ضعف العزم بعد التوظيب

نفس الشي حصل بسيارتي بعد التوضيب صار العزم ضعيف مررة وطلعت عندي نتعة بالجير هذا والله أعلم السيارات اللي مكاينها صغيرة تتأثر عكس المكاين الكبيرة ما بيان كثير 

شفلك مكينة مستعمل من التشليح احسلك .. ولا انك كل شويه تصلح فيها ويجيك خراب جديد والله يعينك

بعد ماوظبت اشوف لي مكينه  

ان شاء الله تسلك المكينه الي وظبتها

وعليكم السلام ورحمة الله وبركاته 

ممكن الي وظب لك السياره  مايعرف يوظب. 

او القطع ماهي اصلي.  والله اعلم. 

بالنسبة للتوظيب عندي اكسنت 

11 الشكل القديم توي وظبتها في رمضان هذا 

وظبتها عند واحد بنقالي. كل اقاربي يعرفونه 

من اكثر من 23سنه. وشغله ماشاء الله تبارك الله 

وظبت عنده السياره. والقطع هو الي جابها 

وبعد التوظيب مشيت عليه 1200 كيلو تمرين 

وبعدها سافرت عليها من الرياض للجنوب 

ورجعت ثاني يوم.  والحمدلله والشكر لله. 

من افضل مايكون. عزم ممتاز وبالعكس افضل 

من اول. الحراره مافيه حراره. 

والحين  وتقريباً كل اسبوع اسافر عليه الدمام 

ومشيت عليها الحين تقريباً 18الف بعد التوضيب 

وماشاء الله تبارك الله. مافيها الا العافيه 

فاانت. ممكن الي وظب لك السياره. مايعرف يوظب 

او القطع ماهي اصلي. والله يفرج عنك ماانت فيه 

 والله القطع الي اخذها كوري 

توضيب المكينه سهل من ناحية الشغل و لكنه صعب من ناحيه الاتقان. 
و 90% من الورش اللي توضب المكاين مستحيل يرجعلك المكينة مثل ماكانت
لانه شغل عشوائي بدون وزنيات دقيقه مثل اجهزة المصانع. او يشتغل عليها 
صبي توه يتعلم تحت اشراف المعلم اللي يغفل عنه و انت الضحيه. او نفس المهندس 
يغفل عن حاجه معينه في التوضيب و برضه انت الضحيه مستحيل ترجعله و يفكلك المكينه 
عشين يعدل الخطأ لانه صعب جدا. فالمكينه الموضبه اما عزم طايح او صرفية بترول مرتفعه
او حراره زايده او قد تزبط معاك بنسبه ممتازة و هذا نادر الحصول. كما انك خسرت فيها قطع 
اصليه و غاليه. واذا رجعت للورشه تقله فيه اي مشكله حيصرفك باي طريقه لانه مستحيل يفك المكينة مرة
ثانيه.  فدائما افضل الواحد مكينه مستوردة بشرط تكون بحالة وكالتها يعني لا افتكت و لا توضيت من قبل 
و تكون نضيف من الداخل و لها علامات يفهموها الميكانيكيه
و ايضا بشرط تكون مطابقه لحجم مكينتك عشين لا يسير اختلاف في العزم. و تتميز هذي المكاين المستوردة 
بالنظافه و قلة المشي و ايضا سعرها مقبول مقارنة بالتوضيب وشغل اليد الغالي. و تركيب المكاين المستورده 
عند محلات الاستيراد ب 500 ريال و خلال يوم واحد و سيارتك جاهزة. و لك شهر ضمان اي صوت اي ضعف
 اي تهريب او حراره بيغيرها لك بغيرها بدون اي نقاش طالما من المكينه مشكله. 

اخوي سعيد ارجعله وخله يضبطها غصبا عنه كيف يقولك هيا كذا والله اننا نروح للصناعية ونسوي اي شي ما اطلع حتى يضبطه 100% ولا اخذت حقي بيدي او بالشرطة غصبا عنه لا تكون ساكت على حقك وعندك بعد شيخ الصناعية روح له اذا ما تجاوب معك ما خلاهم يتمادون الا السكوت عليهم اما حكاية تخسر وتوضب وفي الاخير عزم تعبان واحد الاعضاء الله يهديه يقول غير مكينة !!!!!!!!!!!!!!!!!!!!!!!! اذا بتعطيه فلوس الله يقويك لكن لا تشطح بردك

اذا القربة تفور يمكن الراس ما مسحه لك بيكلفك 1000 مسح و1000 فك وتركيب لا تصدق كلامه

السلام عليكم ورحمة الله وبركاته
اسعد الله واقاتكم بكل خير
عن اذن صاحب الموضوع
اخي الغالي سبحان الرازق سبحانه
وين الورشه هاذي الي وظبت فيها المكينه