أضف سؤال أو موضوع جديد          

ضعف العزم بعد التوظيب

up 1 down 2
سعيد الزهراني 1 33
قبل 3 سنه و شهر



السلام عليكم 
قدر الله وارتفعت حراره سيارتي النترا 2011 في عقبه الكر

ومشيت عليها وخبطت المكينه وظبتها توظيب كامل في ورشة في جدة

المهم بعد التوظيب بيومين ارتفعت الحرارة وطلع السبب من لي الاديتر

غيرت واحد والثاني لحمته لان صعب فكه 

وارتفعت الحراره مره ثانيه القربه تفور وغيرت دينمو المروحة 

قلت يمكن هي السبب ومشيت على المكينه بعد ماوظبتها تقريبا 1500

 الان بعد مشي تقريبا 1500 كيلو الاحظ عزم السيارة ضعيف 

ويوم كلمت راعي الورشة يقولي كل شي مظبوط ومو ممكن ترجع 

وكالة  فا وش تشيرون علي اشيك عليه وبالنسبه للحراره 

وش تنصحوني اسيخ الرديتر !؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نفس الشي حصل بسيارتي بعد التوضيب صار العزم ضعيف مررة وطلعت عندي نتعة بالجير هذا والله أعلم السيارات اللي مكاينها صغيرة تتأثر عكس المكاين الكبيرة ما بيان كثير 


up 1 down 0
business to consumer 1160
قبل 3 سنه و شهر



شفلك مكينة مستعمل من التشليح احسلك .. ولا انك كل شويه تصلح فيها ويجيك خراب جديد والله يعينك


up 0 down 1
loody_23 364
قبل 3 سنه و شهر



بعد ماوظبت اشوف لي مكينه  

ان شاء الله تسلك المكينه الي وظبتها


up 3 down 1
سعيد الزهراني 1 33
قبل 3 سنه و شهر



وعليكم السلام ورحمة الله وبركاته 

ممكن الي وظب لك السياره  مايعرف يوظب. 

او القطع ماهي اصلي.  والله اعلم. 

بالنسبة للتوظيب عندي اكسنت 

11 الشكل القديم توي وظبتها في رمضان هذا 

وظبتها عند واحد بنقالي. كل اقاربي يعرفونه 

من اكثر من 23سنه. وشغله ماشاء الله تبارك الله 

وظبت عنده السياره. والقطع هو الي جابها 

وبعد التوظيب مشيت عليه 1200 كيلو تمرين 

وبعدها سافرت عليها من الرياض للجنوب 

ورجعت ثاني يوم.  والحمدلله والشكر لله. 

من افضل مايكون. عزم ممتاز وبالعكس افضل 

من اول. الحراره مافيه حراره. 

والحين  وتقريباً كل اسبوع اسافر عليه الدمام 

ومشيت عليها الحين تقريباً 18الف بعد التوضيب 

وماشاء الله تبارك الله. مافيها الا العافيه 

فاانت. ممكن الي وظب لك السياره. مايعرف يوظب 

او القطع ماهي اصلي. والله يفرج عنك ماانت فيه 


up 0 down 0



 والله القطع الي اخذها كوري 


up 0 down 1
سعيد الزهراني 1 33
قبل 3 سنه و شهر



توضيب المكينه سهل من ناحية الشغل و لكنه صعب من ناحيه الاتقان. 
و 90% من الورش اللي توضب المكاين مستحيل يرجعلك المكينة مثل ماكانت
لانه شغل عشوائي بدون وزنيات دقيقه مثل اجهزة المصانع. او يشتغل عليها 
صبي توه يتعلم تحت اشراف المعلم اللي يغفل عنه و انت الضحيه. او نفس المهندس 
يغفل عن حاجه معينه في التوضيب و برضه انت الضحيه مستحيل ترجعله و يفكلك المكينه 
عشين يعدل الخطأ لانه صعب جدا. فالمكينه الموضبه اما عزم طايح او صرفية بترول مرتفعه
او حراره زايده او قد تزبط معاك بنسبه ممتازة و هذا نادر الحصول. كما انك خسرت فيها قطع 
اصليه و غاليه. واذا رجعت للورشه تقله فيه اي مشكله حيصرفك باي طريقه لانه مستحيل يفك المكينة مرة
ثانيه.  فدائما افضل الواحد مكينه مستوردة بشرط تكون بحالة وكالتها يعني لا افتكت و لا توضيت من قبل 
و تكون نضيف من الداخل و لها علامات يفهموها الميكانيكيه
و ايضا بشرط تكون مطابقه لحجم مكينتك عشين لا يسير اختلاف في العزم. و تتميز هذي المكاين المستوردة 
بالنظافه و قلة المشي و ايضا سعرها مقبول مقارنة بالتوضيب وشغل اليد الغالي. و تركيب المكاين المستورده 
عند محلات الاستيراد ب 500 ريال و خلال يوم واحد و سيارتك جاهزة. و لك شهر ضمان اي صوت اي ضعف
 اي تهريب او حراره بيغيرها لك بغيرها بدون اي نقاش طالما من المكينه مشكله. 



up 0 down 0
amer ahmed 523
قبل 3 سنه و شهر



اخوي سعيد ارجعله وخله يضبطها غصبا عنه كيف يقولك هيا كذا والله اننا نروح للصناعية ونسوي اي شي ما اطلع حتى يضبطه 100% ولا اخذت حقي بيدي او بالشرطة غصبا عنه لا تكون ساكت على حقك وعندك بعد شيخ الصناعية روح له اذا ما تجاوب معك ما خلاهم يتمادون الا السكوت عليهم اما حكاية تخسر وتوضب وفي الاخير عزم تعبان واحد الاعضاء الله يهديه يقول غير مكينة !!!!!!!!!!!!!!!!!!!!!!!! اذا بتعطيه فلوس الله يقويك لكن لا تشطح بردك


up 0 down 0
ابوخلوودي1 5064
قبل 3 سنه و شهر



اذا القربة تفور يمكن الراس ما مسحه لك بيكلفك 1000 مسح و1000 فك وتركيب لا تصدق كلامه


up 0 down 0
ibo3276 440
قبل 3 سنه و شهر



السلام عليكم ورحمة الله وبركاته
اسعد الله واقاتكم بكل خير
عن اذن صاحب الموضوع
اخي الغالي سبحان الرازق سبحانه
وين الورشه هاذي الي وظبت فيها المكينه



up 0 down 0
alqaadi 59
قبل 3 سنه