أضف سؤال أو موضوع جديد          

رائحة البنزين و لمبة البريك

up 2 down 5
rraammooss 959
قبل 2 سنه و شهر



السلام عليكم ورحمة الله و بركاته 
اسعد الله اوقاتكم بكل خير 

اليوم قلت بغير فلتر (صفاية)البنزين
المهم شريتها ب90 ريال أصلي 
و رحت الورش ابي اركبها و لقيت واحد قالي ب 100 الباقين اقل واحد 150 ريال 
و ركبها و خلص و جيت ابي احرك الا لمبة البريك او الجلنط شغالة حتى و انا امشي 
قلت له اللمبة اشتغلت قال مالها دخل في شغلي 
انا اللي جنني قبلها ما كانت شغالة مع المشي نهائيا 
و رفع صوته و تخاصمت وياه و صارت مشاكل 
و رحنا القسم لأنه تلفظ عليه أقسم بالله يا العمالة ما عاد تشوفنا شيء 
والله كلمته بإحترام قلت اللمبة طلعت بعد تصليحك و لا يقفل في وجهي الباب و يقول مالي دخل 
و رحت للقسم و اخذوه معي و للأسف ما عاد فيه احد يحميك لطعوني  3 ساعات و اخرتها جاني الرقيب يقول روح للمحكمة الحقوقية مدري وشو و يحولوك شيخ الورش والله ماني فاضي لها و ماهي مستاهله بحكم عملي و أهلي اضبط الشقة زواجي قريب و الدراسة ما عندي الا كم ساعة انام فيها في اليوم
وربي العمالة ما عاد تشوفنا شيء قلت له بدق على الحكومة في بداية المشكلة قالي دق ما عليه محد بيفيدك !!!!!!
و فعلا صدق فيها 
رموني في الانتظار تقول اني مجرم جنبي سكران و واحد مفقوع وجهه دم و الثاني مشقوق ثوبه متضارب 
حسبي الله متضرر و اتعامل كني مجرم 
منجد محد ينصفك في ذا الوقت 

المهم الحاصل اللمبة مستمرة و فصلت الاصبع و ما نفع 
و الحين فيه رائحة بنزين شكله ما ضبط الشغل حسبي الله عليه دنيا و آخره 

الصفاية حلها إني اروح لواحد غيره يفكها و يضبطها 

بس تتوقعون اللمبة من ايش ؟ 
هل العلبة حقت الفرامل تسوي كذا 
لأن الزيت مو ناقص مشيك عليه 

و ما بصلح شي مو خربان و يلعبون علي 
و فلوسي يالله يالله تكفيني الحال مزري

و ما نستغني عن خبراتكم و توجيهاتكم

السيارة ازيرا 2008 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ريحة البنزين شي طبيعي بعد تغيير الصفاية لكن كم يوم كذا وتلاحظ انها تبدا تختفي 
واذا جلست مستمره فالسبب بسيط من الجلده الي حجمها تقريبا قد غطاء النيدو 
الي فالنهايه يحطها بين التانكي والغطاء العلوي ويشد المسامير الاخيره 

ولمبه الجلنط ماادري لكن لاتشيل هم كلها بسيطة 


up 3 down 1
فلان الفلاني 508 386
قبل 2 سنه و شهر



حسب علمي وتجربتي
لمبه البريك ولعت علي في الكامري ودورت للمكشله قالولي عبي زيت الفرامل يمكن يكون ناقص عبيت زيت الفرامل شويه وراحت اللمبه على طول وعليه الى الحين ما قد ولعت اللمبه ولله الحمد هذي من ناحيه الكامري
مدري اذا االازيرا غير الشغل ذا الله اعلم


up 2 down 1
bssam13 244
قبل 2 سنه و شهر



اسباب لمبه البريك تولع

البريك الفحمات او القماشات انتهو خلصو او قرب ينتهي

او احتمال غسلت سياره بماء و ولعت اكثر سبب


او احتمال واير انفصل او حساس
:

ارجو التقييم ب لايك جعل والديكم بالجنه و شكرا



up 1 down 0
silverdiamond 372
قبل 2 سنه و شهر



قبل ما يفك الصفايه هل فصل فيوز أو كتاوت أو شء؟ ؟ 



up 0 down 0
عمده33 1618
قبل 2 سنه و شهر



لمبة البريك يمكن بالغلط بسبب غشامته فصل واير تحذير ينبهك بنقص زيت الفرامل يجي بعلبة زيت البريك
اما بالنسبة للريحة شوف الفلتر اذا يهرب بنزين معناه مو راكب زين


up 0 down 0
مطلوب سياره 387
قبل 2 سنه و شهر



عمده 
ما فصل شيء 
اشتغل في الصفاية على طول


up 0 down 0
rraammooss 959
قبل 2 سنه و شهر



مطلوب سيارة العلبة في الكبوت و هو ما فتح الكبوت


up 0 down 0
rraammooss 959
قبل 2 سنه و شهر



السلام عليكم و الرحمة

بخصوص لمبة البريك 

خلي المفتاح على وضع NO 

افصل اصبع البطارية السالب لمدة ١٥ دقيقة 

و بعدها اشبكه و شغل السيارة بتلاحظ انها اختفت 

كذا تكون تبرمجت من اول و جديد 

و طمنا وش يصير معاك حبيبي 


up 1 down 0
ال سيف للساعات 7
قبل 2 سنه و شهر



ال سيف 

جزاك الله خير 

و جربت الطريقة و ما نفعت 

هل علبة الفرامل قد تكون السبب ؟

لأنها لدت دعسة الفرامل تهوي مع الدعس تحت و لازم ادبل عشان تمسك


up 0 down 0
rraammooss 959
قبل 2 سنه و شهر