو أكون وكيل و أتابعها و لابد من التركيز فيها و انقطع عن المنتدى فترة عشان ما أتشتت و أخسر القضية

عموما ولله الحمد جميع القضايا كسبتها ولكن باقي ما أستلمت عمولتي منها

و إن شاء الله قريب أستلم العموله و مخطط على جينسس

لكن فيه قضية وحده ضد وزارة الدفاع مقامة بديوان المظالم لها 6 سنوات لازالت قائمة

تعبت منها ووزارة الدفاع وكلت عدة محامين ولا قدروا يكسبون القضية أو يثبتون أي شيء ضدي

ولكن قاعد لهم مثل ما قعدت لبعض الأعضاء بالمنتدى هههههههههههه

عموما حتى حقوق الإنسان تدخلت بالقضية و إن شاء الله قريب يصدر الحكم

و فيه جلسه بعد 3 أيام ان شاء الله ننتهي لأنها أخذت من وقتي و عمري الكثير

نجي للجينسس

قبل فترة جلست أقلب بالموقع لأني ناوي أن شاء الله سيارة تكون محترمة و عملية

و أبي أقلبها تاكسي و ابيها مميزة و هذا قراري كان من زمان

ولكن ننتظر الحكم حق ديوان المظالم عشان أقدر أتحرك لأنه هو المعطلني

و حتى لو ما صدر قريب أول ما أخذ العموله من القضايا الموكله لي راح أشتري سيارة

أستخدمها فترة أتأكد من صلاحيتها للتاكسي و أحولها مباشرة بعد صدور الحكم

عموما لحد الان بصراحه ما شفت مثل الشفر كابرس و لومينا بالخدمة و سهولة الصيانه و التحمل

زمان كان ببالي لومينا LTZ تكون فل كامل احولها تاكسي

ولكن مع مرور الايام زاد الحلم أكثر

دخلت على إعلانات الكابرس خصوصا 2014 و 2015 لأن الداخليه مختلفه أختلاف كلي و جميله

لقيت الاسعار توصل 90 ألف و توصل 100 ألف و شكل خارجي يعتبر قديم و عادي

دخلت على أعلانات الامبالا سيارة جميله و 6 سلندر و لكن قوة جبارة و الفل كامل منها

مواصفاتها حلوه و داخليه جملي و ديكوراتها حلوه و الاسعار متفاوته

2014 ستاندر صحيح مافيها مواصفات ولكن المكينه تكفيك قوتها و السعر يبدأ تقريبا من 45 الف

الى الفل كامل مستعمله طبعا حوالي 90 الف

يعني الفل كامل قيمتها ضعف فئة ستاندر مستعمله كلها

قلت خلني اخذ وقت أطول طالما الفلوس باقي ما جات و استكشف أكثر

أدخل على أعلانات الجينسس بصراحه تفاجأت

2013 و 2014 أسعار رخيصة

2014 جات مكينه GDI نفس مكينة 2015 بالنسبة للـ6 سلندر

بقوة حوالي 333 حصان و قير 8 غيارات و شكل خارجي و داخلي روعه

و فخمه فوق هذا عزل فوق الممتاز و أسعار قطع الغيار تعتبر مثلها مثل السيارات العاديه ماهي غاليه

طبعا عادي جينسس أحولها تاكسي ما عندي مشكله

الاسعار 50 إلى 65 الف بمواصفات و شكل و ديكور و عزل و قوة و رساوة و هدوء كل شيء فيها

حتى اللي يبي سياره خاصه فخمة من رأيي 65 الف اخذ جينسس 2014

أفضل من أخذ BMW أو لكزس 430 مثلا موديلات 2005 و 2006

يعني تكون السيارة لها 11 او 12 سنه شغاله حتى لو قدامك تشوفها نظيفه

ولكن بالموديلات هذي و كثرة الحساسات تبدأ تطلب حتى لو كانت جودتها عاليه

ولكن الحساسات لها عمر و تنتهي و تبدأ كل يوم يخرب لك حساس و تداوم بالصناعية

ولكن الجينسس حتى لو جودتها أقل تعتبر لازالت تحت الضمان و موديل حديث

و حتى الحساسات و غيرها و الجلد الداخلي و كل شيء لازال شبه وكالة وباقي فيه عمر طويل

