السفر من مكة للرياض - استفسار

لا تنسى دعاء السفر وربي يحميكم ان شاء الله والاخوان ماراح يقصرو معاك

900 كيلو ولاتنسى دعاء السفر والتشييك على السياره .. بالتوفيق

و عليكم السلام ورحمة الله و بركاته

هلا بصديقي القديم هههههههههههههه معاك ابراهيم التركي

المسافه حوالي 900 كيلو عن طريق السيل او الهدا كلها حول بعض

اما طريق المدينه ابعد بحوالي 400 كيلو زيادة ما ينفع مسافه طويله

بالنسبة لساهر اعتقد يبدأ قبل الرياض ممكن بـ250 كيلو قبل كذا كله أمن طرق مافيه ساهر

لو مشيت 5 العصر على سرعة 130 توصل ممكن 1 بالليل او قبلها بشوي

ههههههههههههههههههه

بالنسبة اللي عطوني ديسلايكات وش الغلط بكلامي

يعني طريق المدينه اقرب

او تبونه يمشي 200 عشان يوصل بسرعه او وش المطلوب

توصل بالسلامة 
المسافة من كبري الشرائع الى وسط الرياض 850 كيلو انا اسبوعيا او كل اسبوعين اطلع الرياض خط 
المدة المقدرة للوصول ما اقدر اقولك على حسب ممشاك و وقفاتك و هكذا 

ساهر من الزيما الى بعد حلبان ب 30 كيلو مافي شيء بعدها يجيك و بكثرة 

ترا قبل 6 شهور تقريبا كان قليل انتبه الحين كثروه و تعدي ساهر و بعدها ب5 كيلو يجيك حركة خباثه جديدة في خط الرياض 

بالنسبة للكاميرات فهي كبيرة كأنها برادات مسجد بس في الليل صعب تشوفها لكن في النهار يمديك بالراحة بس تابعها 

الايام ذي انصح بالمشي بعد المغرب لأن الغبار راح يجننك بس يوم فيه و كم يوم مافي انت و حظك 

و فيه مقطعه من الحوميات حتى الخاصرة حول 80 كيلو انتبه

الاستراحات سيئة بس فيه مطعم اسمه البراك بعد حلبان ب50 كيلو نظيف و جيد تلقاه في محطة

و محطات ساسكو فيها برقر كنق و حماماتهم نظيفة

و درب السلامة 

والله يوصلك سالم غانم 

لو تروح بالطيارة افضل لك لا ساهر ولا غبار يعدم واجهة السيارة واستأجر سيارة من المطار وخلص شغلك والله ان السفر قطعة من العذاب وموفق خير

من الطايف الى الرياض 750كيلو 

وانا مشيت فيه ب نفسي 

توصل بالسلامة ولا تنسى دعاء السفر .. ربنا يكفيك والجميع شر الطريق .