حتى تبدأ تطلب و تخاف منها

سيارات جميله و أعجبتني

و 2015 ألف بكثير ولكن لو تاكسي 2014 أشوفها عمليه أكثر بوجهة نظري

الجديدة طبيعي لو احتجت اي قطعة غيار بتكون بسعر عالي

ولكن 2014 سألت عن الاسعار لقيت وحده القير ضرب عليه طبعا ماشيه السياره حدود 200 الف

سألته كم كلفك قال 6000 ولكن عن طريق معرفه و سعره تحصله بحدود 9000 و حولها

يعني ما وصلت حتى قيمة قير الافالون و الاوريون الموديلات القديمة

مساعدات و غيرها اسعارها معقوله جدا
_____________________________________________________

ملاحظه أخيرة كانت موجوده و الحمد لله أختفت مع الايام

فيه كثير متابعين يتابعوني بالسناب شات عن طريق المنتدى

تقريبا برمضان زاد العدد لأني نزلت سنابي و أصبح بشكل يومي يجيني واحد يطلبني طلب

طبعا لا يعرفني بنفسه ولا شيء بس يقول من متابعينك و محبينك و هو خراط فاضي

المهم يطلبني قطعه من التشليح أروح أدورها له او يرسلني لمكان معين أو شيء

ولو كنت أبي ألبي طلباتهم كلهم عز الله ما جلست بالبيت ولا شفت عيالي

و كلهم اعتذرت منهم أقولهم مشغول و أتفاجأ مجرد ما أقوله مشغول يحذف نفسه من المتابعه ههههههه

نفسيه يعني غصب أخدمك

ولو صادق من متابعيني و محبيني كان يستمر بالمتابعه أما يضيفني عشان ما اعرف رقمه ولا اسمه

و يبي يمشورني ولو أعتذرت منه يحذف نفسه بسلامته

صحيح أخدم الناس ولكن ما توصل أنه بشكل يومي طلبات و المقابل ؟؟؟ ولا شيء

جهد و اضيع وقتي و استهلك سيارتي بحفر التشليح و أنزل بالشموس أدور له

بالنهايه لا أعرفه ولا شيء حتى و يزعل فوق هذا وش يزعلك حبيبي تبي شيء أخدم نفسك

و الحمد لله برمضان اكثر من 25 الى 40 واحد يطلبني خدمة من جده و أعتذر منه

و يحذف نفسه من بعدها توقفت الطلبات الحمد لله ههههههههه

يلا أستمتع بالمقاطع ما لقيت موضوع أنزله

و طالما المنتدى نايم ننعشه شوي

رغم انه ما اشوف مشاركات ولكن مجرد موضوع لي تبدأ لايكات وديسلايكات بأعداد كبيرة

تقول الاعضاء نايمين او وينهم ذولي

مثل موضوع قديم للعضو .... بإسم ام نوال وصلت الردود فوق 140 رد ههههههههه

الاعضاء القدامى يذكرون
https://www.youtube.com/watch?v=SiWdrHejR_c

https://www.youtube.com/watch?v=9_jG5awRjUU

https://www.youtube.com/watch?v=OWxnnIstQ_M

https://www.youtube.com/watch?v=1VPCuL__6f8

https://www.youtube.com/watch?v=4gVa-4uNGzU
https://www.youtube.com/watch?v=b3bL6BEkv20

https://www.youtube.com/watch?v=8KJe12mEKsE

https://www.youtube.com/watch?v=jezLtGDl4Tc

https://www.youtube.com/watch?v=nvya7j0Ep1c

إبلاغ

الردود